5 երեխաների հայրը խաղալիք ատրճանակով թալանել է խանութը՝ երեխաներին կերակրելու համար (լուսանկարներ)

Past.am

Տղամարդը՝ դիմակը դեմքին ու ատրճանակը ձեռքին մտել է մթերային խանութ եւ վաճառողուհուց պահանջել խանութի շահույթը։ Փողը վերցնելուց հետո նա փախել է, իսկ 5 րոպեից դեպքի վայր են ժամանել ոստիկանները։ Միջադեպը տեղի է ունեցել ՌԴ Ռեվդա քաղաքում։ Երբ ոստիկանները զննել են դեպքի վայրը, քմծիծաղ են տվել՝ գեղը պրոֆեսիոնալ չի եղել՝ ոտքով փախել է՝ ձյան վրայով։

Ոստիկաններին մնում էր միայն ոտնահետքերով գնալ, եւ րոպեներ անց դրանք բերել են քաղաքի հինգհարկանի շենքերից մեկը։ Նրանք տեսել են տղամարդուն, ով դիմակը հանել ու կողքերն է նայում, ոստիկաններն էլ անմիջապես բռնել են նրան։ Ատրճանակն էլ, պարզվել է, իսկական չէ, ընդամենը խաղալիք է։ Տղամարդը ոստիկաններին ասել է․ «Հինգ երեխա ունեմ, նրանց կերակրել էր պետք։ Եվ իսկապես, 34-ամյա Եվգենին հինգ երեխա ունի։ Նա տան միակ կերակրողն է։ Կինը հազիվ է հասցնում երեխաներին խնամել, չի կարող աշխատել։

Եվգենին երկու տարի աշխատել է շինարարական ընկերությունում՝ շինարար, սակայն 2015-ին նրան ազատել են աշխատանքից՝ կրճատման տակ է ընկել, իսկ դեկտեմբերի 29-ին նրա հինգերորդ երեխան է ծնվել՝ տղա։ Հենց այդ ժամանակ Եվգենին որոշել է վերցնել երեխաների խաղալիքն ու գնալ խանութը թալանելու։ Արդյունքում 50 հազար ռուբլի է վերցրել, գումարը նրա գրպանում հայտնաբերել են ոստիկաններն ու առգրավել։ «Ես շոկի մեջ էի, երբ իմացա ամուսնուս արարքը։ Հուսով եմ՝ պայմանական կտան, ախր վարձով ենք ապրում, երեխաները ուտելու բան չունեն»,- ասել է Եվգենիի կինը։