Երերացող իշխանության էժան ու ճղճիմ պահվածքը. «Փաստ»
ՔԱՂԱՔԱԿԱՆ![Երերացող իշխանության էժան ու ճղճիմ պահվածքը. «Փաստ»](/timthumb.php?src=disc/30-05-24/fda31f190bf473bf87d5e24e539690d2.jpg&w=780)
«Փաստ» օրաթերթը գրում է.
Թե ինչ է իրենից բովանդակային առումով ներկայացնում Փաշինյանի ու նրա ՔՊ-ի իշխանությունը, հասկացողներին պարզ էր ի սկզբանե: Կողքից չափավոր ոգևորվածներին պարզ դարձավ 2018-ի հոկտեմբերին, մյուսներին՝ հաջորդ տարի, իսկ 2020-ին պարզ դարձավ գերակշիռ մեծամասնությանը: Իսկ վերջին 3-4 տարվա մասին նույնիսկ անիմաստ է խոսել, քանի որ ակնհայտ ու ակներև է մղձավանջը, որի մեջ այդ «իշխանությունը» նետել է Հայաստանը ու շարունակում է ընկղմել: Այս օրերին, ինչպես հայտնի է, շարունակում է ծավալվել «Տավուշը՝ հանուն Հայրենիքի» շարժումը՝ Բագրատ արքեպիսկոպոս Գալստանյանի գլխավորությամբ:
Հիմնական պահանջը պարզ է ու կենսական. եթե խիստ հակիրճ ձևակերպելու լինենք, ապա կարելի է գործածել «հեռացում՝ հանուն փրկության» բանաձևը: Այսինքն, իմաստն այն է, որ թե՛ քաղաքական, թե՛ գործնական, թե՛ բարոյական առումներով լիարժեք սպառված փաշինյանական իշխող խումբը պիտի հեռանա, որպեսզի Հայաստանը, Հայաստանի ժողովուրդը փրկության շանս ունենա: Բագրատ Սրբազանը նախօրեին առաջադրեց կամ վերաառաջադրեց «Հայրենիք ու պատիվ» կարգախոսը: Դա բնութագրական է. պայքարը հանուն Հայրենիքի է, պայքարի զուգահեռ նպատակը, արդյունքը պետք է լինի ազգի ոտնակոխված պատվի ու արժանապատվության վերականգնումը: Սակայն ոչ պակաս բնութագրական էր, որ այս կարգախոսից հետո առավել կատաղեց իշխող խումբը: Բնական էր, անհայրենիքությանն ու անպատիվությանը հակադրվել էր «Հայրենիքն ու պատիվը»:
Իսկ այն, ինչ նրանք արեցին մայիսի 28ին, դժվար է այլ կերպ անվանելը, քան էժանություն ու ճղճիմություն: Չենք ասում սրբապղծություն, քանզի ակնհայտ է, որ նրանք չունեն որևէ սրբություն, բացի պաշտոնն ու փողը: Եվ այսպես, մայիսի 27-ի երեկոյան հազարավոր աջակիցների ուղեկցությամբ Բագրատ Սրբազանն ու շարժման ղեկավարները ուխտի գնացին Սարդարապատի հուշահամալիր, գիշերն անցկացրեցին այնտեղ: Մայիսի 28-ի լուսաբացը, հասկանալի է, դիմավորեցին Սարդարապատում, օրվա խորհրդին հարիր ու դրան համահունչ պայքարին վերաբերող ելույթներ եղան, որից հետո կեսօրին վերադարձան մայրաքաղաք: Նիկոլ Փաշինյանը վախեցավ դեմ առ դեմ Բագրատ Սրբազանին ու հազարավոր հայ մարդկանց հանդիպել, ու միայն այն բանից հետո, երբ իմացավ, որ Սարդարապատի հուշահամալիրից հայերն արդեն Երևան են վերադառնում, կարելի է ասել՝ վազեվազ եկավ Սարդարապատ:
Բոլորը հասկացան՝ այլևս ժողովրդական շարժումն է իր ակտիվությամբ «որոշում», թե ուր գնա կամ չգնա Փաշինյանը: Ու հասկանալի է, որ հերթական հարվածն իր հիմքերին նա հենց այնպես կուլ չէր տալու: Այդպես էլ եղավ: Ի վերջո, Նիկոլը Նիկոլ չէր լինի, եթե, քպականների լեզվամտածողությամբ ասած, մի «աբառոտկա չֆռար»: Բոլորը տեսան այն իսկապես աննախադեպ խայտառակությունն ու այլանդակությունը, որ դրսևորվեց Սարդարապատի հուշահամալիրի մատույցներում: Փաշինյանի ոստիկանները փորձեցին արգելել Ամենայն Հայոց կաթողիկոսի և նրան ուղեկցող հոգևոր դասի ներկայացուցիչների մուտքը Սարդարապատի հուշահամալիրի տարածք: Կանգնել կաթողիկոսի ճանապարհի՞ն, խոչընդոտել 1723-ամյա Հայոց Ազգային սուրբ եկեղեցու առաջնորդի ընթա՞ցքը: Այդ խայտառակագույն եղելությունն արդեն իսկ ավելին է, քան էժանությունը, դա ճղճիմությունից էլ այն կողմ է: Հասկանալի է, որ դա միայն կամ ոչ այնքան կաթողիկոսի անձի՝ Գարեգին Երկրորդ հայրապետի, որքան հենց Հայ առաքելական եկեղեցու, միլիոնավոր հայ մարդկանց դեմ բացահայտ թշնամանքի դրսևորում է: Դե, չեն սիրում այս մարդիկ Հայաստանը, հայերին ու ազգայինը, այդ թվում՝ Հայ առաքելական եկեղեցին...
Դա հասկանալի է, բայց էլ ինչի՞ մասին են վկայում Փաշինյանի նման քայլերը: Չէ՞ որ նա հրաշալի գիտակցում է, թե ինչ է անում: Իսկ նման պահվածքը վկայում է արդեն իսկ պարզորոշ ու ակնհայտ այն բանի մասին, որ հողը փախչում է Նիկոլ Փաշինյանի ոտքերի տակից: Երեկ հայտնի քաղաքագետներից մեկը գրել է. «Երբ դուք փորձում եք խոչընդոտել Ամենայն Հայոց Կաթողիկոսի մուտքը Սարդարապատի հուշահամալիր, դա արդեն խոսում է այն մասին, որ քայլերի ու պլանավորման, գործիքների կիրառման մասով կա քաոտիկ ու իրականությունից կտրվածության վիճակ: Իսկ նա, ով իրականությունից կտրվում է, նրան իրականությունը քշում տանում է»:
Դժվար է ավելի դիպուկ բնորոշում տալ այս վիճակին: Բայց... պետք է միշտ հաշվի առնել, որ երերացող իշխանությունը, այն էլ՝ Փաշինյանի գլխավորած իշխանությունը, ընդունակ է ամեն ինչի: Ինքը՝ Փաշինյանը, ոչ մեկ անգամ է ապացուցել, որ ատրաստ է ամեն ինչի՝ սկսած 2008 թվականի մարտի 1-ից: Իշխանություն եղած ժամանակ էլ է ապացուցել: Կարևոր է չտրվել Նիկոլ Փաշինյանի, նրա քպականների ու հատկապես ոստիկանության սադրանքներին...
ԱՐՄԵՆ ՀԱԿՈԲՅԱՆ
Մանրամասները՝ «Փաստ» օրաթերթի այսօրվա համարում
![](/timthumb.php?src=disc/29-06-24/5931808f82470fe31824e73fdce00e26.jpg&w=60&h=60)
![](/timthumb.php?src=disc/29-06-24/40004e5dac489013b9313337b5f35f8e.jpg&w=60&h=60)
![](/timthumb.php?src=disc/29-06-24/90ddc12afc316c9ec27d064eebb0904e.jpg&w=60&h=60)
![](/timthumb.php?src=disc/29-06-24/d2f7ee6fa91e59f8cf0e6fb1894aa917.jpg&w=60&h=60)
![](/timthumb.php?src=disc/29-06-24/1f45d84377af814bc1a244624297d1e2.jpg&w=60&h=60)
![](/timthumb.php?src=disc/29-06-24/ac2271c9c8a280c85e96ee9c81b09dde.jpg&w=60&h=60)
![](/timthumb.php?src=disc/29-06-24/830b7ae47d74f483478d34784e49ccfb.jpg&w=60&h=60)
![](/timthumb.php?src=disc/29-06-24/c92b65fa1e0485505f1fdc43d1d9c529.jpg&w=60&h=60)
![](/timthumb.php?src=disc/29-06-24/4470c7530dadd0a9c092f6c3c56c5fcd.jpg&w=60&h=60)
![](/timthumb.php?src=disc/29-06-24/f6a7f41fbd4cf7647a495e43974c3b48.jpg&w=60&h=60)
![](/timthumb.php?src=disc/29-06-24/e4a362616eb68e2749db61ef0d4458bc.jpg&w=60&h=60)
![](/timthumb.php?src=disc/28-06-24/b2892bd64827ad3925d5edac7c4389f2.jpg&w=60&h=60)
![](/timthumb.php?src=disc/29-06-24/711cf1982a99868dc9cd336d08f58d0b.jpg&w=60&h=60)
![](/timthumb.php?src=disc/29-06-24/7e8a2cfec69a4c8407f8312249799ea5.jpg&w=60&h=60)
![](/timthumb.php?src=disc/29-06-24/44efe784a255cbbacfa012bf0205ac9d.jpg&w=60&h=60)
![](/timthumb.php?src=disc/28-06-24/88d8c9e1c1ef00c22b72a9c441c6d87a.jpg&w=60&h=60)
![](/timthumb.php?src=disc/29-06-24/bc4d18dd8871e51fdd8364ba8fd139ac.jpg&w=60&h=60)
![](/timthumb.php?src=disc/29-06-24/d8d17a91f6d13140d46bdcacc26b8344.jpg&w=60&h=60)
![](/timthumb.php?src=disc/29-06-24/97d4715868803516f2e26b7e1816baf7.jpg&w=60&h=60)
