Լիբանանում զոհերի թիվը հասել է 2036-ի, 9662 վիրավոր կա․ պատերազմը Մերձավոր Արևելքում շարունակվում է

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Լիբանանի մայրաքաղաքը շարունակում է մնալ Իսրայելի թիրախում։ Բեյրութը՝ ինչպես տեղացիներն են ասում՝ Միջերկրական ծովի մարգարիտը դարձել է Իրան-Իսրայել հակամարտության թատերաբեմ։ Միլիոնավոր ներքին  տեղահանվածներ գիշերում են փողոցներում, քանի որ փախստականների համար նախատեսված ճամբարները լեփ լեցուն են։ Այս մասին MediaHub-ին հաղորդեց Բեյրութում ապրող մեր հայրենակից, լրագրող Փաթիլ Մկրտչյանը։ 

«Իսրայելի ռազմաօդային ուժերի ինքնաթիռները նոր հարվածներ են հասցրել Բեյրութի հարավային արվարձաններին։ Հարվածներ են հասցվել քաղաքի կենտրոնից օդանավակայան տանող ճանապարհին։ Մի քանի պայթյուն է տեղի ունեցել Բեյրութի միջազգային օդանավակայանից մոտ երկու կիլոմետր հեռավորության վրա: Իրավիճակն ավելի վատ է, քան կարելի է պատկերացնել»,-ասաց նա։

Հարավային արվարձաններում, Փաթիլի խոսքով, բնակչության մեծամասնությունը շիաներ են։ Ըստ ամենայնի՝ այդտեղ են տեղակայված «Հըզբոլլահ» խմբավորման կենտրոնակայանները։ 

«Հիմնականում թիրախավորվում և ռմբակոծվում են Բեյրութի այն հատվածները, որոնք կապ ունեն «Հըզբոլլահ»-ի և կամ այդ խմբավորման աջակիցների հետ։ Կարևոր իրադարձություններից մեկը Հասան Նասրալլահի զարմիկ՝ Սաֆիեդդինի մահափորձն էր, որը հիմնական թեկնածուն էր «Հըզբոլլահի» քարտուղարի պաշտոնին»։

Օդային ու հեռահար զինատեսակներով Բեյրութը ռմբակոծելուց բացի, Իսրայելը շարունակ թիրախի տակ է պահում Լիբանան-Սիրիա սահմանային «Մասնահ» անցակետը։

«Նրանք արդարանում են, թե՝ այդտեղով ռազմամթերք է տեղափոխվում Լիբանանի տարածք, որպեսզի խփեն Իսրայելին։ Իսկ «Մասնահ» անցակետը հազարավոր լիբանանցիների համար փրկության ճանապարհ է։ Այդտեղով են մարդիկ ստիպված ոտքով անցնում դեպի Սիրիա»,-ասաց նա։

Ըստ մեր զրուցակցի՝ զոհերի թիվն այս պահին կազմում է 2036, իսկ վիրավորների թիվը հասել է 9662-ի. «Ցավոք, այդ թվերը ժամ առ ժամ մեծանում են»,-հավելեց նա։

Առավել մանրամասն` այստեղ.

https://t.me/armenia24live