Կանխատեսվում է էլեկտրաէներգիայի պահանջարկի աճ

Էներգետիկայի միջազգային գործակալությունը (IEA) կանխատեսում է էլեկտրաէներգիայի պահանջարկի աճ 2024 և 2025 թվականներին, ինչը կարող է հասնել վերջին երկու տասնամյակի ամենաբարձր մակարդակին։

Զեկույցում, մասնավորապես, ասվում է, որ համաշխարհային էլեկտրաէներգիայի պահանջարկն աճում է վերջին տարիների ամենաարագ տեմպերով, ինչը պայմանավորված է կայուն տնտեսական աճով, ինտենսիվ ջերմությամբ և էլեկտրաէներգիայով աշխատող տեխնոլոգիաների աճով, ինչպիսիք են էլեկտրական մեքենաները և ջերմային պոմպերը:

Միևնույն ժամանակ, վերականգնվող էներգիան շարունակում է արագ աճել, իսկ արևային էներգիան շարունակում է նոր ռեկորդներ սահմանել: Կանխատեսվում է, որ 2024 թվականին էլեկտրաէներգիայի համաշխարհային պահանջարկը կաճի մոտ 4 տոկոսով՝ 2023 թվականի 2,5 տոկոսի դիմաց, ինչը 2007 թվականից ի վեր տարեկան ամենաարագ աճն է: Զեկույցի համաձայն, էլեկտրաէներգիայի համաշխարհային սպառման զգալի աճը կշարունակվի մինչև 2025 թվականը, երբ աճը կրկին կկազմի շուրջ 4 %:

«Վերականգնվող էլեկտրաէներգիայի աղբյուրները նույնպես արագորեն կաճեն այս և հաջորդ տարի, և կանխատեսվում է, որ դրանց մասնաբաժինը համաշխարհային էլեկտրաէներգիայի մատակարարման մեջ կաճի 2023-ին 30 %-ից մինչև 35 % 2025-ին: 2025-ին վերականգնվող աղբյուրներից արտադրվող էլեկտրաէներգիայի քանակն ամբողջ աշխարհում առաջին անգամ կգերազանցի ածուխից արտադրված էլեկտրաէներգիայի քանակը: Ակնկալվում է, որ միայն արևային էներգիան կկազմի 2024-2025 թվականներին էլեկտրաէներգիայի համաշխարհային պահանջարկի աճի մոտ կեսը, իսկ արևային և քամու էներգիան միասին կկազմեն այս աճի երեք քառորդը», - ասվում է զեկույցում:

Հայաստանն արևային վահանակներ արտադրող մեկ ընկերություն ունի՝ «Սոլարոնը»։

Նարե Բարսեղյան