Արտակարգ իրավիճակ Երևանում. մերկասառույցի պատճառով բախվում են ավտոմեքենաները

Shamshyan.com-ը գրում է.

Այսօր՝ հունվարի 25-ին, արտակարգ իրավիճակ է ստեղծվել Երևանում: Ինչպես հայտնում է ֆոտոլրագրող Գագիկ Շամշյանը, Շինարարների փողոցից դեպի Լենինգրադյան փողոց տանող ճանապարհին մերկասառույցի պատճառով մի քանի ավտոմեքենաներ բախվել են իրար, ինչից հետո Mercedes-ը սահելով փակել է ճանապարհի գրեթե ողջ հատվածը:

Ճանապարհի մերկասառույցի պատճառով անգամ 1-03 շտապ օգնության հերթապահ խումբը չկարողացավ մոտենալ կանչի վայր, որպեսզի հետազոտեն հիվանդին, ու բժիշկները ստիպված այդ մերկասառույցով ճանապարհով, վտանգելով իրենց կյանքը, քանի որ չէր բացառվում, որ վայր կընկնեին, ոտքով գնալ հիվանդի մոտ:

Ֆոտոլրագրողը հայտնում է, որ նշված տարածքը պատկանում է Աջափնյակ վարչական շրջանին, իսկ վարորդներն էլ արդարացիորեն բարձրաձայնում ու ամենավերջին խոսքերով հիշում էին պատկան մարմիններին:

Երթևեկությունը նշված հատվածում մինչև այս պահը վտանգավոր է, իսկ ԱՊՊԱ-ի գործակալները դեռ ուշանում են, երևի թե այս դեպքում կարելի է ասել, որ ուշացման պատճառը մայրաքաղաքում մերկասառույց ճանապարհներն են:

Միակ ուրախությունն այն է, որ զոհեր և վիրավորներ չկան:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: