Իտալիայի նախկին վարչապետի թոռը Հունաստանին է վերադարձրել հնագույն սկահակը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ավելի քան 70 տարի առաջ Իտալիայի վարչապետին Հունաստանի կառավարության նվիրած հնագույն թանկարժեք սկահակը նախկին վարչապետի թոռը վերադարձրել է Հունաստանին, տեղեկացրել է Kathimerini-ն։

Հունաստանի մշակույթի նախարարությունը ուրբաթ բարձր է գնահատել Պաոլո Կատի դե Գասպերիի «քաղաքավարի ժեստը», որի պապը՝ Ալչիդե դե Գսսպերին, Իտալիայի կառավարությունը գլխավորել է 1945-1953թթ.։ Նախարարության հայտարարությունում նշվել է, որ սկահակը պատկանում է մ.թ.ա. V դարին, այն դե Գասպերիին է նվիրել նրա հույն գործընկեր Ալեքսանդրոս Պապագոսը 1953թ. Աթենք կատարած պետական այցի ժամանակ։ Հայտարարությունում նշվել է, որ Պապագոսը ցանկանում էր երախտագիտություն հայտնել դե Գասպերիին Հունաստանին Դոդեկանես կղզիների (Էգեյան ծովում) վերադարձնելու գործում ունեցած «վճռական ավանդի» համար։

Մեծ, հարուստ պատկերազարդմամբ սկահակը զարդարված է կարմիր ֆիգուրներով՝ սեւ ֆոնին, եւ ունի խառնարանի ձեւ։ Հին հույներն այս սկահակներն օգտագործել են գինին (որը զուտ որպես գինի չէին խմում) ջրով բացելու համար։ Կատի դե Գասպերին այն հանձնել է մշակույթի նախարար Լինա Մենդոնիին Հռոմում Հունաստանի դեսպանությունում տեղի ունեցած արարողության ժամանակ։

Սկահակի վրա պատկերված է կին, որընուղեկցում է երկու մարտիկի, որոնք պատրաստվում են մեկնել զինծառայության, իսկ մյուս կողմում երեք երիտասարդներ են՝ քաղաքացիական հագուստով։ Այս սկահակները կարող են տասնյակ հազարավոր եվրոյով վաճառվել աճուրդներում Հունաստանի սահմաններից դուրս, որտեղ նման նմուշների մեծ մասն օրենքով համարվում է պետական սեփականություն։ Նախարարությունը հայտնել է, որ սկահակը մշտապես ցուցադրվելու է Աթենքի Կերամեյկոսի հնագույն  գերեզմանատան թանգարանում։ Իտալիան Դոդեկանեսը (որի մեջ մտնում են Հռոդոս եւ Կոս կղզիները) զավթել էր Օսմանյան կասյրությունից 1912թ. եւ պահել է դրանք մինչեւ 1947թ.։

Առավել մանրամասն` այստեղ.

https://t.me/armenia24live