Խոշոր ավտովթար Արագածոտնի մարզում. բախվել են տնօրենի «Mitsubishi»-ն և արդարադատության նախարարության վարչության պետի «Toyota». կա 7 վիրավոր.

Shamshyan.com-ը գրում է.

Այսօր՝ հունվարի 24-ին, խոշոր ավտովթար է տեղի ունեցել Արագածոտնի մարզում: Ժամը 15:20-ի սահմաններում, Երևան-Վանաձոր ավտոճանապարհի Ալագյազ-Սպիտակ ճանապարհատվածի 2 կիլոմետրին՝ Ջամշլու գյուղի խաչմերուկում, բախվել են Լոռու մարզի Տաշիր քաղաքի բնակիչ, 35-ամյա Ահարոն Խաչատրյանի վարած «Toyota Camry» մակնիշի 33 ԼՍ 505 համարանիշի և Երևան քաղաքի Կարապետ Ուլնեցու 3-րդ փակուղու բնակիչ, 1985թ. ծնված Հայկ Մխիթարյանի վարած «Mitsubishi Pajero Io» 35 ԼD 813 համարանիշի ավտոմեքենաները:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 2 վարորդներն ու 5 ուղևորներ մարմնական վնասվածքներով տեղափոխվել են Ապարանի բժշկական կենտրոն: Վիրավորներին ավտոմեքենաներից դուրս են բերել Արագածի հրշեջ փրկարարները՝ քաղաքացիների օգնությամբ:

Դեպքի վայր են ժամանել Ճանապարհային ոստիկանության 2-րդ սպայական գումարտակի 2-րդ վաշտի 1-ին դասակի աշխատակիցները՝ վաշտի հրամանատար Գագիկ Վարդանյանի, դասակի հրամանատար Արմեն Պողոսյանի գլխավորությամբ:

Վթարի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Արագածոտնի մարզային քննչական վարչություն, որտեղից ժամանել է հատկապես կարևոր գործերով ավագ քննիչ Բենիկ Սարգսյանը, ում կողմից փաստի առթիվ նյութեր են նախապատրաստվում:

Շարունակությունը՝ այստեղ