Երևան, 21.Նոյեմբեր.2026,
00
:
00
ՀՐԱՏԱՊ

Իմ հաճախորդները ոչ միայն նիհարում են, այլև ձեռք են բերում առողջ սնվելու սովորություններ. Լիլիթ Բասյանը՝ առողջ նիհարելու, առողջ «fast food»-ի ու Black Coal-ի նորությունների մասին

ԼԱՅՖ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Շուկայում առաջին անգամ առողջ «fast food» երևույթը ներմուծած Black Coal-ը ինը տարի է՝ օգնում է նիհարել ցանկացող հազարավոր մարդկանց։ Black Coal-ի հիմնական գաղտնիքը ածուխն է, որն օգտագործվում է մթերքի մեջ՝ ոչ միայն արագացնելով օրգանիզմի նյութափոխանակությունը, այլև օրգանիզմը մաքրելով վնասակար նյութերից։ Black Coal-ի հիմնադիրը  Լիլիթ Բասյանն է, ով մասնագիտական կրթություն է ստացել Մոսկվայի պետական համալսարանում,  այս ընթացքում օգնել է շատերին առողջ նիհարել:

Tert.am Life-ը զրուցել է Black Coal-ի հիմնադիր, սննդաբան Լիլիթ Բասյանի հետ առողջ սնվելու սովորությունների, Black Coal-ի գործունեության և առհասարակ առողջ նիհարելու մասին: 

-Լիլիթ, Black Coal-ը շուկայում է արդեն 9 տարի և այս տարիների ընթացքում օգնել է նիհարել ցանկացող հազարավոր մարդկանց։ Այս ընթացքում ի՞նչ հիմնական խոչընդոտներ են եղել։

-Երբ ստեղծվեց Black Coal-ը, շատերը չէին հավատում, որ այն պահանջարկ կունենա։ Այս 9 տարվա ընթացքում շատ մարդիկ փորձել են կրկնօրինակել մեզ ու մինչև այսօր այդպես են անում։

-Առողջ սննդի մասին մարդկանց պատկերացումները տարբեր են, շատերը առողջ սնունդը ասոցացնում են «ոչ համեղ» սննդի հետ։ Black Coal-ը կոտրեց այդ կարծրատիպը և հայկական շուկա ներմուծեց առողջ «fast food» երևույթը։ Ինչպե՞ս դա Ձեզ մոտ հաջողվեց, ո՞րն է Black Coal-ի հիմնական գաղտնիքը։

-Ես հասկացել եմ, թե ինչն է գրավում մարդկանց ավելորդ քաշի ժամանակ և արդյունքում գտա այլընտրանքային տարբերակ ու ստեղծեցի այնպիսի պրոդուկտներ, որոնք կգրավեն մարդկանց, մարդիկ կցանկանան գնել դրանք, որոնք միաժամանակ կլինեն դիետիկ և առողջ։ Black Coal-ում կարող եք գտնել, օրինակ` բուրգեր, շաուրմա, պիցցա՝ ամենատարբեր տեսակի ու համի, որոնք համային առումով գրեթե չեն տարբերվում սովորական  «fast food»-ից:

-Մենք գիտենք, որ Black Coal-ի պրոդուկտների ցանկը անընդհատ ավելանում է, նոր տեսականի եք առաջարկում հաճախորդներին։ Ի՞նչ նոր պրոդուկտներ եք ավելացրել վերջին շրջանում՝ բացի հիմնական այցեքարտ համարվող հացերից։

-Վերջին շրջանում ստեղծել եմ ալոեով լավաշը և ալոեի հիմքով քաղցրավենիք։ Ալոեն առհասարակ շատ ուժեղ անտիռադիկալ հատկություն ունի։ Պրոդուկտների մեծ մասի հիմքը խոտաբույսերն են, որ մարդիկ կարողանան ուտելով բուժեն իրենց օրգանիզմը։

-Գիտենք նաև, որ Black Coal-ի պրոդուկտները վաղուց պահանջարկ ունեն Հայաստանի սահմաններից դուրս, այժմ ո՞ր երկրներից են Ձեզ դիմում։

-Մեզ դիմում են ամենատարբեր երկրներից, անգամ դրսից գալիս են,  գնում մեր լավաշները ու տանում են իրենց հետ, սառեցնում ու պահում: Մենք ներկայացված ենք նաև Օզոնում ու Վայլդբերիսում։

-Սովորաբար ինչպես պետք է ձևավորել առողջ սնվելու սովորությունները, ո՞րն է ճիշտ սնվելու բանաձևը, ինչպե՞ս հասկանալ, թե ո՞րն է մեզ համար ճիշտ սննդակարգը:

-Ես մարդկանց առաջին հերթին սովորեցնում եմ ճիշտ սնվել, բացի նրանից, որ նրանք նիհարում են, նաև ձեռք են բերում առողջ սնվելու սովորություններ: Առողջ սնվելու գլխավոր կանոններից մեկը, որը ես խորհուրդ եմ տալիս իմ հաճախորդներին, այն է, որ սնունդը պետք է ընդունել մուգ սպասքի մեջ, ուտելու ընթացքում չխոսել, հեռախոսով  չզբաղվել,  անհրաժեշտ է լուռ կենտրոնանալ ուտելիքի վրա, այդպես մարդը ավելի արագ է կշտանում և զգում է ուտելիքը:

-Ձեր հաճախորդներին Դուք բավականին ոգեշնչում եք, հրապարակում եք մոտիվացիոն հոլովակներ, Ձեր սոցիալական էջերում հաճախ եք ցուցադրում Ձեր այն հաճախորդների արդյունքները, որոնք կարճ ժամանակում ազատվում են ավելորդ քաշից։ Իսկ ումի՞ց կամ ինչի՞ց եք մոտիվացվում Դուք:

-Ես մաքսիմալ հաճույք եմ ստանում իմ աշխատանքից ու իմ հաճախորդներն են հանդիսանում իմ մոտիվացիան։ Ես միշտ ասում եմ, որ իմ հաճախորդների արդյունքները իմ արդյունքներն են ու ինչքան էլ հոգնած լինեմ, տարբեր երկրներում լինեմ, անգամ տարբեր ժամային գրաֆիկով՝ ես միշտ իրենց հետ կապի մեջ եմ։

-Լիլիթ, Դուք նաև «Նոր կյանք նոր մարմնում» մոտիվացիոն գրքի հեղինակն եք, ի՞նչ հիմնական մտքերով ու գաղափարներով եք կիսվել այդ գրքում։

-Ես իմ գիրքը մի քանի գլուխների եմ բաժանել։ Խոսել եմ պսիխոսոմատիկայի մասին, խոսել եմ այն մասին, թե ինչպես է մարդը իրեն պահում առողջ սննդակարգի անցնելու կամ դիետայի ժամանակ։ Հիմնական կետերը դարձրել եմ գլուխներ և ներկայացրել, թե ինչպես պետք է իրենց պահեն նիհարող մարդիկ։

-Ընդունված է, որ եթե մարդը ցանկանում է նիհարել, պետք է բացառի որոշ ուտելիքներ, որոշ սննդաբանների խոսքով էլ բոլոր ուտելիքները կարելի է ուտել՝ հետևելով միայն կալորիաներին։ Դուք ի՞նչ եք կարծում, արդյո՞ք նիհարել ցանկացող մարդը իր համար ուտելիքների «սև ցուցակ» պետք  կազմի:

-Ես յուրաքանչյուր ուտելիք դիտարկում եմ առանձին-առանձին: Կա 5 տեսակի սնունդ, որը ես, որպես սննդաբան, արգելում եմ ուտել իմ հաճախորդներին, խոսքը գնում է շաքարի, ցորենի ալյուրի, կարագի , գազավորված ըմպելիքների ու բարդ ածխաջրերի մասին է: Մենք պետք է հասկանանք, թե տվյալ ուտելիքը որքանո՞վ է օգտակար մեր օրգանիզմին, ի՞նչ է այն տալիս մեզ: Մարդկանց մոտ, ովքեր շատ են օգտագործում շաքար, առաջանում է շաքարային դիաբետ, փոխարենը գոյություն ունեն փոխարինիչներ՝ բնական բաղադրիչներով, կարելի է նախապատվությունը տալ դրան:

-Նիհարելու ճանապարհը հեշտ չէ, դրա համար առաջին հերթին կամքի ուժ է պետք, ի՞նչ խորհուրդ կտաք այն մարդկանց, ովքեր դեռ չեն արել առաջին քայլը կամ ճանապարհի կեսից կանգ են առել։

-Եթե մարդը ունի ավելորդ քաշ, դա ունի իր պատճառները։ Դրանք ներքին արգելքներ են ու խոչընդոտներ են, որոնցով էլ պայմանավորված է մարդկանց ավելորդ քաշը։ Որպես այդ ամենի հետևանք մարդը սկսում է «տրվել» ուտելիքին։ Ամենակարևորը փոփոխությունների ձգտելն է, կյանքը փոխելու ձգտումը, սննդի հանդեպ վերաբերմունքն ու դրա ընկալումը։ Ես իմ հաճախորդներին միշտ ասում եմ, որ երբ նստում եք հաց ուտելու՝ հրաժարվեք գաջեթներից, հեռախոսից, զրույցներից, մաքսիմալ կերեք դանդաղ ու հասկացեք ինչ եք ուտում։

-Օրգանիզմին անհրաժեշտ սպիտակուցների, ճարպերի, ածխաջրերի ճիշտ բալանսը ինչպես պետք է ապահովվի, ինչպես հաշվարկել՝ օրական ճիշտ քանակությամբ սպիտակուցների, ճարպերի, ածխաջրերի քանակը ընդունելու համար:

-Ամեն մեկը չի կարող իր համար հաշվել սպիտակուցների, ճարպերի ու ածխաջրերի ճիշտ քանակ, դա շատ ինդիվիդուալ է ու կախված է մի շարք հանգամանքներից, օրինակ` մարդը զբաղվո՞ւմ է  սպորտով, թե ոչ, արդյո՞ք ունի առողջական խնդիրներ: Դրանք պետք է հաշվի առնել:

-Ի՞նչ կարող եք ասել ըմպելիքներով արվող դետոքսներրի մասին, վերջին շրջանում դրանք շատ տարածված են դարձել:

-Ես դեմ եմ դետոքս ըմպելիքներին: Դետոքս բառը առաջին հեթին նշանակում է  մաքրում: Դետոքս հյութերը, որոնք պատրաստվում են մրգերով կամ բանջարեղենով, ինքնին հանդիսանում են բոլորիս հայտնի «fresh» -ները, որոնց ժամանակ մրգերը կորցնում են իրենց ողջ օգտակար հատկությունները: Վերջին հաշվով դետոքս հյութերը օրգանիզմին որևէ օգտակար բան չեն տալիս:

-Լիլիթ, արդեն ամառ է, շոգ, մարսողական համակարգը աշխատում է ոչ այնպես, ինչպես ցանկալի է, հաճախ նկատվում է  ախորժակի նվազում և այլն, ամռանը ճիշտ սնվելու ի՞նչ կանոններ կան:

-Առաջին հերթին խորհուրդ կտամ  ամառային սեզոնին շատ ջուր խմել, շատ մարդիկ ջուր խմելու հետ լուրջ խնդիրներ ունեն, շատերը չեն ընդունում ջրի բավարար քանակ, որ անհրաժեշտ է օրգանիզմին: Ամառային սեզոնին խորհուրդ կտամ նաև քիչ ածխաջրեր օգտագործել, քանի որ աղեստամոքսային տրակտը ավելի ծանրաբեռնված է գործում, խորհուրդ կտամ օգտագործել նաև բջջանյութ և կրկնապատել սպիտակուցների քանակը:

-Եվ վերջում՝ մի քանի պարզ խորհուրդ նիհարել ցանկացողներին։

-Այսօր շատ մարդիկ տարբեր երկրներից, նույնիսկ մեծ հեռավորության վրա դիմում են ինձ։ Իմ հաճախորդները ինձ միշտ ասում են, որ ես միայն սննդաբան չեմ, ես սննդաբան-հոգեբան եմ, որ տալիս է այն հավատը, որ մարդը կորցնում է։ Տալիս է հավատ ինքն իր հանդեպ։ Երբ մարդը իսկապես հավատում է իր ներքին ուժին, հենց այդ ուժն էլ նրան առաջ է մղում։ Այսօր ես ստեղծում եմ պրոդուկտներ, որոնք օգնում են ոչ միայն նիհարել, այլև բուժվել, պրոդուկտներ, որ օգնում են մարդկանց բուժել իրենց օրգանիզմը։ Շուտով մենք կստեղծենք նոր պրոդուկտներ բուսական հիմքով և ջուր, որը կփակի ախորժակը։

Անահիտ Աբրահամյան

Ռուբիոն անհրաժեշտ է համարել ՌԴ-ի, Չինաստանի և ԱՄՆ առաջնորդների պարբերական խորհրդակցություններըԱռաջին կուրսեցիների ուսման վարձը կփոխհատուցվի 100%-ով, ուսանողները կստանան նաև կեցության աջակցություն․ նոր նախագիծԵրկուշաբթի լույս չի լինելու․ հասցեներՄխիթարյա՞ն, թե՞ Սուչիչ. Կիվուն ընտրության առաջ է Ատալանտայի հետ խաղից առաջՀզոր փոթորիկը գրեթե ամբողջությամբ ավերել է Բրազիլիայի Տուպանսիրետան քաղաքըԱդրբեջանցիները փորձում են յուրացնել նաև Սպենդիարյանի «Ալմաստ» օպերանՏեղումները կլինեն ինտենսիվ․ ի՞նչ եղանակ սպասել նոյեմբերի 21-ից 25-ինԵրբ ամբողջ Հայաստանը մի թիմ էր․ Նիկիտա Սիմոնյանն ու «Արարատ-73»-ըԳազից մինչև գույքահարկ. սահմանամերձ բնակիչների արտոնությունները կերկարաձգվենՏափերականի դպրոցի առաջին դասարանի ուսուցչուհին սկոտչով փակել է աշակերտների բերաններըՀայաստանի 3 ծանրորդ կմասնակցի օլիմպիական վարկանիշային մրցաշարինԱրցախցիները կարո՞ղ են ընտրել՝ անձնագրում նշվի Հայաստան, թե՞ Ադրբեջան Մի՛ սրտնեղեք «կիսատ» բառից, ձեր ամեն ինչն է կիսատ՝ խոստացված սահմանազատումը, խոստացված խաղաղությունը, հիմա էլ ուզում եք կիսատ դարձնել մեր Սահմանադրությունը. Մարիաննա ՂահրամանյանՎարդենյաց լեռնանցքում անձրև է տեղում․ հանրապետության բոլոր ավտոճանապարհները բաց ենՄայր Աթոռում տեղի ունեցավ շքանշանների հանձնման արարողությունԼեհաստանի իշխանությունները հայտնել են երկրի տարածքում ռուսական 2 հրթիռի և մեկ ԱԹՍ-ի ընկնելու մասինՍուտ N3․ ԵՊՀ ռեկտորի հաջորդ մանիպուլյացիան. Մենուա Սողոմոնյան«Առանց իր առաջարկի էլ իրեն կհեռացնենք» Կարապետյանի արձագանքը Փաշինյանի առաջարկինԱՄՆ-ն և Իսրայելը կարող են նոր հարձակում իրականացնել Իրանի վրաՎանաձորում բեռնատարը 15-ից ավելի մեքենաներ է ջարդել, վիրավորներից 2-ն անչափահաս ենՀՊԼ․ «Արարատ-Արմենիա»-ն հաղթել է «Վան»-ին Այն մասին, թե ով է Հայաստանում փորձում շարունակ ահաբեկել մեր ժողովրդին, և ինչու է դա մինչև հիմա մասամբ ստացվել․ ՉալաբյանՕդի ջերմաստիճանը նոյեմբերի 20-21-ի ցերեկային ժամերին աստիճանաբար կբարձրանա 