ՊԱՏՄՈՒԹՅԱՆ ԱՅՍ ՕՐԸ (25 ԱՊՐԻԼԻ). Առաջին անգամ օգտագործվել է գիլիոտինը՝ որպես մահապատժի գործիք. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

ԴՆԹ-ի միջազգային օր, Մալարիայի դեմ պայքարի միջազգային օր, Իտալիա՝ Ֆաշիզմից ու գերմանական օկուպացիայից ազատագրման օր, Պորտուգալիա՝ Հեղափոխության և ազատագրման օր, Եգիպտոս՝ Սինայան թերակղզու ազատագրման օր։

ՀԱՅ-ՀԱՅԱՍՏԱՆ

775 –Արձնիի ճակատամարտում զոհվել են Հայոց սպարապետ Սմբատ Բագրատունին, իշխան Սահակ Բագրատունին, զորավար Մուշեղ Զ Մամիկոնյանը, տանուտեր իշխան Սամուել Բ Մամիկոնյանը, իշխան Դաշույն Վահանը (Գնունի)։

1888-վախճանվել է հայ դասական գրող Րաֆֆին։

1897 – ծնվել է կոմպոզիտոր Հարո Ստեփանյանը։

1907-ծնվել է նշանավոր գուսան Աշոտը։

1918–հայ-թուրքական պատերազմի ընթացքում Թուրքիան գրավել է Կարսը:

1918-ծնվել է խորհրդային և ռուսական էստրադայի արտիստ, իլ յուզիոնիստ Հարություն Հակոբյանը։

2003-«Արմենիա» հյուրանոցում ստորագրված բազմակողմ պայմանագրով ստեղծվել է Հայաստանի առաջին լիզինգային ընկերությունը՝ շուրջ 1 միլիոն դոլար հիմնադիր կապիտալ ունեցող «ԱԳԲԱ լիզինգ» ընկերությունը։

2007- մեկնարկել է «Ես եմ» միջազգային երիտասարդական կինոփառատոնը։

2008-Արգենտինայի Սենատը վերահաստատել է Հայոց ցեղասպանությունը ճանաչող բանաձևը՝ հարուցելով Թուրքիայի զայրույթը։

2014 -ՕԵԿ նախագահ Արթուր Բաղդասարյանը հրաժարական է ներկայացրել Ազգային անվտանգության խորհրդի քարտուղարի պաշտոնից:

2015-Ամերիկահայ հայտնի հեռուստաաստղ Քիմ Քարդաշյանը բացառիկ էսսե է գրել «Թայմի» համար, որում պատմել է իր հայկական ժառանգության մասին և ներկայացրել Հայոց ցեղասպանության 100-րդ տարելիցի վերաբերյալ իր մտորումները։

2016 - «Սա սիրո հաղթանակ է ատելության նկատմամբ», - հենց այդ խոսքերով է «Ավրորայի» առաջին դափնեկիր Մարգարիտ Բարանկիցեն իր մրցանակը ստացել հոլիվուդյան հայտնի դերասան Ջորջ Քլունիի ձեռքից:

2018- առավոտից Վանաձորում բազմամարդ ցույցեր և երթեր են եղել, գյումրեցիները ողջ օրվա ընթացքում երթեր են անցկացրել, որը եզրափակվել է Թատերական հրապարակում անցկացված հանրահավաքով։ Սևան-Երևան միջպետական մայրուղին վաղ առավոտից փակվել է ցուցարարների կողմից։ ՀՅԴ Հայաստանի Գերագույն մարմինը հանդես է եկել հայտարարությամբ՝ ազդարարելով, որ դադարեցնում է իր մասնակցությունը քաղաքական կոալիցիային։

2019- Թուրքիայի նախագահ Ռեջեփ Էրդողանը հերթական անգամ Հայաստանին կոչ է արել բացել արխիվները:

2020-կալանավորվել է «Մուլտի գրուպ» ընկերության տնօրեն Սեդրակ Առուստամյանը:

2021- Նիկոլ Փաշինյանը հրաժարական է տվել ՀՀ վարչապետի պաշտոնից, բայց շարունակել է կատարել ՀՀ վարչապետի պարտականությունները օրենսդրությամբ ու Սահմանադրությամբ սահմանված ամբողջ ծավալով:

ԱՇԽԱՐՀ

1214-ծնվել է յոթերորդ և ութերորդ խաչակրաց արշավանքների ղեկավար, ֆրանսիայի թագավոր Լյուդովիկոս Իններորդը։

1228-ծնվել է Գերմանիայի, Սիցիլիայի և Երուսաղեմի թագավոր Կոնրադ Չորրորդը։

1607-Ջիբրալթարի ճակատամարտում հոլանդական նավատորմը ոչնչացրել է իսպանացիներին։

1719-Լոնդոնում լույս է տեսել Դանիել Դեֆոյի վեպը Ռոբինզոն Կրուզոյի մասին։

1737-վախճանվել է ռուս քաղաքական գործիչ, կոմս Դմիտրի Գոլիցինը։

1783-Ֆրանսիական Աննոնե քաղաքում օդ է բարձրացվել մարդու քաշին հավասար բեռով օդապարիկ։

1792- Ռուժե դե Լիլը ստեղծել է երգ Ռեյական բանակի համար. ներկայում այդ երգը հայտնի է որպես ֆրանսիայի հիմն՝ Մարսելյեզ։

1792-Ֆրանսիայում առաջին անգամ օգտագործվել է գիլիոտինը՝ որպես մահապատժի գործիք։

1826-Անգլիայում արտոնագրվել է առաջին ներքին այրման շարժիչով ավտոմեքենան։

1839-անգլիական զորքերը մտել են աֆղանական Կանդագար քաղաք։

1859-ֆրանսիացի ինժեներ և դիվանագետ Ֆերդինանդ Լեսսեպսի ղեկավարությամբ սկսվել է Սուեզյան ջրանցքի կառուցումը Պորտ Սաիդում։

1878-ծնվել է իտալացի ռադիոտեխնիկ և գործարար, Նոբել յան մրցանակակիր Գուլյելմո Մակրոնին։

1901-Նյու Յորքում առաջին անգամ ներդրվել են ավտոմեքենաների համարանիշներ։

1928-վախճանվել է ռուս զորավար, Սպիտակների շարժման ղեկավարներից մեկը՝ Պյոտր Վրանգելը։

1931-Ֆերդինանդ Պորշեն հիմնադրել է Porsche ընկերությունը։

1940-ծնվել է թատրոնի և կինոյի ամերիկյան դերասան, «Օսկարի» մրցանակակիր Ալ Պաչինոն։

1945-սկսվել է Սան Ստեֆանոյի միջազգային գագաթաժողովը, որտեղ ընդունվել է ՄԱԿ-ի կանոնադրությունը։

1945-Երկրորդ համաշխարհային պատերազմի ժամանակ Էլբայում հանդիպել են ամերիկյան և խորհրդային զինվորները։

1946-ծնվել է ռուս քաղաքական գործիչ Վլադիմիր Ժիրինովսկին։

1952-ծնվել է հոկեյի լեգենդար դարպասապահ Վլադիսլավ Տրետյակը։

1974- Պորտուգալիայում տեղի է ունեցել «Մեխակների հեղափոխությունը» և ֆաշիստական ռեժիմի խորտակումը։

2005-Բուլղարիան և Ռումինիան ստորագրել են Եվրամիություն մտնելու պայմանագիրը։

2015- Նեպալում 7,8 մագնիտուդ ուժգնության երկրաշարժ է գրանցվել. զոհվել է 8 151 մարդ, վնասվածքներ ստացել՝ 17 868-ը։

2022 - Իլոն Մասկը 44 միլիարդ դոլարով գնել է «Թվիթերը»:

Մանրամասները՝ «Փաստ» օրաթերթի այսօրվա համարում