Եթե մեր գյուղերի հատվածում պետք է սահմանազատում լինի, ապա սահմանագիծը պետք է շրջանցի միջպետական ճանապարհը և անցնի գետի երկայնքով․ Ոսկեպարի գյուղապետ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Շուրջ մեկ ամիս է ինչ Տավուշի մարզի սահմանամերձ Ոսկեպար, Բաղանիս, Կիրանց գյուղերի բնակիչները կորցրել են իրենց անդորրը, գյուղացու կյանքի առօրեական հոգսերը մղվել են ետին պլան։ Այսօր Տավուշի սահմանամերձ գյուղերի բնակիչների մտքերը զբաղված են գլոբալ աշխարհաքաղաքական հարցերով, որոնք եկել ու թակել են իրենց դուռը։

Օրեր առաջ ՀՀ վարչապետ Նիկոլ Փաշինյանը ի լուր աշխարհի հայտարարեց, որ Հայաստանը պատրաստ է սկսել սահմանազատման գործընթացը Տավուշի մարզի Ոսկեպար-Բաղանիս գյուղերին հարակից հատվածից։ Նա նաև չժխտեց, որ Հայաստանը պատրաստ է բավարարել Բաքվի պահանջը և տվյալ գյուղերի մերձակա չորս լքյալ գյուղերի խնդրահարույց տարածքը փոխանցել Ադրբեջանին, ինչի հետևանքով Հայաստան-Վրաստան միջպետական ճանապարհի և գազամուղի մի հատվածը հայտնվելու են Ադրբեջանի վերահսկողության տակ, ինչպես նաև խաթարվելու է սահմանի այդ հատվածի անվտանգային մթնոլորտը։

Ստեղծված իրավիճակը Տավուշի սահմանամերձ գյուղերի բնակիչների հետ քննարկելու համար վարչապետ Նիկոլ Փաշինյանը մարտի 19-ին այցելեց Ոսկեպար և Կիրանց համայնքներ։

«Վարչապետը եկել ա, մեզ տեղում իրավիճակին ծանոթացրել ա, մենք էլ մեր կարծիքը, մեր ասելիքը ուղիղ իրան ենք ասել»,- InfoPort.am-ի թղթակցի հետ զրույցում նշեց Ոսկեպարի համայնքապետ Իշխան Աղբալյանը։

        

Ի՞նչ եք ասել․․․

-Ինչ պետքն ա, էն էլ ասել ենք, շատ կոպիտ ու ուղիղ ձևով ենք ասել էն, ինչ մտածում ենք, ասել ենք, որ մենք տալու, զիջելու բան չունենք, մինչև վերջ պատրաստ ենք կռվել ու պայքարել մեր հողերի համար,- մեկը մյուսին հերթ չտալով, գյուղապետի խոսքը կտրելով, բղավում էին գյուղացիները։

«Մեզ համար որևէ փոխզիջումային տարբերակ ընդունելի չէ, որովհետև ճանապարհը, գազամուղը մնում են Ադրբեջանի տիրապետության տակ, էլ չհաշված, որ պաշտպանական բնագծերն են խաթարվում»,- շարունակեց գյուղապետը։

Բա ձեր այս մտահոգություններին վարչապետը ի՞նչ պատասխանեց․․․

«Ոչ մի բան, ինչ տեր ասի, լսում էր, ինքն էլ պատասխաններ չուներ, ասեց, պետք ա գնանք, քննարկենք, մի տաս օրից գանք ձեզ ասենք․․․»

-Բա տասն օրն անցավ, ուր ա չկա, բա թող գա, կանգնի, նայի աչքերներիս մեջ ու ասի, ինչ որոշեց, մենք էլ մերն ասենք,- նորից գյուղապետի խոսքը կտրեցին գյուղացիները։

Գյուղապետ Աղբալյանը նշում է, որ իրենց պահանջն այն է, որ եթե սահմանազատում պետք է լինի իրենց գյուղերի հատվածից, ապա սահմանագիծը պետք է շրջանցի միջպետական ճանապարհը և անցնի գետի երկայնքով։ «Մնացած ոչ մի տարբերակի մենք համաձայն չենք, մնացած ինչ տարբերակ էլ լինի, մեր անվտանգությունը կհայտնվի սպառնալիքի տակ»,- պնդում է գյուղապետը։

