Sputnik Տաջիկստան. «Crocus»-ի վրա հարձակված ահաբեկիչներից մեկին Թուրքիայում պատրաստել են ԻՊ-ի անդամները

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Մերձմոսկովյան «Crocus City Hall»-ում տեղի ունեցած ահաբեկչության մեջ մեղադրվող Ֆարիդուն Շամսիդդինը կապված է եղել Թուրքիայում բնակվող տաջիկական ծայրահեղական շրջանակների հետ, հայտնում է Sputnik Տաջիկստանը՝ հղում անելով աղբյուրին։

«Այս տարվա սկզբին նա գնացել է Ստամբուլ: Թուրքիա կատարած այցը բազմաթիվ հարցեր է առաջացրել նրա ընկերների մոտ։ Այդ ժամանակ էլ նա սկսել է ծայրահեղականության նշաններ ցույց տալ ընտանիքի և ընկերների հետ զրույցներում, բայց ասել է, որ Թուրքիայում ընկերներ ունի և ցանկանում է այնտեղ աշխատել»,- ասել է զրուցակիցը։

Ըստ նրա, արգելված ԻՊ ահաբեկչական խմբավորմանն առնչություն ունենալու մեջ կասկածվող 40 մարդու կալանավորումը Թուրքիայում իրականացվել է հարցաքննությունների ժամանակ Շամսիդդինի տրամադրած տեղեկությունների հիման վրա։

«Ենթադրվում է, որ հենց այդ ժամանակ է Ֆարիդունը ստացել անհրաժեշտ պատրաստվածությունը հարձակումն իրականացնելու համար: Նրան պատրաստել են Աֆղանստանում և Սիրիայում ԻՊ-ի շարքերում  կռված ահաբեկիչները»,- ասել է աղբյուրը:

Սակայն դեռ պարզ չէ՝ արդյո՞ք Շամսիդդինը պատրաստություն է անցել միայն Թուրքիայում, թե՞ այլ երկրներում ևս, այդ թվում՝ Աֆղանստանում, Սիրիայում և Իրաքում, որտեղ գործում է Պ-ն։

Աղբյուրը հավելել է,, որ Ֆարիդուն Շամսիդդինը բանտարկված է եղել Տաջիկստանում մի տղայի բռնաբարության համար։

Նա ընդգծել է, որ աղջկա հանդեպ ոտնձգության մեղադրանքով նրա երկու տարվա ազատազրկման մասին տեղեկությունները ճիշտ չեն։

Աղբյուրի համաձայն, 16 տարեկանում՝  9-րդ դասարանի աշակերտ եղած ժամանակ,  Ֆարիդունը բռնաբարել է վեցերորդ դասարանցու։ Գասարի շրջանային դատարանը նրան դատապարտել է 6 տարվա ազատազրկման։

«Նա բանտից ազատվել է 2020 թվականին և մեկնել Մոսկվա, որտեղ աշխատել է որպես բեռնակիր և շինարար։ Երկու տարի առաջ նա վերադարձել է հայրենիք, ամուսնացել, ունի 9 ամսական երեխա»,- Sputnik Տաջիկստանին է պատմել աղբյուրը։