Ձեր տան համար անհրաժեշտ ցանկացած իր մեկ վայրում. Vega Home-ից դատարկաձեռն չեն հեռանա անգամ ամենաքմահաճ հաճախորդները

Կարեն Դեմիրճյանի անվան մարզահամերգային համալիրում սեպտեմբերի 13-ից 15-ը Furniture Expo-ն է: Պրոմ էքսպոն մեկ հարկի տակ է հավաքել ոլորտի ներկայացուցիչներին, իսկ այս կարևորագույն նախաձեռնության հովանավորն է դարձել Vega Home-ը: Ողջույնի խոսքում «Վեգա Հոմ»-ի զարգացման մենեջեր Պետրոս Մելքոնյանը հույս է հայտնում, որ այս ցուցահանդեսը կդառնա ոգեշնչման աղբյուր բոլոր մասնակիցների համար և կնպաստի ոլորտի զարգացմանը: Էկոնոմիկայի նախարարի տեղակալ Նարեկ Հովակիմյանն էլ հավելում է՝ կահույքագործությունը դանդաղ, բայց վստահ քայլերով առաջ է գնում: Հայ կահույքագործները պետք է փորձեն իրենց ձեռագիրն արտահանել և հայկական կահույքագործությունը պետք է ճանաչելի դառնա նաև արտերկրում:

Իսկ հետո բոլոր ընդունված կանոններին համաձայն կտրվում է կարմիր ժապավենը: Ներկաները հնարավորություն ստացան շրջել տաղավարներում, դե իսկ Past.am-ը առիթը բաց չթողեց զրուցելու «ՊՐՈՄ ԷՔՍՊՈ» ընկերության հիմնադիր տնօրեն Արման Զաքարյանի հետ: Նա շատ է կարևորում էքսպոների անցկացումը: Վստահ է՝ էքսպոն միակ հարթակն է, որտեղ արտադրողը և սպառողը հանդիպում են: Վեգա Հոմի հետ համագործակցության մասին խոսելիս հիշեցնում է՝ համատեղ ջանքերով մի շարք նախագծեր են կյանքի կոչել: «Ինքս Վեգա Հոմի ութ տարվա հաճախորդն եմ և չեմ պատրաստվում հեռու գնալ: Չեմ պատրաստվում հեռու գնալ, քանի որ ինձ հարմարավետ եմ զգում բոլոր հարցերում»,- ասում է պարոն Զաքարյանը:

Շրջայցը Վեգա Հոմի տաղավարներում հնարավորություն է տալիս ծանոթանալ խանութ-սրահներում առկա տեսականուն: Ցանկացած ճաշակի, նախասիրության և ոճի հաճախորդ Վեգա Հոմում կգտնի իր նախընտրելի կահույքը, սպասքը, տան ինտերիերը լրացնող կարևոր դետալները: Վեգա Հոմի առավելություններից ամենակարևորը թերևս հենց դա է: Այցելելով խանութ-սրահներ, հաճախորդները հնարավորություն ունեն ձեռք բերել տան համար անհրաժեշտ ամեն իր: Գները հասանելի են բոլորին, այս մասին ընկերությունը ևս հոգ է տարել: Բացի ներմուծումը, ընկերությունը կարևորում է նաև հայկական արտադրության խթանումը: Հարմարավետ ներքնակների արտադրությամբ է ներկայանում Ռեսթֆուլ բրենդը: Այն սպառողին առաջարկում է գին-որակ հարաբերակցությամբ լավագույն առաջարկը։ «Restful ապրանքանիշը հայկական բրենդ է: Ներքնակներ, տեքստիլ, կարճ ասած՝ քնի հետ կապված ամեն ինչ է առաջարկում Restful-ը»,- ասում է «Վեգա Հոմ»-ի զարգացման մենեջեր Պետրոս Մելքոնյանը: Հիշեցնում է՝ Vega Home-ը ներկայացնում է կահույքի ամենամեծ տեսականին Հայաստանում: «Կահույքից բացի, մեր հաճախորդներին առաջարկում ենք տան համար անհրաժեշտ պարագաներ, տեքստիլ, դեկորներ, ներքնակներ: Տեսականին շատ մեծ է ու բազմազան: Vega Home-ում ստեղծվել է այնպիսի միջավայր, որ ցանկացած հաճախորդ կարող է մեկ տեղից ձեռք բերել տան կահավորման, ինտերիերային լուծումների համար անհրաժեշտ ցանկացած ապրանք»,- եզրափակում է Պետրոս Մելքոնյանը: