Սեպտեմբերի միջին ջերմաստիճանը Հայաստանում բարձրացել է 1․6 °C-ով, իսկ տեղումները նվազել են մոտ 5 մմ-ով

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

2024 թվականի սեպտեմբեր ամսվա օդի միջին ամսական ջերմաստիճանը Հայաստանում կազմել է 13․9 °C, որը նորմայից բարձր էր 0․7 °C-ով, տեղեկացնում է Հիդրոօթերևութաբանության և մոնիթորինգի կենտրոնը։

Նշվում է, որ  միևնույն ժամանակ այս տարվա սեպտեմբեր ամիսը համարվել է խոնավ, քանի որ տեղումների քանակը՝ 47․7 մմ, կազմել է նորմայի 170 %-ը։

Համեմատաբար շոգ եղանակներ են դիտվել սեպտեմբերի 3-4-ը և 12-13-ը, երբ օդի առավալեգույն ջերմաստիճանները Արարատյան դաշտում հասել են 35-37°C-ի։ Որպես համեմատություն՝ 2022 թվականի սեպտեմբերի առաջին տասնօրյակում գրանցված օդի առավալեգույն ջերմաստիճանները Արարատյան դաշտում կազմել են 39-40 °C, իսկ Մեղրիում՝ մինչև 40․8 °C։

1935 թվականից իրականցվող դիտարկումների տվյալների համաձայն՝ ամենատաք սեպտեմբերը դիտվել է 2017 թվականին, երբ օդի միջին ամսական ջերմաստիճանը կազմել է 16․4 °C՝ գերազանցելով նորման 3․2 °C-ով, իսկ ամենացուրտը՝ 1956 թվականին՝ 10․4 °C միջին ամսական ջերմաստիճանով։

Ամենախոնավ սեպտեմբերը դիտվել է 1951 թվականին, երբ տեղումների միջին քանակը կազմել է 111․4 մմ, նորմայից գրեթե 4 անգամ ավելի, իսկ ամենաչորը 2007 թվականի սեպտեմբերն էր՝ ընդամենը 1․7 մմ տեղումների քանակով։

Կլիմայի փոփոխության գնահատականները ցույց են տալիս, որ սկսած 1935 թվականից՝ սեպտեմբեր ամսվա միջին ջերմաստիճանը Հայաստանում բարձրացել է 1․6 °C-ով, իսկ տեղումները նվազել են մոտ 5 մմ-ով ։

Առավել մանրամասն` այստեղ. 

https://t.me/armenia24live