Մերձավոր Արևելքի զարգացումները Ռուսաստանի ուշադրությունից դուրս չեն մնում. Պուտին (տեսանյութ)

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՌԴ Նովո-Օգարյովոյում մեկնարկել են նախագահ Վլադիմիր Պուտինի բանակցությունները Պաղեստինի առաջնորդ Մահմուդ Աբասի հետ։ Այս մասին հայտնում է Риа Новости-ն։

«Բոլորին քաջ հայտնի է, որ Ռուսաստանը, ցավոք, այսօր պետք է զենքը ձեռքին պաշտպանի իր շահերը և իր մարդկանց, բայց այն, ինչ տեղի է ունենում Մերձավոր Արևելքում և Պաղեստինում, մեր կողմից անուշադրության չի մատնված»,-ասել է Պուտինը Պաղեստինի ղեկավար Մահմուդ Աբասի հետ բանակցությունների մեկնարկին:

«Եվ հասկանում ենք, որ մենք ձեզ հետ ընդհանուր դիրքորոշում ունենք այն մասին, որ տվյալ խնդրի արմատները գալիս են հեռավոր անցյալից և կապված են նախկինում միջազգային կազմակերպությունների, առաջին հերթին ՄԱԿ-ի մակարդակով ընդունված որոշումների անտեսման հետ` կապված անկախ պաղեստինյան պետության ստեղծման հետ»,-ասել է նա՝ նշելով, որ Ռուսաստանը միշտ հանդես է եկել պաղեստինա-իսրայելական հակամարտության խաղաղ կարգավորման օգտին:

Պուտինի ընդգծմամբ՝ ՌԴ դիրքորոշումն այս հարցում «անփոփոխ է»: «Այն վաղուց է ձևակերպված և ինչ-որ իրավիճակային բնույթ չի կրում։ Մենք կարծում ենք, որ տարածաշրջանում երկարատև, հուսալի, կայուն խաղաղություն ապահովելու համար անհրաժեշտ է կատարել ՄԱԿ-ի բոլոր որոշումները և, առաջին հերթին, ստեղծել լիարժեք պաղեստինյան պետություն»,-ասել է նա:

Տեսանյութը այստեղ՝ https://t.me/+H0ryR1_Vkw0zNDYy