Կազմվել է աշնանային հանգստի համար Եվրոպայի ամենատաք հինգ կղզիների ցանկը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Travel Off Path-ը կազմել է Եվրոպայի հինգ ամենատաք կղզիների ցուցակը աշնանային հանգստի համար:

1.) Մադեյրա, Պորտուգալիա: Իրավացիորեն «հավերժական գարնան երկիր» կոչվող այս կղզին պորտուգալական տարածք է Արևմտյան Աֆրիկայի ափերի մոտ, որտեղ ամբողջ տարի տաք եղանակ է՝ այս մայրցամաքին մոտ լինելու և փարթամ արևադարձային բնության շնորհիվ:

Նրա մայրաքաղաքը՝ Ֆունշալը, Աշխարհագրական հայտնագործությունների դարաշրջանի գագաթնակետին պորտուգալական գաղութային քաղաքաշինության վառ օրինակ է՝ լավ պահպանված 15-րդ դարի Հին քաղաքով և բարոկկո ոճով վեհաշուք պալատներով, հայտնում է Unian-ը: Այն նաև Կրիշտիանու Ռոնալդուի հայրենի քաղաքն է։

2) Հռոդոս, Հունաստան։ Հունական ամենահեռավոր կղզիներից մեկը, որը չափազանց հեռու է մայրցամաքային Եվրոպայից, որպեսզի ունենա հստակ արտահայտված սեզոնային փոփոխություններ. երբեմն երեկոյան կարող է մի քիչ ցուրտ լինել, բայց ընդհանուր աշնանային ջերմաստիճանն այստեղ տատանվում է 21-ից 26 աստիճան Ցելսիուսի սահմաններում:

Հռոդոսը նաև էքսկուրսիաների հայտնի վայր է՝ լինի դա ՅՈՒՆԵՍԿՕ-ի ցուցակում ընդգրկված միջնադարյան նույնանուն մայրաքաղաքի ուսումնասիրությունը, թե զբոսանք առեղծվածային, ջրվեժներով լի Թիթեռների հովտում:

3) Կիպրոս։ Հռոդոսից արևելք, որտեղ տեսականորեն Եվրոպայի և Մերձավոր Արևելքի սահմանները սկսում տարրալուծվել, գտնվում է Կիպրոսը, կղզի երկիր, որն ունի հետաքրքիր մշակութային ժառանգություն՝ կիսված հունական և թուրքական համայնքների միջև և հարուստ պատմություն, որն ընդգրկում է մի քանի հազարամյակ:

Կիպրոսը հաստատված ափամերձ հանգստավայր է մայրցամաքային եվրոպացիների համար, որոնք այստեղ փրկվում են ցուրտ աշնանից, քանի որ այստեղ են գտնվում բազմաթիվ զբոսաշրջային կենտրոններ, որոնք աշխույժ են ամբողջ տարվա ընթացքում:

4) Մալթա։ Այս կղզում, որը գտնվում է Միջերկրական ծովի կենտրոնական հատվածում, ընդհանուր առմամբ շատ ավելի տաք է, քան Ֆրանսիական Ռիվիերայում կամ Իտալիայի Ամալֆի ափում, բայց նկատելիորեն ավելի սակավամարդ է:

Ընդամենը 316 քառակուսի կիլոմետր տարածք զբաղեցնելով՝ այն կատարյալ վայր է լիցքաթափվելու և  Եվրոպայի հին աշխարհի հմայքը վայելելու համար:

5) Խվար, Խորվաթիա։ Խորվաթական Դալմաթիայի ափերի մոտ գտնվող այս կղզին բավարարում է բոլոր պահանջներին, որոնք հրաշալի են դարձնում Դուբրովնիկը, Սպլիտը և այլ քաղաքներ: Օրինակ՝ լավ պահպանված միջնադարյան կենտրոն, քարե շենքեր և հովվերգական լողափեր։

Սակայն Խվարում հյուրանոցների տարողությունը սահմանափակ է, ինչը նպաստում է բացառիկության ավելի մեծ զգացողությանը, և երբ ցերեկային զբոսաշրջիկների խմբերը հեռանան, այդ ոլորապտույտ սալահատակ բոլոր փողոցները ձեր լիակատար տրամադրության տակ կլինեն:

 

Առավել մանրամասն` այստեղ.

https://t.me/armenia24live