Արտակարգ դեպք՝ Երևանում․ «Hyundai Elantra»-ն Շիրակի փողոցում հայտնվել է «Գազպրոմ»-ի փորած փոսում

ՀԱՍԱՐԱԿՈՒԹՅՈՒՆ 3 Մայիս, 2024 0:34

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Այն, որ մայրաքաղաքում «Վեոլիա ջրի» ու «Գազպրոմ Արմենիա»-ի փնթի աշխատանքի արդյունքում բազմաթիվ փոսեր վարորդների ու հետիոտների համար մի իսկական պատուհաս են դարձել, արդեն Երևանցիների համար գաղտնիք չի։ Նշված ընկերությունները փորում են փոսերը ու անկապ, ոչ ճիշտ նշաններ տեղադրում ու այդքանով համարում են թե պահպանել են անվտանգության կանոնները, մինչ դեռ շատ դեպքերում, ինչպես ժողովուրդն է ասում նշված ընկերություններում կարծես թե «ձախ ձեռքը չգիտի, ինչ ա անում է աջը»։

Երեկ՝ մայիսի 2-ին, «Գազպրոմ Արմենիա» ընկերության փորած փոսի պատճառով հերթական ավտոմեքենան է հայտնվել անհարմար դիրքում։ Շիրակի փողոցում, ժամը 20։50-ի սահմաններում Արմավիրի մարզի բնակիչ 44-ամյա Արմեն Ք․-ն իր վարած «Hyundai Elantra» մակնիշի ավտոմեքենայով ընկել է «Գազպրոմ»-ի փորած փոսը։

Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների, բարեբախտաբար, տուժածներ չկան։

Օպերատիվորեն դեպքի վայր են ժամանել ՀՀ Ներքին գործերի նախարարության ոստիկանության Պարեկային ծառայության Երևան քաղաքի գնդի 3-րդ գումարտակի 2-րդ վաշտի պարեկները՝ գումարտակի հրամանատար Գոռ Առաքելյանի, գումարտակի հրամանատարի տեղակալ Ալբերտ Հովհաննիսյանի, վաշտի հրամանատար Ալյոշա Այվազյանի գլխավորությամբ։

Տարածքը սահմանազատել են նույն վաշտի պարեկներ Արթուր Կարապետյանն ու Դավիթ Քուռոյանը։

Ավտոմեքենան քաղաքացիների ուժերով հատուկ տեխնիկայով (մանիպուլյատոր) դուրս բերվեց անվտանգ վայր։

Ֆոտոլրագրողը հայտնում է, որ նշված աշխատանքները իրականացվում է «Դավ-Վահ» ՍՊԸ-ի կողմից , իսկ տնօրենը՝ Դավիթ Աբրահամյանն է։

Լուսանկարները՝ Սմբատ Պետրոսյանի

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

Առավել մանրամասն` այստեղ.

https://t.me/arm24live