Օրերս կարգապահական զորամասում ինքնասպան եղած զինվորի մայրը ինքնավնասման է գնացել. Armlur.am

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Օրերս կարգապահական զորամասում ինքնասպան եղած զինվորի մայրը Արտաշատում ինքնավնասման է գնացել։ Այս մասին գրում է Armlur.am–ը։

ArmLur.am-ի տեղեկություններով, նա մկնդեղ է խմել, բժիշկներին հաջողվել է փրկել նրա կյանքը։

Հիշեցնենք՝ նոյեմբերի 13-ին՝ ժամը 09:20-ի սահմաններում, ՊՆ ՌՈ բաժնի կարգապահական վաշտում հայտնաբերվել է ժամկետային զինծառայող Նարեկ Գրիգորյանի դին՝ կախված վիճակում:

Քննչական կոմիտեից տեղեկացնում են, որ դեպքի առթիվ նույն օրը ՀՀ քննչական կոմիտեի ԶՔԳՎ վեցերորդ կայազորային քննչական բաժնում ՀՀ քրեական օրենսգրքի 522-րդ հոդվածի 1-ին մասով նախաձեռնվել է քրեական վարույթ: Ձևավորվել է քննչական խումբ:

«Նախաքննության ընթացքում կատարվել է դեպքի վայրի զննություն, դիակի արտաքին զննություն, հարցաքննվել են երկու տասնյակից ավելի անձինք, առգրավվել են կարգապահական վաշտի տեսախցիկների տեսագրությունները պարունակող սարքը, փաստաթղթեր, նշանակվել են երկու տասնյակից ավելի փորձաքննություններ՝ ներառյալ դիակի դատաբժշկական։

Օպերատիվ-հետախուզական միջոցառումներ իրականացնելու վերաբերյալ հանձնարարություններ են տրվել հետաքննության մարմիններին: Քրեական վարույթը փոխանցվել է ՀՀ քննչական կոմիտեի զինվորական քննչական գլխավոր վարչության hատկապես կարևոր գործերի քննության վարչություն:

Նախաքննությունը շարունակվում է»,- ասված է հաղորդագրությունում:

Առավել մանրամասն` այստեղ. 

https://t.me/armenia24live