«Օսկարի» անվանակարգորդների թիվը կարող Է ավելացվել

Ամերիկյան կինոակադեմիան կարող Է ավելացնել «Օսկար» հեղինակավոր մրցանակի անվանակարգորդների թիվը: Մասնավորապես, «Տարվա լավագույն ֆիլմ» կատեգորիայի համար հավակնորդ կինոնկարների քանակը կարող Է ութից հասցվել տասի, ինչը թույլ կտա դափնեկիրների ընտրության գործընթացը դարձնել ավելի անաչառ: Այս առաջարկությունը քննարկվել Է Կինոակադեմիայի կառավարիչներÕ « խորհրդի՝ վերջերս կայացած հանդիպմանը, տեղեկացնում Է «Արմենպրես»-ը՝ հղում անելով ամերիկյան Los Angeles Time թերթին: 

Մրցանակի անվանակարգերի հետ կապված սկանդալից հետո, որի հիմնական հավակնորդները երկրորդ տարին անընդմեջ սպիտակամորթ դերասաններ եւ կինոգործիչներ են, Կինեմատոգրաֆիական արվեստների եւ գիտությունների ակադեմիան խոստացել Է իրականացնել բարենորոգում՝ փոխելով ինչպես բուն կազմակերպության, այնպես Էլ անվանակարգորդների ընտրության աշխատանքի կանոնները՝ «մեծ բազմազանություն ապահովելու» համար:

«Հնարավոր տարբերակների թվում են մրցանակի հավակնող  ֆիլմերի քանակի ավելացումը մինչեւ 10, ինչպես նաեւ անվանակարգորդների թվի ընդլայնումը մյուս կատեգորիաներում»,- նշված Է հոդվածում: Կարող են փոխվել նաեւ Ակադեմիայում նոր անդամների ընտրության կանոնները:

Հունվարի 18-ին Կինոակադեմիայի նախագահ Բուն Այզեքսը խոստացել Է լուրջ բարենորոգումներ իրականացնել՝ կազմակերպության կազմը եւ աշխատանքի որոշ կանոններ փոխելու համար, հաղորդել Է ՏԱՍՍ-ը: