Միջազգային դատարանում արցախցիների իրավունքների խախտման վերաբերյալ մի մեծ փաթեթ է ներկայացվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արցախի ինքնապաշտպանական ուժերի նախկին գլխավոր հրամանատար, պաշտպանության նախարար, ռազմական  և քաղաքական գործիչ Սամվել Բաբայանը վերջերս տված իր հարցազրույցներում պարբերաբար անդրադառնում է միջազգային դատարաններ դիմելու՝ արցախցիների իրավունքները վերակագնելու հարցերին։ 

MediaHub-ը զրուցեց Արցախի Մարդու իրավունքների պաշտպան Գեղամ Ստեփանյանի հետ, պարզելու, թե այս մասով ի՞նչ գործեր կան միջազգային դատարաններում, ի՞նչ պետք է արվի, որ ՄԻՊ ինստիտուտը չի անում։

«Արցախի ժողովրդի իրավունքների պաշտպանության վերաբերյալ այս պահին Եվրոպական դատարանում կան հարուցված գործեր։ Հարուցված 4 գործերից 3-ը վերաբերվում է արցախահայության իրավունքներին, որից վերջինը վերաբերում է շրջափակման, պատերազմի ու բռնագաղթի ընթացքում տեղի ունեցած մարդու իրավունքների խախտումներին։ Հասցեագրվել է նաև արցախահայության կորցրած գույքը, ինչպես նաև պատմամշակութային ժառանգության հարցը»,-նշեց Ստեփանյանը։

Ըստ ՄԻ պաշտպանի, սա կատարված աշխատանքի մի մեծ փաթեթ է, որը նեռառում է արցախահայության անհատական իրավունքները։

«Կա մի նրբություն, որ պետք է հաշվի առնել։ Միջազգային եվրոպական դատարանի մասնագետները պնդում են, որ անհատական գանգատներ տանելու դեպքում դատարանը դրանք միացնում է միջպետական գանգատին։ Այսինքն, որպես կանոն՝ արցախահայերի կոնկրետ գույքային իրավունքների պաշտպանության հարցը կդիտարկվի մեկ ամբողջության մեջ։ Այսպես, թե այնպես դատարանը դրանք դիտարկելու է մեկ ամբողջության մեջ և որոշումներն էլ կայացվելու են ընդհանրական»։

Ստեփանյանը նաև չբացառեց այն հնարավորությունը, որ կլինեն անձինք, ովքեր կնախընտրեն անհատական գանգատներ տանելու։ Սակայն, ոլորտում մասնագիտացված իրավաբանները վստահեցրել են, որ անհատական գանգատների անհրաժեշտություն չկա։

Հունան Թադևոսյան

Առավել մանրամասն` այստեղ.

https://t.me/armenia24live