«Որոշել ենք զբաղվել իրական Stand Up-ով». Stand Up Level Up-ի հայտնի հյուրերը, մանրամասներն ու լուսանկարները

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երկար տարիների գաղափար, սև հումոր և նոր դեմքեր Բոհեմ թատրոնում: Կայացել է պրոդյուսերներ Վահան Թովմասյանի և Մհեր Մխիթարյանի Stand Up Level Up նոր հումորային ներկայացման առաջնախաղը:

Tert.am Life-ը ներկա է եղել և ներկայացնում է մանրամասներն ու լուսանկարները։

Stand Up Level Up-ը թատրոնում նոր ձևաչափ է, որտեղ Stand Up-ով են հանդես գալիս տարբեր նախագծերից և համացանցից 7 հայտնի դեմքեր՝ Վահան Թովմասյանը, Մհեր Մխիթարյանը, Արմեն Սարգսյանը, Տիգրան Գևորգյանը, Վազգեն Օհանյանը, Նինա Տիտանյանը, Անդրանիկ Համբարձումյանը:
Նախագծի պրոդյուսերներն են Վահան Թովմասյանը և Մհեր Մխիթարյան: Մեզ հետ զրույցում Վահան Թովմասյանը նշում է.

«Stand Up-ի այս գաղափարն իմ ու Մհերի գլխում շատ վաղուց կա: Երկար տարիներ քննարկելուց հետո որոշեցինք, որ ժամանակն է եկել, որ իրագործենք, ու բացի ինձանից ու Մհերից նաև Նինայի երազանքն էր: Մենք ընտրեցինք առանձին մարդկանց, որոնք զբաղվում են Stand Up-ով, որոնք սիրում են այդ գործը, ոչ թե վերաբերվում են որպես շահ, որովհետև այստեղ հատուկ շահ չկա»:

Նինա Տիտանյանը, որը հանրությանը հայտնի է դարձել «Հումորի Լիգա» նախագծից, ինչից հետո բավականին ակտիվ գործունեություն է ծավալում համացանցում՝ վարելով սեփական հումորային էջը, նշում է՝իր համար բարդ էր, որ իրեն համացանցային կերպարից դուրս հանրությունը չի ճանաչում.
«Բարդ էր, որ ինձ կեպարից դուրս չեն ճանաչում, մարդիկ սովորել են, որ ես կերպարներով եմ հանդես գալիս ու որպես Նինա չեն ճանաչում, այդ առումով բարդ էր, բայց շատ հետաքրքիր փորձ է, որ բեմից քեզ ճանաչում են, որպես Նինա ու եթե լավ է ստացվում, սառույցը հավում է ու ավելի հեշտանում»:

Հարցին, արդյոք դժվար չէ համացանցից և տեսախցիկներից այն կողմ մեծ բեմում, հանդիսատեսի առաջ հանդես գալը, նա նշում է. «Դժվար չի երբ հանդիսատեսը ինչ-որ հումորների վրա չի ծիծաղում, ես սիրում եմ, որ բեմից եմ խոսում իսկ արձագանքն ավելի իրական է լինում, և երբ որ տեսնում ես, որ մադրիկ ծիծաղում են ավելի ու ավելի հաճելի է դառնում, ու ավելի լավ է ստացվում»:

Նախագծի մյուս պրոդյուսեր Մհերը, պատասխանելով հարցին, արդյոք հանդիսատեսը պատրաստ է ընդունել անձնական հումորներ, նշում է, որ երկար տարիների փորձը թույլ է տալիս, որ հանդիսատեսը սև կամ անձնական հումորները ընկալի ու ծիծաղի:

Պրոդյուսերները նշում են, որ նախատեսում են, որ սցենարը հաճախ են փոխելու, ունենալու են ազատ խոսափող, որ մարդիկ, ովքեր զբաղվում են հումորով կարողանան բարձրանալ բեմ:

«Նախագիծը շարունակական է լինելու, մենք որոշել ենք զբաղվել իրական Stand Up-ով, տարիներով նույն հումորը չենք անելու, շատ սահմանափակ քանակությամբ ենք նույն հումորն անելու, մեր նույն մասնակիցները նոր սցենարով են հանդես գալու»,- ասել է Վահան Թավմասյանը:

Stand Up-ի առաջին և երկրորդ ներկայացումներին ներկա են եղել մի շարք հայտնի հյուրեր։