Բայց Փաշինյանը նաև խոսել է այդ չորս գյուղերի տարածքը Հայաստանին պատկանող 31 այլ գյուղերի արոտավայրերի հետ, որոնք ներկայումս գտնվում են Ադրբեջանի վերահսկողության տակ, փոխելու մասին․․․

«Մեզ հետ հանդիպմանը նման բան չի հայտարարել, մեզ հետ հանդիպմանը, ընդհանրապես ոչ մի լուծում չի հայտարարել, էդ մենք ենք իրեն ասել, բա եթե իրենք (Ադրբեջանը) էդ գյուղերը ուզում են, բա մենք էլ լիքը արոտավայրեր ունենք իրենց վերահսկողության տակ, բա մենք դրանք ինչի՞ հետ չենք ուզում»,- եղելությունը այսպես բացահայտեց գյուղապետը։   

Բայց վարչապետը նաև ասել է, որ եթե չգնանք զիջումների, պատերազմ կլինի․․․ 

«Բալա ջան, բա որ մի երկրի ղեկավար սեփական ժողովրդին սպառնա պատերազմով, էլ ինչ ես ուզում։ Պատերազմ է լինելու, թող լինի, մենք պատրաստ ենք կռվել, 90-ականներին ոնց ենք կռվել։ Ասում ա՝ հիմիկվա պատերազմը ուրիշ ա լինելու։ Ուրիշ ա լինելու՝ էն ժամանակ 15 զոհ ենք տվել, հիմա 30 կտանք»,- մեր զրույցը եզրափակում է գյուղապետը։

Տեղի ինքնապաշտպանական ուժերի ղեկավարն էլ, ով ժամանակին ԶՈՒ բարձրաստիճան սպա է եղել, հավաստում է՝ եթե պետությունը տեղի բնակիչներին զինի, բանակն էլ կանգնի նրանց կողքին, ապա ռազմական գործողությունների հաջողությունը ապահովված կլինի։ «Տավուշի մարզի պաշտպանական բնագծերը շատ լավն են»,- պնդում է նա։                      

Ի դեպ նշենք, որ Ոսկեպարը այս օրերին մարդաշատ է․․․Կողքի գյուղերի և Երևանի բազում բնակիչներ, եկել և այս օրերին բնակություն են հաստատել Ոսկեպարում․․․Ասում են՝ եկել ենք ոսկեպարցիների կողքին լինենք, չթողնենք, որ ընկճվեն ու ընկրկեն, իսկ եթե, Աստված մի արասցե, կռիվ սկսվի, նրանց հետ միասին կկռվենք։    

Մեզ հետ զրույցում այրումցի Մարինե Բաղդասարյանը, ով ընկերուհու՝  Անուշ Ներսիսյանի հետ եկել է և այս օրերին բնակություն է հաստատել Ոսկեպարում, ասում է, որ չնայած հաշմանդամությանը՝ Մարինեի ձեռքը ժամանակին մնացել է Այրումի պահածոների գործարանի հաստոցի տակ, պատրաստ է մի ձեռքով զենք վերցնել և կռվել հանուն Հայրենիքի։ Նրա ընկերուհին՝ Անուշը ավելացնում է․ «Եկել ենք, որ մինչև վերջին շունչներս պայքարենք մեր հողերի համար, կոչ ենք անում բոլորին գալ և միանալ մեր պայքարին։ Հա մեկ էլ ուզում եմ ձեր միջոցով փոխանցել Փաշինյանին, որ ասում էր՝ էստեղի ճանապարհներին օբյեկտներ չեն սարքվել, որովհետև գիտեին, որ պետք տան թուրքին, ուզում եմ ասել, որ եկել եմ, որ ճանապարհին օբյեկտ սարքեմ, որ չտանք թուրքին»։

Իր մտահոգություններով առկա խնդիրների մասին կիսվում է նաև ոսկեպարցի Մեխակ Հարությունյանը