Բերքաբերից հողե՞ր կզիջվեն Ադրբեջանին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Տասնամյակներ շարունակ Տավուշի մարզի Բերքաբեր գյուղի բնակիչներն ապրել են ադրբեջանական հենակետերի ուղիղ նշանառության տակ։ Բերքաբերցիները MediaHub-ի հետ զրույցում ասում են, որ 1990-ականների սկզբին գյուղը եղել է պատերազմական գործողությունների ամենաթեժ կետերից մեկը: 

«Բերքաբերը հրետակոծվել էր, տներ են ավերվել, զոհեր ու վիրավորներ ենք տվել։ 3 տասնամյակ է հեկտարներով մեր պտղատու այգիների մեծ մասը գտնվում է իրենց հսկողության տակ»,- ասաց գյուղի բնակիչներից մեկը:

Բերքաբերում լուրեր են պտտվու,մ թե Նիկոլ Փաշինյանի օգոստոսի 3-ին նախատեսված այցը կապված է հողեր հանձնելու հետ։ Ասում են՝ եթե Կիրանցի օրինակը չլիներ, կմտածեին, թե անիմաստ խոսակցություններ են։

«Արդեն հավատում ենք, ամեն ինչին հավատում ենք։ Օրինակ, որ ասեն՝ «մեր հայկական Գավազան սարը, մեր այգիները և 90-ականներից իրենց հսկողության տակ գտնվող հողերն ենք հետ բերելու», չենք հավատա, բայց երբ խոսում են զիջելու մասին, հավատում ենք։ Սա ցավալի բան ա։ Երբ երկրիդ ղեկավարը գալիս ա քո գյուղ, պիտի ուրախանաս, ոչ թե վախենաս, որ գալիս ա հանձնի»,- ասաց նա։

MediaHub-ի հարցմանն ի պատասխան Բերքաբերի վարչական ղեկավար Տիգրան Հարությունյանը հերքեց այն լուրերը, որ Նիկոլ Փաշինյանը գալիս է հող հանձնելու։

«Այո, առաջիկայում նախատեսված է Փաշինյանի այցը, բայց հող հանձնելու համար չի գալիս։ Նման քննարկումներ Բերքաբերի մասով չի եղել, ուստի ես չեմ կարող մեկնաբանել այդ խոսակցությունները»,- նշեց նա։ 

Ըստ բերքաբերցիների` սակայն Փաշինյանը գալիս է հենց այդ հարցը քննարկելու։ 

«Սահմանազատման-սահմանագծման գործընթացում Հայաստանին պետք է վերադարձվեն հեկտարներով տարածքներ, վարելահողեր, բայց հիմա դա չի քննարկվում։ Փոխարենն ասում են, որ Նիկոլ Փաշինյանը գումար է տրամադրելու մեզ, որ հրաժարվենք մեր համայնքին պատկանող հողերից»,- հավելեց նա։

Առավել մանրամասն` այստեղ.

https://t.me/armenia24live