Ես Բագրատ Սրբազանի հետ հանդիպել եմ, ինչ-որ պետք է՝ ասել եմ նրան․ Մովսես Հակոբյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ArmLur.am-ի զրուցակիցը ՀՀ ԶՈւ ԳՇ նախկին ղեկավար Մովսես Հակոբյանն է։

-Պարո՛ն Հակոբյան, Տավուշում, կարծես, ավարտել են սահմանազատումը, որի հետևանքով Կիրանց գյուղը կիսվել է, մի շարք բնակավայրեր ու հողատարածքներ Ադրբեջանի վերահսկողության տակ են հայտնվել։ Հետևում եք՝ ինչ է կատարվում Տավուշում, ըստ ձեզ՝ ինչ զարգացումներ են այնտեղ սպասվում։

-Ինձ չի հետաքրքրում՝ ի՞նչ է կատարվում։ Ես դրա մասին խոսել եմ, որ այս ամենը նոյեմբերի 9-ի փաստաթղթի հետևանք է։ Ինչ-որ մեկը հետևություն արե՞լ է դրանից։

-Դե այս օրերին քաղաքացիները ակցիաներ են իրականացնում, պահանջում են իշխանափոխություն՝ այսպիսով իրենց դժգոհությունն արտահայտելով երկրում տեղի ունեցող գործընթացների մասով։ Եթե հետևություն արած չլինեին՝ իշխանության հեռացում կպահանջեի՞ն։

-Իհարկե՝ ոչ, եթե հետևություն արած լինեին, չէին գնա ու ընտրեին Նիկոլ Փաշինյանին։

-Պարո՛ն Հակոբյան, ըստ Ձեզ, էլի մարզեր կան, որոնց նույն ճանատագիրն է սպասվում ՝ ինչ Տավուշում եղավ։

-Բացեք 2020թ-ի հունվար կամ փետրվար եմ տվել իմ հարցազրույցը՝ ձեր օրաթերթին եմ տվել, էնտեղ ամեն ինչ ասել եմ։

-Նիկոլ Փաշինյանը վերջերս գնացել էր Սյունիք ու էնտեղ հայտարարեց, որ հաջորդը Սյունիքն է լինելու։

-Ոչ միայն Սյունիքը, ես արդեն ասել եմ, ամեն անգամ նունը կրկնե՞մ։

-Պարո՛ն Հակոբյան, ըստ Ձեզ, այն ինչ մեր հետ կատարվում է՝ պատերազմում կրած պարտության հետևա՞նք է, թե՞ իշխանությունների ապաշնորհության կամ մտադրված են գուցե այսպես անում։

-Ազգային մենթալիտետի, իսկ իշխանությունները մեր ազգի պատկերն են։

-Այսօր նաև զինվորականներն են լուռ, այդ թվում՝ Տավուշի գեներալները, առանց որևէ խոսք ասելու՝ հետևում են, ինչպես է մարզը կիսվում, ձեզ համար նրանց այս պահվածքը հասկանալի՞ է։

-Ազգի սերուցքն են։

-Պարո՛ն Հակոբյան, իսկ Բագրատ Սրբազանի առաջնորդած շարժմանը հետևո՞ւմ եք, կիսու՞մ եք Սրբազանի տեսակետները։

-Ես Բագրատ Սրբազանին հարգում, սիրում եմ, այն ինչ-որ պետք է՝ ասել եմ նրան։

-Ե՞րբ եք հանդիպել։

-Շատ շուտ։

-Իսկ ի՞նչ եք ասել նրան։

-Կարևոր չի, ես իրեն ինչ պետք է՝ ասել եմ։

-Պարո՛ն Հակոբյան, իսկ ինչո՞ւ չեք մասնակցում շարժման հանրահավաքներին։

-Ով է ասում՝ չեմ մասնակցում։

-Դե երբևէ հանրահավաքներին Ձեզ չենք տեսել։

-Ես էլ ձեզ չեմ տեսել, ուրեմն՝ դուք էլ չեք մասնակցել։

Քրիստինա Մուշեղյան