Երևան, 21.Դեկտեմբեր.2024,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


Մեդիա շոու և քաղաքական լոբբինգ. ո՞ւմ են «երկրպագում» հայերը ամերիկյան ընտրություններում. «Փաստ»

ՎԵՐԼՈՒԾԱԿԱՆ

«Փաստ» օրաթերթը գրում է.

fondsk.ru-ն «Հայաստանը և ամերիկյան ընտրությունները. մեդիա շոու և քաղաքական լոբբինգ» վերնագրով հոդվածում գրում է, որ ԱՄՆ–ի նախագահական ընտրությունների քարոզարշավը մոտենում է իր գագաթնակետին: Ողջ աշխարհը հետևում է դրա ընթացքին, քանի որ շատ երկրներում կարծում են, որ աշխարհի տարբեր տարածաշրջաններում բազմաթիվ քաղաքական, աշխարհաքաղաքական և աշխարհատնտեսական գործընթացների ընթացքը կախված է նրանից, թե ո՞վ է նստելու Սպիտակ տանը։ Շատ առումներով դա վերաբերում է հակամարտությունների գոտիներին և մասնավորապես Հարավային Կովկասին։ Բնականաբար, այդ ընտրությունների ընթացքին հետևում է նաև Հայաստանը, որը գտնվում է շատ ծանր աշխարհաքաղաքական իրավիճակում և, չնայած Ադրբեջանի հետ խաղաղության համաձայնագրի կնքման պարբերական լավատեսական հայտարարություններին, դեռևս կոնկրետ արդյունքների չի հասել:

Նշենք, որ ԱՄՆ-ում նախընտրական քարոզարշավի ընթացքը հայկական էլեկտրոնային լրատվամիջոցներում լուսաբանվում է շատ հակիրճ, տեղեկատվական և չեզոք, առանց նախապատվության, քարոզարշավի մասին գերադասում են չխոսել ոչ միայն քաղաքական գործիչները, փորձագետներն ու լրագրողները, այլ նաև հասարակ մարդիկ: Ռուսական փորձագիտական հանրության մի մասում կա վարկած, որ Երևանը նպատակ ունի վերափոխել իր արտաքին քաղաքական և տնտեսական կուրսը Դոնալդ Թրամփի պահանջներին համապատասխան, ինչը հետագայում կհանգեցնի Ռուսաստանի հետ հարաբերությունների խզման, ինչը հակասում է Հայաստանի ազգային շահերին: Այդ վարկածը ենթադրում է, որ Հայաստանում ակնհայտորեն կան «Թրամփի և նրա թիմի երկրպագուներ», ինչն ամենևին էլ ճիշտ չէ։ Փաստն այն է, որ Հայաստանը շատ լավ է հիշում, որ Թրամփի վարչակազմը գրեթե ոչինչ չարեց 2020 թվականի աշնանը Ղարաբաղի շուրջ պատերազմը կասեցնելու համար։

Ավելին, այն ժամանակվա նախագահի ազգային անվտանգության հարցերով խորհրդական Ռոբերտ Օ'Բրայենը «քթից բռնած ման էր ածում» ամերիկահայերին՝ խոստանալով ինչ-որ առասպելական «խաղաղապահներ սկանդինավյան երկրներից»։ Բացի այդ, Հայաստանը շատ լավ է հիշում Օ'Բրայենի նախորդի՝ Ջոն Բոլթոնի դաժան ճնշումը Փաշինյանի և նրա շրջապատի վրա Իրանի հետ Հայաստանի հարաբերությունների հարցում։ Այսպիսով, ընտրություններում Թրամփի հիպոթետիկ հաղթանակը, անշուշտ, Երևանի համար լավագույն սցենարը չէ։ Հիշեցնենք, որ Հայաստանն ԱՄՆ-ում ունի որոշակի «ոչ ավանդական» հնարավորություններ։ Խոսքը մեկուկես միլիոն հայ համայնքի և նրա լոբբիստական կազմակերպությունների մասին է, որոնք իրենց հնարավորություններով հրեաներից հետո երկրորդ տեղն են զբաղեցնում էթնիկ լոբբիստների շարքում։