3-5 աստիճանով, 22-ին նույնքան կնվազի Բառախաղի մի՛ դիմեք, ես խոսել եմ ԶՈւ-երում ոչ մարտական պայմաններում մահացության դեպքերից` ներկայացնելով պաշտոն, աղբյուր, դատախազությանը հղում արված տվյալներ. Մարիաննա ՂահրամանյանԻ գիտություն ՀԷՑ ՓԲ ընկերության կառավարչի աթոռը զավթած սուբյեկտիԱյսքան պատերազմներ բերած քաղաքական ուժը չի կարող խոսել խաղաղությունից․ տեսանյութՌուսական հրթիռներ են ընկել Լեհաստանի տարածքում․ կործանիչները բարձրացվել են օդ «Նոր Յալթա՞», թե՞ քաղաքական շոու. ի՞նչ է գրում համաշխարհային մամուլը Թրամփ–Սի–Պուտին պատմական հանդիպման մասինՌուսական գազի գնորդները կբախվեն առավելագույն գնաճի հետԱրման Աբովյանը հանդիպել է Շտեֆան Կոտրեի հետ. հանդիպման առանցքային թեման Գագիկ Ծառուկյանի ապօրինի կալանավորումն էր Ավանդական ծիրանից մինչև արքայանարինջ և էկզոտիկ լայմ․ տեսանյութ Ucom-ը և Իմփաքթ Հաբ Երևանն ամփոփել են կանաչ ձեռներեցության ծրագրի երրորդ փուլը Հայաստանում առանց դատավճռի կալանավորների թիվն աննախադեպ և անթույլատրելի բարձր է. Ավետիք ՉալաբյանՀարգում ենք Բաքվի և Երևանի ուղիղ երկխոսություն վարելը. կարգավորման ներկայիս փուլը մեկնարկել է հենց ռուսական կողմի նախաձեռնությամբ. Զախարովա Ողբերգական պայթյուն Թբիլիսիում․ Հայաստանը ցավակցություն է հայտնել Վրաստանին ՌԴ-ի հետ սահմանն ամբողջությամբ կփակվի․ հայտնի է այդ երկրի որոշման պատճառը Ռոմանոս Պետրոսյանի հետ բանավեճին պետք է Դավիթ Ղազինյանը մասնակցի․ «Ուժեղ Հայաստան»-ի խոսնակ Հայաստանում ճանապարհային վթարների հետ կապված նոր փոփոխություններ են նախատեսվում Պուտինը պшտերազմ է մղում ամբողջ Եվրոպայի դեմ. Մերց Ի՞նչ է սպասվում ռուբլու փոխարժեքին 2027 թվականին«Պալաչի» եղբայրը՝ ազատազրկված թմրամիջոցների իրացման գործով Ինչ եղանակ սպասել դեկտեմբերին․ ձմեռը կսկսվի՞ խիստ ցրտերովԱնկախության հռչակագիրը մեր ժողովրդի ծննդականն է. դրանից հրաժարվելն անթույլատրելի է. Արմեն ՄանվելյանՍոֆթԿոնստրակտն ու Հայաստանի ֆրանսիական համալսարանը նոր հուշագիր են ստորագրելԱմիօ բանկն ու «Փարվանյան քոնսալթինգը» միավորում են հնարավորությունները՝ նպաստելու միջազգային բրենդների մուտքին ՀայաստանՍամվել Կարապետյանը, որը մեծ ներդրում է ունեցել հայ ժողովրդի կյանքում, այսօր գտնվում է բանտում միայն այն պատճառով, որ խոչընդոտում է ներկայիս իշխանություններին. տեսանյութ Փարիզի արվարձանում գտնվող 18-հարկանի բնակելի շենքում hրդեհ է բռնկվել. կա զnh և վիրավnրներ Դավիթ Բեկի փողոցում բшխվել են «SHACMAN»-ը և «Mitsubishi»-ին. մի քանի րոպե անց կրկին բшխվել են մեկ այլ բեռնատարն ու մարդատարը Միասնական ընդդիմությունը վստահ է իր դիրքորոշման և ընդունած որոշումների մեջ. Ցոլակ ԱկոպյանԵրկուշաբթի կհրապարակվի Սահմանադրության նախագիծը. Փաշինյան