Քաղաքապետարանը տրանսպորտի 6 փաթեթ է առաջարկում․ Միակողմանի տոմսի արժեքը նախատեսվում է 300 դրամ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երևանում հունվարի 1–ից մեկանգամյա տոմս գնելու պարագայում տրանսպորտի գինը կթանկանա 200%–ով` կազմելով 300 դրամ, գրում է Sputnik Արմենիան՝ հիմք ընդունելով քաղաքապետարանի նախնական տվյալները։

Երևանի քաղաքապետարանը տրանսպորտից օգտվող քաղաքացիներին վճարման 6 փաթեթ է առաջարկում։ Համեմատաբար շահավետ է տարեկան փաթեթը, որից օրական 2 անգամ օգտվելու դեպքում ուղեվարձը կկազմի 120.5 դրամ։

Լրամշակումից հետո քաղաքապետարանի ներկայացրած նախագծով միակողմանի տոմսը կարժենա 300 դրամ, հունվարի 1-ից 1 օրվա ուղետոմսը կարժենա 880 դրամ, 7 օրվա փաթեթը՝ 4800 դրամ, 30 օրվանը՝ 8800 դրամ, 90 օրվանը՝ 23,600 դրամ, իսկ 1 տարվանը՝ 88,000 դրամ։

Փաթեթները գործելու են տրանսպորտի բոլոր տեսակների, այդ թվում՝ մետրոյի համար։

Երևանի քաղաքային տրանսպորտից անվճար կօգտվեն մինչև 7 տարեկանները, ծնողազուրկ դպրոցականներն ու ուսանողները, հաշմանդամություն ունեցող անձինք (1-ին կամ 2-րդ խմբի), մանկատներում կամ ծերանոցներում գտնվող անձինք, նախկին ԽՍՀՄ, Սոցիալիստական աշխատանքի հերոսները, Հայաստանի ազգային հերոսները, Մարտական խաչի 1-ին և 2-րդ աստիճանի և Փառքի երեք աստիճանի շքանշաններով պարգևատրվածները և բազմազավակ ընտանիքների ծնողները:

Զեղչեր կգործեն թոշակառուների, դպրոցականների, ուսանողների և նպաստառուների համար։

Ներկայումս ավտոբուսով և մետրոյով մեկ ուևորության արժեքը 100 դրամ է, տրոլեյբուսով՝ 50 դրամ։

Առավել մանրամասն` այստեղ. 

https://t.me/armenia24live