Քաղաքական գործիչների նմանակները. լուսանկարներ

Wnews.am-ը գրում է.

Յուրաքանչյուրս անհատականություն ենք եւ մեր նմանը չկա. իհարկե սա ճշմարտություն է, սակայն լինում են դեպքեր, երբ մարդկանց արտաքին նմանությունն այնքան է, որ կարելի է նրանց շփոթել։

Քաղաքական շատ առաջնորդներ իրենց նմանակներին ունեն եւ, ըստ որոշ աղբյուրների, նրանց օգտագործում են իրենց անվտանգության համար։ Նմանակներ ունեին Ռուսաստանի նախագահ Բորիս Ելցինը, Իոսիֆ Ստալինը, իսկ մեր օրերում շատերը պնդում են, որ իրենց նմանակներին են որոշ դեպքերում օգտագործում Վլադիմիր Պուտինն ու Ռուսաստանի վարչապետ Դմիտրի Մեդվեդեւը։

Հայաստանում նմանակների «ինստիտուտը» չի զարգացել, սակայն մենք էլ ունենք գործիչներ, որոնք ունեն իրենց նմանակներին։

Wnews.am-ը ներկայացնում է քաղաքական գործիչների նմանակներին.

Իոսիֆ Ստալինը վախենում էր իր կյանքի համար եւ անձամբ էր ընտրում իր նմանակներին։ Նրա նմանակներից էր  ԽՍՀՄ արտիստ Ֆելիքս Դադաեւը։ Մինչեւ  1996 թիվը նրա մասին բոլոր վկայությունները գաղտնի էին, իսկ հետագայում հայտնվեց լուսանկար, որում նա Ստալինի կրկնօրինակն է։

Բորիս Ելցինը եւս ուներ իր նմանակները։

Երիտասարդ տարիների Ելցինին բավականին նման է հոլիվուդյան դերասան Բեն Աֆլեքը։

 

Ահա եւ Պուտինի նմանակները. ուշադրություն դարձրեք ճակատի կնճիռներին, որոնց միջեւ հեռավորությունը տարբեր նկարներում տարբեր է։

Վլադիմիր Պուտինի եւս մեկ նմանակ, ով պարզապես իր համար շրջում է մետրոյով։

 

Չինաստանի կենտրոնական Սիչուան նահանգում է բնակվում ԱՄՆ-ի նախագահ Բարաք Օբամայի ամենաուշագրավ նմանակներից մեկը` 29-ամյա Սյաո Ժուգոն, ով ոչ միայն արտաքնապես է նման գերտերության ղեկավարին, այլև շատ լավ նմանակում է նրա շարժուձևն ու խոսքը:

Ահա եւ ՌԴ վարչապետ Դմիտրի Մեդվեդեւի նմանակը (ձախ կողմում)

 

Մետրոյով շրջող այս մարդուն համացանցի օգտատերերը շատ են նմանեցնում Ուկրաինայի նախագահ Պյոտր Պորոշենկոյին։

Հետաքրքիր է, այս մարդը իրեն եւ՞ս նմանեցնում է ԱՄՆ նախագահ Բարաք Օբամային։

Ադրբեջանի նախագահ Իլհամ Ալիեւի ու Գերմանիայի նացիոնալ-սոցիալիստական բանվորական կուսակցության առաջնորդն,  գերմանական ֆաշիստական պետության հիմնադիր ու ղեկավար Ադոլֆ Հիտլերի նմանությունը ակնհայտ է։

ԱՄՆ նախկին սենատոր Հիլարի Քլինթոնը նման է դերասանուհի Էմմա Թոմփսոնին։

Իսկ այժմ անցում կատարենք հայկական իրականություն.

Համաձայնեք, որ Սպորտի եւ երիտասարդության փոխնախարար Խաչիկ Ասրյանը նման է Հիտլերին։ Նա անգամ Հիտլերի շարժումներն է կրկնօրինակում։

 

Ռոբերտ Դե Նիրոն թեթեւակի նմանություն ունի ՀՀ երկրորդ նախագահ Ռոբերտ Քոչարյանին։

ԱԺ պատգամավոր Խոսրով Հարությունյանն ու լեգենդար մարզիչ Վինսենտե Դել Բոսկեն եւս նման են իրար։

 

Նրանք տարբեր մարդիկ են, բայց երկուսն էլ ԱԺ պատգամավորներ. համաձայնեք, որ Աղվան Վարդանյանն ու Հայկ Բաբուխանյանն իրար շատ նման են։

ՀՖՖ նախագահ Ռուբեն Հայրապետյանին ու երաժիշտ Ռուբեն Հախվերդյանին եւս նմանեցրել են իրար։

Երեւանի նախկին քաղաքապետ Կարեն Կարապետյանը նմանություն ունի երջանկահիշատակ Կարեն Դեմիրճյանին։

Ֆեյսբուքյան օգտատերերից մեկը ԿԳ նախարար Արմեն Աշոտյանի եւ այս մարդու միջեւ նմանություն է տեսել. կարծում ենք, որոշակի նմանություններ կան։