Բնության «ահեղ» հրաշքը. ահարկու և գեղեցիկ կայծակները՝ մեկ ֆոտոշարքում (լուսանկարներ)

Tert.am-ը գրում է.

Մի շարք լուսանկարիչների հաջողվել է ճիշտ պահին նկարել երկնքում պայթող կայծակը, որի մասին ֆոտոշարք է ներկայացնում ria.ru-ն։

Անհնար է նախօրոք իմանալ, թե որտեղ է կայծակ լինելու, քանի որ այն անկառավարելի և անկանխատեսելի բնական երևույթ է։ Այստեղ կարևորը ճիշտ պահին ճիշտ վայրում գտնվելն է, նշում է կայքը։

Կայծակի հոսանքի ուժգնությունը հասնում է 10-300 հազար ամպերի, լարումը՝ տասնյակ մլն-երից մինչև միլիարդ վոլտ։ Կայծակի միջին երկարությունը 2.5 կմ է, որոշ կայծակներ տարածվում են մթնոլորտում մինչև 20 կմ հեռավորության վրա։

Կայծակն էլեկտրական պայթյուն է և ինչ-որ չափով նման է պայթուցիկ նյութի պայթյունին։ Այն առաջացնում է հարվածային ալիք, որը վտանգավոր է մոտակայքում գտնվելու դեպքում։

 

Կայծակները լինում են գծային, գնդային և օղաձև։ Ավելի հաճախ հանդիպում է գծային կայծակը, որի երկարությունը հասնում է մի քանի կմ-ի, տևողությունը՝ 10-4 վրկ-ի, հոսանքի ուժը՝ 100 կԱ-ի։ Գնդային կայծակի բնույթը դեռևս բացահայտված չէ։

Կայծակի էլեկտրական բնույթը բացահայտել է ամերիկացի ֆիզիկոս Բենջամեն Ֆրանկլինը, որի գաղափարների հիման վրա փորձեր են կատարել ամպրոպաբեր ամպից էլեկտրականություն ստանալու ուղղությամբ։

Ամպրոպաբեր ամպի տարբեր մասերն ունենում են տարանուն լիցքեր։ Առավել հաճախ ամպի ստորին մասը լիցքավորված է լինում բացասական, վերևինը՝ դրական լիցքով։