Դրա վիզը կտրելու եմ․ Այգավանի դաժան սպանություն կատարողը մշտապես սպառնացել է Մնացական Հարությունյանին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Օրեր առաջ Արարատի մարզի Այգավան գյուղում սահմռկեցուցիչ սպանություն էր տեղի ունեցել․ Քննչական կոմիտեն այսօր հաղորդեց, որ սպանությունը բացահայտված է։

Ըստ ՔԿ-ի՝  Այգավան բնակավայրի Մակուի փողոցի տներից մեկի դիմացից, բազմաթիվ կտրած ծակած վերքերով 2024թ. օգոստոսի 30-ին հարազատների կողմից «Վեդու բժշկական կենտրոն» էր տեղափոխվել 32-ամյա Մնացական Հարությունյանը, ով, սակայն, բուժկենտրոն է հասցվել արդեն մահացած վիճակում։ 

Ժամը 23:50-ի սահմաններում, Մ.Հարությունյանն իրեն պատկանող «Վազ-2115» մակնիշի ավտոմեքենայով եկել է Արարատի մարզի Վեդի համայնքի Այգավան բնակավայրի Մակուի փողոցում գտնվող բնակության վայր:  29-ամյա երիտասարդը դուրս է եկել դարանակալած վայրից և անմիջապես Մ.Հարությունյանի տան դիմաց, իր հետ նախապես վերցրած դանակով,  առանձին դաժանությամբ, իր զոհին տանջանքներ պատճառելու եղանակով դանակով բազմաթիվ հարվածներ  է հասցրել վերջինիս մարմնի կենսական կարևոր ֆունկցիաներ իրականացնող հատվածներին։  Դրանից հետո տուժողին թողնելով անօգնական վիճակում գետնին ընկած՝ դեպքի վայրից դիմել է փախուստի: 

«Հրապարակ»-ին այս դեպքից մանրամասներ են հայտնի դարձել․ մասնավորապես, սպանություն կատարող Արթուրը դեռ մանկուց վրեժխնդրությայմբ  լցված է եղել Մնացական Հարությունյանի նկատմամբ։ Ըստ մեր աղբյուրի՝ նա հաճախ է կրկնել՝ «դրա վիզը կտրելու եմ, սպանելու եմ», սակայն շրջապատի կողմից այդ խոսքերը չեն արժևորվել։

Նշենք, որ սպանությունը կատարող անձը կալանավորված է։

Առավել մանրամասն` այստեղ.

https://t.me/armenia24live