Գուցե մեր սպասումների եւ իրականության մեջ կա անհամադրելիություն, սա տապալում չէ. Սիսակ Գաբրիելյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ես չեմ կարծում, որ այն մարդիկ, ովքեր աշխատանքից ազատվել են, վարչապետն իրենց աշխատանքը բնութագրել է որպես տապալում։ Այս մասին լրագրողներին տված ճեպազրույցում նշեց ՔՊ–ական պատգամավոր Սիսակ Գաբրիելյանը։

«Նա նշել է, որ իսկապես այդ մարդկանց աշխատանքը գնահատելի է։ Այլ հարց է, որ մեր ակնկալիքներն ու սպասումները գուցե անհամադրելի են իրար հետ, բայց չի նշանակում, որ այդ սպասումներն ու իրողությունը կարելի է տապալում բնութագրել։

Ինչ վերաբերում է 2026 թվականի ընտրություններին, կարծում եմ՝ նոր նշանակվող պաշտոնյաները բավական ժամանակ ունեն շտկելու կամ փարատելու այն մտահոգությունները, որոնք այս պահին կան։ Այդ ընտրությունները ազատ ու ժողովրդավար են, հետևաբար այդ ամենը հանրությունը կտեսնի մինչև այս պահը տեղի ունեցող փոփոխությունները տվեցի՞ն ցանկալի արդյունք և կկատարի իր ընտրությունը, չտվեցի՞ն, էլի կկատարի իր ընտրությունը»,- նշեց նա։

Հարցին՝ արդյո՞ք ճիշտ է տարածված այն տեղեկությունը, թե ուժայինների ղեկավարները պաշտոններից ազատվել են «sms»-ի միջոցով, պատգամավորն ասաց. «Տարբեր կապի միջոցներ կան, կարող է դա լինել նամակագրություն, հեռախոսային, բանավոր, տետատետ, ինձ թվում է՝ դա խնդրի ձևական մասն է, հիմա կարևոր է, թե դա երկարատև պրոցես է եղել և հանգել են այն եզրահանգմանը, որ պետք է այդպես լինի։ Եթե անգամ այդպես է՝ թե՛ Հակոկոռուպցիոն կոմիտեի ղեկավարին, թե՛ Քննչական կոմիտեի ղեկավարին, և թե՛ երկու նախարարներին ազատելու լիազորությունը վարչապետինն է, նա կարող է միանձնյա որոշել, որ այդ նախարարի հետ այլևս չի ցանկանում աշխատել։ Ես այստեղ արտառոց բան չեմ տեսնում։ Իմ կարծիքով՝ բավարար պարզաբանվել է»։

Անդրադառնալով ՔՊ–ական պատգամավորների՝ մանդատները վայր դնելուն այն պայմաններում, երբ Փաշինյանի մեկ «sms»-ի միջոցով է դա տեղի ունենում՝ Գաբրիելյանն ասաց. «Ասում եք մի բան, որն այսպես չէ «sms» եք թվարկում կամ պարտադրանք։ Կարծում եմ՝ թե՛ պարոն Զեյնալյանը, թե՛ պարոն Աղազարյանը իմ գործընկերներն են, վստահ եմ, որ նրանք այդ որոշումը կայացրել են իրենց մտոք»։

Առավել մանրամասն` այստեղ. 

https://t.me/armenia24live