D Litte-ը՝ իր ու Միշոյի համագործակցության, երգի անսպասելի հաջողության, սխալ մեկնաբանությունների ու անձնական կյանքի մասին

ԼԱՅՖ 10 Սեպտեմբեր, 2024 19:52

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Վերջերս երգչուհի D Litte-ն ու երգիչ Միշոն ներկայացրեցին իրենց համատեղ «Թթվածին» երգն ու տեսահոլովակը, որը հանդիսատեսի կողմից սիրվեց ու կարճ ժամանակ անց մեծ դիտումներ գրանցեց: Միշոյի հետ համագործակցության, երգի անսպասելի հաջողության, վատ մեկնաբանությունների ու անձնական կյանքի մասին Tert.am Life-ը զրուցել է երգչուհի D Litte-ի հետ:

Իմ ու Միշոյի համատեղ երգն իրականում պետք է լիներ հեղինակային, ես դա գրել էի մի քանի տարի առաջ, որ դառնար իմ սոլո կատարումներից մեկը: Բայց հետո ինչ-որ մի էտապում հասկացա, որ ինչ-որ գույն է պակասում, միտք է պակասում: Երգը ուղարկեցի Միշոյին: Ես չգիտեի իրեն դուր կգա, թե ոչ: Որոշ ժամանակ անց Միշոն գրեց, որ ես տեքստն արդեն գրել եմ (իր հատվածը): Եվ որոշում ենք, որ տեսահոլովակ պիտի նկարենք:

Սպասելի չէր երգի այդքան հաջողությունը

Երգն ավելի շատ անդերգրաունդ ոճի մեջ է, և այդքան էլ սպասելի չէր, որ բավականին հաջողություն կունենա, որովհետև այդ տիպի երգերն այդքան դիտումներ չեն ունենում: Նկարահանումներեն իրկանացրել ենք և՛ Հայաստանում, և՛ Միացյալ նահանգներում, հսկայական թիմ էր աշխատում: Բավականին բարդ է եղել, որովհետև ստուդիայից «սլիվ» էր եղել և երգի կիսատ տարբերակը մի քանի հազար մարդ տեսել էր: Որոշեցինք ռիսկի գնալ ու 2 ամիս անց տեղադրեցինք տեսահոլովակը: Նման դեպերում երգը կամ բացարձակ չի ունենում հաջողություն կամ շատ հաջողված է լինում: Այս դեպքում բախտներս բերեց: Երգը սկզբում կարող է դուր չգալ, այն պահանջում է երկար վերաբերմունք, 3-4 անգամ պետք է այն լսել հասկանալու համար:

Միշոն ու ես տարբեր ժամանակաշրջանների մտածողներ ենք

Միշոն շատ կոմֆորտ մարդ է և արտիստ: Ես վաղուց մտածում էի, որ միասին սիրուն դուետ կունենանք, բայց պատասխանատվությունը մեծ էր, որովհետև, չասեմ տարբեր սերունդներ ենք, բայց տարբեր ժամանակաշրջանների մտածողներ ենք: Շատ հեշտ է անցել նկարահանումները, դրական էներգետիկայով մարդ է Միշոն: Հուսամ նրա հետ էլի նոր երգերի գաղափարներ կլինեն:

Մեկանաբանություններում ասում են, որ Լիլիթի բառեը երգում չի հասկացվում

Նորմալ եմ վերաբերվում, որ մարդիկ իրենց կարծիքը հայտնում են, մեզանից հասնում է լավ ու որակով երգ մատուցելը: Դա առաջին հերթին այն է, ինչ մենք սիրում ենք և ուզում ենք անենք: Իսկ թե ինչպես կընկալի լսարանը՝ անհատական է, ամեն մարդ իր գույներն է մեջը տեսնում: Այս երգն այդքան բառերի մասին չէ, որքան վիճակի ու մթնոլորտի: Երգում փորձել եմ մաքսիմալ թեթևություն մտցնել, որը հստակ բառեր չէր պահանջում, այլ հոգեվիճակ:

Մեկնաբանություններում նաև սխալ կարծիք կա, որ նոր սերունդը չի կարող լավ բառեր գրել: Նույնիսկ մարդիկ կան, որ մտածում են, որ ամբողջ երգը Միշոն է գրել: Հասարակությունը հաճախ է նոր սերնդին թերագնահատում, թեև, դա բոլոր ժամանակներում էլ ակտուալ է:

Անձնական կյանքումս կա մեկը, բայց...

Իմ բախտը այնքանով է բերել, որ ես անձնականից կարող եմ գրեթե չխոսել, բայց լսարանը միևնույն է հետաքրքրքված լինի իմ երգերով: Դրա համար միշտ փորձում եմ շրջանցել այդ թեման, քանի որ ես կիսվում եմ անձնական երգերով, իսկ այն, ինչ ավելի ներանձնական է, պահում եմ իմ փոքր անկյունում: Այդպես ինձ ավելի կոմֆորտ ու ապահով եմ զգում: Եթե որևէ էտապում զգամ, որ կարիք կա դրանով կիսվելու, ապայման կանեմ, բայց դեռևս վայելում եմ ներքին հանգստությունս: Իմ կյանքում կա ինչ-որ մեկը, բայց չեմ բացում փակագծերը, որովհետև դա իմ և նրա սահմանն է:

Նոր երգեր

Մենք անընդհատ ստեղծագործում ենք, ևս 2 դուետ սպասվում է, նաև մի նոր երգ՝ հիփ-հոփ ժանրում, որն էքսպերիմենտալ գործ է լինելու: Երգից մի հատված տեղադրել էի, մարդիկ սկսել էին հետաքրքրվել, ինչն ավելի մոտիվացնում է: Ամռանը շատ ենք աշխատել, բայց քանի որ իմ միտքն ու մուսան անդադար գալիս են, պետք է հետևից վազել: Այնպես, որ 2-3 նոր երգ սպասեք աշնանը:

Չկա հատուկ մեխանիզմ, որով փորձում եմ մարդկանց դուր գալ

Չկա հատուկ մեխանիզմ, որով փորձում եմ մարդկանց դուր գալ: Ես ավելի շատ փորձում եմ անել այն, ինչ ես սիրում եմ: Ու քանի, որ հաճախ ցույց եմ տալիս, թե ինչպես է այդ պրոցեսն ինձ երջանկանում, այդ անկեղծությունը մարդուն գրավում է: Իմ առաջին երգերում անգամ իմ դեպքը չի երևում, ես ակնոցով եմ, կարևոր է, որ մարդիկ ճանաչեն ինձ որպես մարդ, անկախ նրանից ինչ դեմք կամ մարմին ունեմ: Մարդուն կապում է քո միտքն ու ինտելեկտը, քան արտաքինը: