Մենք այս իշխանություններին շատ ենք ներել, դրա համար էլ ծիծաղում են ժողովրդի վրա. զոհվածի մայր

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արցախյան 44-օրյա պատերազմում անմահացած Ժիրայր Մարգարյանի մայրը` Նաիրա Մարգարյանը, Oragir.News-ի հետ զրույցում, անդրադառնալով Աննա Հակոբյանի առաջարկությանը, որը վերաբերվում է հաջողակ տղամարդկանց հետ ընթրիքին, ասում է.

«Ես էլ ոչ մի բանի վրա չեմ զարմանում, մենք այս իշխանություններին շատ ենք ներել, դրա համար էլ ծիծաղում են ժողովրդի վրա։ Ինձ Աննա Հակոբյանի առաջարկը այնքան չի զարմացնում, որքան այն, որ զոհվածների մայրերը շփվում են Աննա Հակոբյանի հետ այն դեպքում, երբ նույն Աննա Հակոբյանը ասում էր, որ մեր տղաները զոհվում են հանուն ոչնչի»,-ասում է տիկին Նաիրան։

Արցախյան 44-օրյա պատերազմում որդի կորցրած մայրն ասում է, որ ցավ է ապրում իշխանությունների վերաբերմունքից, մարդկանց անտարբերությունից։

«Ինչ անենք, դա է դառը իրականությունը։ Ամենամեծ մեղավորը մենք ենք, որ մինչեւ հիմա ամեն ինչ հանդուրժել ենք այս իշխանություններին։ Առողջապահության նախարար Անահիտ Ավանեսյանը կոպիտ սխալ էր թույլ տվել, բայց բավարարվեց ընդամենը ներողությունով։ Մեր հերոս որդիների մարմինները մորգի հատակին էին շպրտել, բայց նա ընդամենը ներողություն խնդրեց, ու դրան ոչ մի հետևանք չեղավ։ Եթե մենք նրան չներեինք ու չհանդուրժեինք, ապա այսօր Արցախը վերադարձնելու հարցը չէր համարի տգեղ ու անտեղի հարց»,- շարունակում է հերոսի մայրը։

Տիկին Նաիրան, խոսելով Աննա Հակոբյանի հաջողակ տղամարդկանց հետ ընթրիքից, ասում է.

«Աննայի առաջարկը մերժած տղամարդիկ, ավելի ճիշտ գնահատեցին իրավիճակը, քան բազմաթիվ հերոսների մայրեր, որ կազմ ու պատրաստ սպասում էին Աննա Հակոբյանը իրենց ընթրիքի հրավիրեր և տպավորություն էր, որ կարծես ոչ մի անգամ ընթրիքի չէին մասնակցել»,-շարունակում է արցախյան 44-օրյա պատերազմում զոհված Ժիրայր Մարգարյանի մայրը` Նաիրա Մարգարյանը։

Առավել մանրամասն` այստեղ. 

https://t.me/armenia24live