![](/timthumb.php?src=disc/28-06-24/282ad37c29d5caa24abbd1b2fc6be49c.jpg&w=60&h=60)
![](/timthumb.php?src=disc/29-06-24/db87792cde050072cdfb202802680a5b.jpg&w=60&h=60)
![](/timthumb.php?src=disc/29-06-24/2daed6ac7b3b68fcb57582f540337d00.jpg&w=60&h=60)
![](/timthumb.php?src=disc/29-06-24/1795c846a7eb95769fe73c743c72bdb0.jpg&w=60&h=60)
![](/timthumb.php?src=disc/28-06-24/c24d0f36e254e1544468b74c271fb161.jpg&w=60&h=60)
![](/timthumb.php?src=disc/29-06-24/6836b67675d38ba1249d7dbd0dfc78cf.jpg&w=60&h=60)
![](/timthumb.php?src=disc/29-06-24/f2eacfbd899c69a806164dd7bb41bfbf.jpg&w=60&h=60)
![](/timthumb.php?src=disc/29-06-24/7627efaf1c656753b13130c8c3a7bc32.jpg&w=60&h=60)
![](/timthumb.php?src=disc/29-06-24/20a8617f8f59ad9f0e3da9546f8229b0.jpg&w=60&h=60)
![](/timthumb.php?src=disc/29-06-24/68c8e5d3b8fddb27962213c1900dbdad.jpg&w=60&h=60)
![](/timthumb.php?src=disc/29-06-24/b2f780811a849830a7238d3463056e48.jpg&w=60&h=60)
![](/timthumb.php?src=disc/28-06-24/f3386b05acb05860b7abe68fa0d264c3.jpg&w=60&h=60)
![](/timthumb.php?src=disc/29-06-24/5458634c127892251f2e6f8425c5890d.jpg&w=60&h=60)
![](/timthumb.php?src=disc/29-06-24/465c68fc69136cd629601e429388f469.jpg&w=60&h=60)
![](/timthumb.php?src=disc/29-06-24/fa93006cf473f80c7116c905f329d2a9.jpg&w=60&h=60)
![](/timthumb.php?src=disc/28-06-24/072ecb5e27b449e5f0369607c0f6092d.jpg&w=60&h=60)
![](/timthumb.php?src=disc/29-06-24/885dc11abcea52acda1ab7a3073bfde8.jpg&w=60&h=60)
![](/timthumb.php?src=disc/29-06-24/c39e53643ef8cab74cdbb42993db0c57.jpg&w=60&h=60)
![](/timthumb.php?src=disc/29-06-24/2aabe513d74edf2d2ccf17f2769a1dfc.jpg&w=60&h=60)
![](/timthumb.php?src=disc/29-06-24/0e17b1aac16078a606c57933e4058618.jpg&w=60&h=60)
![](/timthumb.php?src=disc/28-06-24/1d9c78ba8e9c9082c678c323cb1872a3.jpg&w=60&h=60)
![](/timthumb.php?src=disc/28-06-24/36a426f6814c9209fc8be222edcb460b.jpg&w=60&h=60)
![](/timthumb.php?src=disc/28-06-24/d649f90fef55af8009fad3d97c89dc2a.jpg&w=60&h=60)
![](/timthumb.php?src=disc/28-06-24/4c1c20b19798e9d5eec2f725aaa1a8b8.jpg&w=60&h=60)
![](/timthumb.php?src=disc/28-06-24/1cbeb4f6e09190bc0a7a29032c8e502e.jpg&w=60&h=60)
![](/timthumb.php?src=disc/28-06-24/fddc1b9238377cc81fcbf62f4c53cd58.jpg&w=60&h=60)
![](/timthumb.php?src=disc/29-06-24/f90eee5f676022df54ad035257912643.jpg&w=60&h=60)
![](/timthumb.php?src=disc/29-06-24/4f7b123b258f0d5851320f1cefaaa1ac.jpg&w=60&h=60)
![](/timthumb.php?src=disc/28-06-24/57b181180db36a1326cca985cb679bfc.jpg&w=60&h=60)
![](/timthumb.php?src=disc/28-06-24/df82393e9c444598b7861a969e73319c.jpg&w=60&h=60)
![](/timthumb.php?src=disc/28-06-24/a8e8b1031c7d5da8def61130eb03124d.jpg&w=60&h=60)
![](banners/acba.gif)
![](banners/venus.jpg?v3sd2s)