Հայտնի է, որ հայ լոբբիստները, որոնք ավանդաբար աշխատում են դեմոկրատների հետ, ժամանակին աշխատել են նաև հանրապետականների հետ և շարունակում են աշխատել։ Եթե խոսենք Կամալա Հարրիսի մասին, ապա հայ լոբբիստները նախընտրական արշավի մեկնարկից դեռ շատ առաջ էին հաշվարկել Բայդենի թեկնածության հնարավոր փոփոխության սցենարը և սկսել նախապատրաստվել իրադարձությունների նման ընթացքին: Դեռ 2022 թվականի գարնանը Ամերիկայի հայկական համագումարը Հարրիսի կիսաթամիլ լինելու փաստն է օգտագործել նրա հետ մերձենալու համար։ Հիշեցնենք, որ ՄԱԿ-ի ներքին վերանայման զեկույցի համաձայն, Շրի Լանկայում պատերազմի վերջին վեց ամսում Մուլիվայկալ կոչվող վայրում սպանվել է 40000-ից մինչև 70000 թամիլ: Վերջին երեք տարվա ընթացքում հայկական կազմակերպություններն ակտիվորեն մասնակցել են այդ ողբերգությանը նվիրված հիշատակի միջոցառումներին։

Խոսելով Հարրիսի մասին՝ պետք է նաև նշել, որ 2016 թվականին ԱՄՆ Սենատի ընտրությունների ժամանակ նա վայելել է հայկական կազմակերպությունների աջակցությունը։ Որպես սենատոր՝ նա բազմիցս է հանդես եկել ի պաշտպանություն Սենատի կողմից Հայոց ցեղասպանությունը ճանաչող բանաձևի ընդունմանը։ Որպես Կալիֆորնիայի գլխավոր դատախազ՝ նա բազմիցս է պնդել, որ Ցեղասպանության զոհերի ժառանգներն իրավունք ունեն պահանջել փոխհատուցում: 2020 թվականի 44-օրյա պատերազմի ժամանակ Հարրիսը հայտարարել էր, որ հակամարտությունը ռազմական լուծում չունի, և կոչ էր արել նախագահ Թրամփի վարչակազմին՝ անել հնարավոր ամեն ինչ՝ թուրքական ուղղակի ռազմական միջամտությունը վերացնելու համար։ Կարծես թե Հարրիսը հենց այն թեկնածուն է, որն անհրաժեշտ է ԱՄՆ-ի հայերին: Ենթադրվում է, որ նրա վարչակազմը կապահովի ամերիկյան քաղաքականության շարունակականությունը Հարավային Կովկասում: Միևնույն ժամանակ, ԱՄՆ-ի հայկական կազմակերպությունների համար, որքան էլ դա տարօրինակ հնչի ռուս դիտորդների համար, գլխավորը կլինեն ոչ թե նախագահական ընտրությունները և ոչ էլ այն, թե ով կհաղթի դրանցում, այլ Կոնգրեսի երկու պալատների ընտրությունները։

Ռուսաստանում այդ ընտրություններին շատ ավելի քիչ ուշադրություն են դարձնում, բայց փաստն այն է, որ Ներկայացուցիչների պալատի և Սենատի միջոցով է, որ հայ լոբբիստները անհրաժեշտ բանաձևերի ու օրենսդրական ակտերի միջոցով կազմակերպում են աջակցություն Հայաստանին, կամ էլ ֆինանսական միջոցներ են «պոկում» իրենց պատմական հայրենիքի համար։ Մասնավորապես, վերջերս Միացյալ Նահանգները հայտարարեց USAID գործակալության միջոցով Հայաստանում ծրագրերի ֆինանսավորումը կրկնապատկելու և մինչև 250 միլիոն դոլարի հասցնելու մասին: Դա նաև ԱՄՆ-ի հայկական լոբբիստական կազմակերպությունների աշխատանքի արդյունքն է։ Սպիտակ տան տիրոջից ավելի, հայ լոբբիստներին հետաքրքրում է, թե քանի՞ կոնգրեսական կլինի Ներկայացուցիչների պալատի երկկուսակցական «Հայկական խմբում», և քանի՞ այնպիսի սենատոր կընտրվի, որոնք ջանասիրաբար կկատարեն Ամերիկայի հայ ընտրողներին տված իրենց նախընտրական խոստումները։

Նրանց համար կարևոր է նաև այն, թե քանի՞ հույն կոնգրեսական ու սենատոր կընտրվի, քանի որ հենց հույն լոբբիստների հետ է, որ հայերն առավել սերտ են շփվում։ Ելնելով վերոգրյալից՝ Փաշինյանի վարչակազմը ԱՄՆ-ի ընտրությունների մասին ոչինչ չի ասել և չի էլ ասի՝ ի տարբերություն Բաքվի, որը բացահայտորեն ցանկություն է հայտնում Սպիտակ տանը տեսնել Թրամփին։ Ակնհայտ է, որ առաջիկա մի քանի տարվա ընթացքում Հայաստանի ղեկավարությունը պատրաստ կլինի շփվել Սպիտակ տան թե՛ «հանրապետական», թե՛ «դեմոկրատ» բնակիչների հետ։

Մանրամասները՝ «Փաստ» օրաթերթի այսօրվա համարում

2 անչափահաս է տեղափոխվել հիվանդանոց․ նոր մանրամասներ ավտոբուսի մասնակցությամբ վրաերթից Նիկոլն ունի անձնական շահագրգռվածություն․ Մինսկի խմբի լուծարումը պատմության գիրկը կուղարկի կարգավորմանը վերաբերող ողջ փաստաթղթային փաթեթը, այդ թվում Արցախի ժողովրդի ինքնորոշման իրավունքի ճանաչման և իրացման երաշխավորված մեխանիզմները․ Աշոտյան Հորս միայն ադրբեջանցի փաստաբանները տեսնելու հնարավորություն ունեն, մեր միջազգային իրավաբանները երբեք չեն կարողացել տեսնել․ Ռուբեն Վարդանյանի որդի Տեղաշարժը սահմանափակ է. ինչպե՞ս են ապրում հայերը օկուպացված Ստեփանակերտում Ուկրաինայի նախագահն ազատել է մի շարք երկրների դեսպանների եւ նշանակել նորերին Ադելյա Պետրոսյանը երկրորդ անգամ անընդմեջ դարձավ Ռուսաստանի չեմպիոն Հայ դերասանների մասնակցությամբ «Անորա» ֆիլմն ընդգրկվել է Բարաք Օբամայի սիրելի ֆիլմերի ցանկում ՄԻՊ-ը կազմակերպել է «Այլընտրանքային ծառայությունը ՀՀ-ում. մարտահրավերներ և լուծումներ» թեմայով քննարկում Ավտոբուս է վթարի ենթարկվել, 10 մարդ մաhացել է, 17-ը՝ վիրավnրվել․ Իրան Հունահռոմեական ոճի ըմբիշ Գասպար Տերտերյանն առաջադրվել է CISM-ի տարվա լավագույն մարզիկ Թուրքիայի ԱԳ նախարարը չի բացառել Սիրիայիում քրդական Ժողովրդական պաշտպանության ուժերի դեմ գործողությունը Եղանակը Հայաստանում Հակակոռուպցիոն կոմիտեն մերժել է Հովիկ Աղազարյանի փաստաբանի դիմումը Ինչի՞ համար է ՆԳՆ-ն ձեռք բերել 2 Apple ժամացույց Ինչ է հայտնում ՌԴ ՊՆ-ն Այս անգամ սխալվելու իրավունք չունենք, հասնելու ենք վերջնարդյունքին, սա ջղերի ու նյարդերի պայքար է Հանրապետական կուսակցության ներկայացուցիչները հարգանքի տուրք են մատուցել Գարեգին Նժդեհի հիշատակին. Էդուարդ ՇարմազանովԱրարատում անչափահասը դանակահարել է հասակակցին․ նախաձեռնվել է քրեական վարույթ Մարտունի-Գավառ ավտոճանապարհին Volkswagen մակնիշի մեքենան դուրս է եկել ճանապարհի երթևեկելի հատվածից և բախվել ծառին Վթար Նոր Երզնկա գյուղում, վիրավnրներ կան․ նոր մանրամասներ Դամասկոսում Իրանի դեսպանության աշխատակից է սպանվել ՃՏՊ Մարտունի-Գավառ ավտոճանապարհին Գազամատակարարման վթարային դադարեցում` Երևանում Ակտիվ անտիցիկլոնը Հայաստանում է. Սուրենյանը՝ եղանակի մասին Չինաստանի ՊՆ-ն կտրուկ է արձագանքել Պենտագոնի զեկույցին Տուժածների մասին է հաղորդվում Տեղաշարժը սահմանափակ է. ինչպե՞ս են ապրում հայերն օկուպացված Ստեփանակերտում Մահվան ելքով վրաերթ՝ Երևանում. «Mazda 6»-ը հետիոտնի համար նախատեսված անցման վայրում վրաերթի է ենթարկել հետիոտնին Բանակի կերպափոխում՝ սրանց համար նշանակում է բանակի վերացում. Արմեն Մանվելյան Մանրամասներ՝ Արցախում տեղի ունեցած երկրաշարժի վերաբերյալ Եվս մեկ մարզպետ հրաժեշտ կտա պաշտոնին «Տարվա էտալոն» մրցանակը՝ Ռոզա Ծառուկյանին «Ակտիվ քաղաքացի»-ն մեր քաղաքում խնդիրների լուծման ամենահարմար ու արագ գործիքն է. Տիգրան ԱվինյանՀնդկաստանը պայման է դնում Ադրբեջանի առջև Թմրանյութի օգտագործումը Հայաստանում մտահոգիչ չափերի է հասել Պետությունը պարտավոր է օրենքով սահմանել նոր պետական պարգև`«Հարգելի ուսուցիչ» անվանակոչմամբ. Մհեր ԱվետիսյանԻնչպե՞ս որոշեցին «թռչել» դահուկով. «Փաստ» ԱՄՆ-ը 571 միլիոն դոլարի ռազմական օգնություն կտրամադրի Թայվանին Մհեր Ավետիսյանի ուշագրավ հանդիպումը Մոսկվայում Հայաստանը պաշտոնապես ճանաչել է Կոսովոյի անձնագրերը ՊԱՏՄՈՒԹՅԱՆ ԱՅՍ ՕՐԸ (21 ԴԵԿՏԵՄԲԵՐԻ)․ Շենգենյան պայմանագրին է միացել ևս 9 երկիր. «Փաստ» Միջազգային 15 մրցաշարեր` Երևանում. 2024թ. հագեցած տարի էր տարբեր մարզաձեւերումՉինաստանը ծովում արտասովոր արևային կայան է կառուցումԻ՞նչ խոստում է տվել Փաշինյանը Էրդողանին ու Ալիևին. «Փաստ» Ուժգին երկրաշարժ՝ օկուպացված Արցախի տարածքում ՀՀ տարածքում կա փակ ավտոճանապարհ Ադրբեջանում 344 մարդ է մահացել. ի՞նչ է հայտնիԹել Ավիվում եմենյան հութիների արձակած հրթիռ է պայթել. տուժել է 16 մարդ Նիկոլ Փաշինյանը շնորհավորական ուղերձ է հղել Էմանուել Մակրոնին՝ ծննդյան օրվա առթիվ Այսօր տարվա ամենակարճ օրն է՝ ձմեռային արևադարձը