ՊԱՏՄՈՒԹՅԱՆ ԱՅՍ ՕՐԸ (2 ՆՈՅԵՄԲԵՐԻ). Հոսանքազրկվել են մայրաքաղաք Երևանը ու մի շարք մարզեր. «Փաստ»

 

Լիբերիա՝Գոհաբանության օր, Գվատեմալա, Հոնդուրաս, Մեքսիկա և Սալվադոր՝ Հանգուցյալների հիշատակի օր:

 

 

1829– ծնվել է նշանավոր հայ գրող, բանաստեղծ Միքայել Նալբանդյանը:

 

1870 – ծնվել է երգիծաբան Մուշեղ Բագրատունին:

 

1914-Առաջին համաշխարհային պատերազմի ժամանակ ռուսական բանակը սկսել է մարտական գործողությունները կովկասյան ճակատում՝ երկու ուղղությամբ սկսելով հարձակում Էրզրումի ուղղությամբ:

 

1915 – ծնվել է հայազգի ամերիկացի երգչուհի Քեյ Արմենը (Արմենուհի Մանուկյան):

 

1931-ծնվել է լրագրող, երգիծաբան, հրապարակախոս Արտաշես Քալանթարյանը:

 

1967– վախճանվել է գրող, արձակագիր Քրիստափոր Թափալցյանը:

 

1972– ծնվել է ֆուտբոլիստ Սարգիս Հովսեփյանը, որը Հայաստանի ֆուտբոլի ազգային հավաքականում ամենաշատ խաղեր անցկացրած ֆուտբոլիստն է:

 

2003- Երևանի Արաբկիր համայնքի ջրամատակարարման խողովակի վթարի հետևանքով առաջացել է դիզենտերիայի բռնկում, «Նորք» ինֆեկցիոն հիվանդանոցում դիզենտերիայով հիվանդների թիվը անցել է 100-ից:

 

2008–Ռուսաստանի միջնորդությամբ Հայաստանի և Ադրբեջանի նախագահները ստորագրել են Ղարաբաղյան հակամարտության կարգավորման մասին հռչակագիր:

 

2011- Ալիկ Սարգսյանը ազատվել է ոստիկանապետի պաշտոնից, նոր ոստիկանապետ է նշանակվել Վլադիմիր Գասպարյանը:

 

2012 - վախճանվել է հայազգի խորհրդային գեղանկարիչ, գրաֆիկ և սցենոգրաֆ Զավեն Արշակունին:

 

2013- առավոտյան ժամը 10-ն անց 20-ի սահմաններում հոսանքազրկվել են մայրաքաղաք Երևանը ու մի շարք մարզեր։ Ըստ բացատրության, հոսանքազրկման պատճառը Հայաստանի և Իրանի էներգահամակարգերի մեկուսացումն է:

 

2018- Յուրի Խաչատուրովն ազատվել է ՀԱՊԿ գլխավոր քարտուղարի պաշտոնից:

 

2018- ԿԸՀ-ն հաստատել է դեկտեմբերի 9-ի արտահերթ ընտրությունների ժամանակացույցը:

 

2019–մետրոյի «Հանրապետության հրապարակ» կայարանամերձ տարածքում կայացած «ՀուԶԱՆՔ ու Զանգ» ներկայացման համար կրթության, գիտության, մշակույթի և սպորտի նախարարության բյուջեից հատկացվել է 2,7 մլն դրամ, որի ժամանակ իրարանցում է առաջացել, քաղաքացիները դժգոհել են ներկայացման որակից ու մակարդակից:

 

2020-ղարաբաղյան երկրորդ պատերազմի ժամանակ զոհվել է ԼՂՀ պաշտպանության նախարարի տեղակալ Արթուր Սարգսյանը:

 

 

69 մ.թ.ա.-ծնվել է Եգիպտոսի թագուհի Կլեոպատրան:

 

1570– Հոլանդիայում տեղի է ունեցել մեծ ջրհեղեղ, որի հետևանքով մոտ 20 000 մարդ է խեղդվել Հյուսիսային ծովում:

 

1699– ծնվել է ֆրանսիացի նկարիչ Ժան Բատիստ Շարդենը:

 

1721-Պետրոս 1-ինն ընդունել է Հայրենիքի հոր, Համառուսաստանյան ցարի և Պետրոս Մեծի կոչումները, Ռուսաստանը դարձել է կայսրություն:

 

1755 –ծնվել է Ֆրանսիայի թագուհի Մարի Անտուանետը:

 

1865 –ծնվել է ամերիկացի լրագրող և քաղաքական գործիչ, ԱՄՆ 29-րդ նախագահ Ուորեն Հարդինգը:

 

1895 -վախճանվել է ֆրանսիացի սպա, Պուշկինին սպանած Ժորժ Դանտեսը:

 

1914 - Առաջին համաշխարհային պատերազմի ժամանակ Ռուսաստանը պատերազմ է հայտարարել Օսմանյան կայսրությանը, որի հետևանքով Դարդանելի նեղուցը փակվել է:

 

1917 -հրապարակվել է Բալֆուրի հռչակագիրը, ըստ որի, Բրիտանիայի արտգործնախարար լորդ Բալֆուրը հայտնել է Լայոնել Ռոտշիլդին, որ Բրիտանիայի կառավարությունը համաձայն է «Պաղեստինում ստեղծել հրեա ժողովրդի բնակչության օջախ»:

 

1936 -BBC-ն իր «Կրիստալ Փելես» ստուդիայից սկսել է հեռարձակել բարձր որակի հեռուստահաղորդումներ:

 

1937 -մոսկովյան Կրեմլի 5 գմբեթում առաջին անգամ վառվել են կարմիր աստղեր:

 

1938 - Հունգարիան գրավել է Սլովակիայի հարավային մասը: 

 

1943- ԽՍՀՄ-ում սկսվել է կարաչաևցիների դեպորտացիան Միջին Ասիա:

 

1946 -Չատկալ յան լեռնաշղթայում տեղի ունեցած հզոր երկրաշարժի արդյունքում Տաշքենդի և այլ քաղաքների հարյուրավոր շենքեր են վնասվել:

 

1947– ամերիկացի միլիոնատեր Հովարդ Հյուզը իր ընկերության կողմից պատրաստված պատմության ամենամեծ ամֆիբիա օդանավով թռիչք է իրականացրել:

 

1950- վախճանվել է իռլանդացի գրող Ջորջ Բերնարդ Շոուն:

 

1956 - Հունգարիայի կառավարությունը հայտարարել է Վարշավյան դաշինքից դուրս գալու մասին և օգնություն է խնդրել այլ երկրներից՝ խորհրդային օկուպացիան կանխելու համար:

 

1959 -«Մոնրեալ Կանադեինս» հոկեյի թիմի դարպասապահ Ժակ Պլանտը հերթական անգամ տափողակով դեմքին հարված ստանալուց հետո դուրս է եկել դաշտից և վերքերը կարելուց հետո վերադարձել իր իսկ պատրաստած ապակեպլաստիկից և ռետինից պատրաստված դիմակով:

 

1963 -Հարավային Վիետնամում տապալվել է Նգո Դին Զյոմի կառավարությունը, վերջինս և նրա եղբայր Նգո Դին Նյուն սպանվել են:

 

1988– ԱՄՆ-ի համացանցում հայտնվել է առաջին վնասակար ծրագիրը: Ուսանող Ռոբերտ Մորրիսոնի արձակած «որդը» հայտնաբերվել է Մասսաչուսեթսի տեխնոլոգիական ինստիտուտում:

 

2016 -վախճանվել է խորհրդային և գերմանական կրկեսի արտիստ Օլեգ Պոպովը:

 

Մանրամասները՝ «Փաստ» օրաթերթի այսօրվա համարում