ԱՄՆ-ի կառավարությունը ձյան տեղումների պատճառով հունվարի 25-ին հանգստյան օր է տրամադրել իր ծառայողներին

 ԱՄՆ-ի համերկրային կառավարության՝ Վաշինգտոնում գտնվող նախարարություններն ու գերատեսչությունները հունվարի 25-ին չեն աշխատի «Ջոնաս» հզոր ձնամրրիկի հետեւանքների կապակցությամբ: Այդ մասին, հունվարի 24-ի երեկոյան հայտարարել է ԱՄՆ-ի համերկրային կառավարության կադրերի վարչությունը:

Երկուշաբթի փակ կլինեն նաեւ տեղական իշխանության մարմինները Կոլումբիա դաշնային օկրուգում, որի տարածքում է գտնվում ԱՄՆ-ի մայրաքաղաքը: Նման իրադրություն է դիտվում նաեւ Կոլումբիայի օկրուգի հարակից Վիրջինիայի եւ Մերիլենդի նահանգներում:

Վաշինգտոնի բնակիչների եւ հյուրերի համար լավ նորություն է դարձել այն, որ սահմանափակ մասշտաբներով վերսկսվելու է հանրային տրանսպորտի տեղական համակարգի աշխատանքը, ընդ որում երթեւեկությունը լինելու է անվճար: Սակայն հունվարի 25-ին աշխատելու են մետրոպխոլիտենի վեց ճյուղերից միայն երեքը, ընդ որում գնացքները երթեւեկելու են միայն յուրաքանչյուր 20-25 րոպեն մեկ: Ավտոբուսները երթեւեկելու են յուրաքանչյուր կես ժամը մեկ եւ միայն 22 երթուղիներով:

Տեղական ժամանակով առավոտյան չվերթերի սպասարկումը, բայց նույնպես սահմանափակ մասշտաբներով, խոստանում են վերսկսել Դալեսի անվան միջազգային օդանավակայանը եւ Ռոնալդ Ռեյգանի անվան օդանավակայանը, որոնք գտնվում են Վաշինգտոնի մերձակայքում:

Վաշինգտոնի Բալթիմորի միջազգային օդանավակայանն աշխատանքը մասամբ վերսկսել է հունվարի 24-ի օրվա երկրորդ կեսին:

Կիրակի քաղաքում արեւոտ եղանակ է հաստատվել, որը նպաստել է ձնահավաքմանը:

Ինչպես տեղեկացրել է Associated Press-ը, ԱՄՆ-ում մոլեգնող ձնամրրիկի զոհ է դարձել առնվազն 28 մարդ: Ավելի վաղ հաղորդվել էր 25 զոհվածների մասին: Եղանակային պայմանների պատճառով չեղարկվել են հազարավոր չվերթեր, հաղորդել է ՏԱՍՍ-ը: