Հայտնի են Ավստրալիայի թենիսի բաց առաջնության 1/8-րդ եզրափակիչ դուրս եկած թենիսիստների անունները

Մելբուռնում ընթացող թենիսի «Մեծ սաղավարտ»-ի Ավստրալիայի բաց առաջնությունում ավարտվել են 1/16 եզրափակչի հանդիպումները: «Արմենպրես»-ի տեղեկացմամբ, հունվարի 23-ին տղամարդկանց մրցաշարի 1/8 եզրափակչի ուղեգիր են նվաճել աշխարհի 2-րդ ռակետ Էնդի Մարեյը, 4-րդ թենիսիստ Ստեն Վավրինկան եւ 6-րդ ռակետ Դավիդ Ֆերերը;

2 ժամ 40 րոպե տեւողությամբ  խաղի ընթացքում 6:2, 3:6, 6:2, 6:2 հաշվով Մարեյն հաղթել պորտուգալացի Ժոաու Սոուզայի: Ստեն Վավրինկան 6:2, 6:3, 7:6  հաշվով առավելության է հասել չեխ Լուկաշ Ռոսոլի նկատմամբ: Դավիդ Ֆերերը 6:1, 6:4, 6:4 հաշվով պայքարից դուրս է թողել ամերիկացի Սթիվ Ջոնսոնին:

Կանանց մրցաշարում պայքարից դուրս է մնացել աշխարհի երրոդ ռակետ Գերբինե Մուգուրուսան: Նա 6:3, 6:2 հաշվով պարտվել է 48-րդ հորիզոնականում գտնվող չեխ թենիսիստուհի Բարբորա Զագլոբովա –Ստրիցովային: 1/8-րդ եզրափակիչ է դուրս եկել 6 –րդ թենիսիտուհի Անժելիկա Կերբերը: Ընդամենը 58 րոպե տեւողությամբ խաղում 6:1, 6:3 հաշվով գերմանուհին պարտության է մատնել Ամերիկուհի Մեդիսոն Բրենգլիին: