Բրիտանացի երկվորյակներ՝ մաշկի տարբեր գույներով (լուսանկարներ)
ԼԱՅՖTert.am-ը գրում է.
Բրիտանական ԶԼՄ-ները պատմել են մաշկի տարբեր գույներով երկվորյակների նոր զույգի մասին, գրում է gazeta.ru-ն:
Խոսքը չորս տարեկան Բոբի և Ռայլի Ջորջերի մասին է, որոնք բնակվում են Արևմտյան Լոնդոնում։ Նրանց մայրը սպիտակամաշկ Էբիգեյլ Թանգն է, իսկ հայրը՝ խառնուրդ Ռիչարդ Ջորջը: Երբ հայտնի է դարձել Թանգի հղիության մասին, բժիշկները հայտարարել են մեկը միլիոնի հնարավորության մասին, որ երկվորյակները մաշկի տարբեր գույներ կարող են ունենալ: Այդպես էլ ստացվել է. Բոբին բաց մաշկ ունի և կապույտ աչքեր, իսկ Ռայլին՝ ավելի մուգ գույնի մաշկ և շագանակագույն աչքեր:
Երկվորյակները ծնվել են 2011 թվականի հոկտեմբերին, և նշվում է, որ սկզբից երկվորյակ տղաներն իրար նման են եղել: Արտաքին տարբերությունները հայտնվել են վեցերորդ շաբաթում: Նրանց բնավորությունները նույնպես տարբեր են:
«Երբ նա հղի էր, մենք կատակում էինք, թե ինչպես է երկվորյակներից մեկը լինելու սևամորթ, իսկ մյուսը՝ Էբբիի նման սպիտակամաշկ, բայց մենք երբեք չէինք մտածում, որ դա տեղի կունենա»,- ասել է Ջորջը:
Թանգն իր հերթին պատմել է, որ փողոցում մարդիկ տարօրինակ են իրենց նայում։






