Ինչ բերեց Փաշինյանը Փարիզից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ֆրանկոֆոնիայի 19-րդ գագաթնաժողովի շրջանակում ընդունվել է «Ֆրանկոֆոն տարածաշրջանում ճգնաժամային իրավիճակների, դրանց հաղթահարման և խաղաղության ամրապնդման վերաբերյալ բանաձևը», որով կազմակերպության լիիրավ անդամ 54 պետություններ համերաշխություն են հայտնել Հայաստանին և խաղաղության գործընթացին:

Իհարկե, հաճելի է, երբ Հայաստանի արտաքին քաղաքական օրակարգի շուրջ կոնսոլիդացիա է ձևավորվում միջազգային որևէ հարթակում:

Մյուս կողմից, ականջ շոյող հայտարարությունները շատ հաճախ կիրառական, գործնական որևէ հետևանք չեն ունենում և, այսպես ասած, բարոյական աջակցության շարքից են:

Օրինակ, Ֆրանկոֆոնիայի 19-րդ գագաթնաժողովի

բանաձևում ընդգծվել է Հայաստանի ու Ադրբեջանի միջև խաղաղության գործընթացում 1991 թվականի Ալմա-Աթայի հռչակագրին համահունչ երկու երկրների տարածքային ամբողջականության նկատմամբ հարգանքը։

Հրաշալի է, բայց նույն Ֆրանսիայի նախագահ Մակրոնի նախաձեռնությամբ արդեն մեկ անգամ Ալմա-Աթայի հռչակագիրը օգտագործվել է՝ ոչ հեռավոր 2022-ին, Պրահայում, երբ Փաշինյանը, Ալիևը, Մակրոնը և Միշելը հանդես եկան համատեղ հայտարարությամբ:

Այդ հայտարարությունն այդպես էլ չերաշխավորեց Հայաստանի տարածքային ամբողջականությունը, բայց նպաստեց, որ Ադրբեջանը «կլանի» Արցախը:

Եթե միջազգային որևէ հարթակ անվտանգության երաշխիքներ չի տրամադրում Հայաստանին, Ադրբեջանի դեմ սանկցիա չի կիրառում կամ բարեխիղճ միջնորդություն չի իրականացնում, նմանատիպ հայտարարությունների էֆեկտը չափազանց փոքր է:

Առավել մանրամասն` այստեղ.

https://t.me/armenia24live