Արամ Խաչատրյանի ստեղծագործությունները՝ Չինաստանի ազգային օպերային թատրոնում. միջազգային մրցույթի մանրամասները

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Չինաստանը պետական մակարդակով ունի ցանկություն ցույց տալ այլ մշակույթ, նրանք շահգրգռված են տաղանդով, մեծ ու շատ կայացած երկիրը չունի կոմպլեքս ներկայացնելու, որ իրենք արժևորում են նման մրցույթը։ Վեհ է հնչում, բայց պատկերացրեք՝ Պեկինի ազգային օպերային թատրոն, շքեղ դահլիճ, Խաչատրյան, և երեխաները մրցում են հենց Խաչատրյանի անվան շուրջ։ Ունեինք երեխաներ, որ արևելքը զգում էին այնպես, որ ես չէի կարող պատկերացնել։ Օրինակ, Հայաստանում նոյեմբերի 20-ին Խաչատրյանի անվան 12-րդ միջազգային փառատոնի բացմանը Լեյա Զուն սովորել էր Արամ Խաչատրյանի Ջութակի կոնցերտը հատուկ միջոցառման բացման համար, նա այնպես էր մեկնաբանում այն նուրբ երանգները, որոնք մենք ենք զգում մեր գենետիկ կոդով, որ կարող էինք միայն հիանալ»։

Այսպես է նկարագրում Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը Խաչատրյանի անվան պատանեկան միջազգային մրցույթը։ Նոյեմբերի 1-ին Չինաստանի մայրաքաղաք Պեկինում՝ Չինաստանի ազգային օպերային թատրոնում, հնչել են Արամ Խաչատրյանի ստեղծագործությունները՝ ազդարարելով նրա անվան պատանեկան միջազգային մրցույթի մեկնարկը։ Միջոցառումն առաջին անգամ կազմակերպել էր «Արամ Խաչատրյան» մշակութային հիմնադրամը՝ Չինաստանի պետական-մշակութային կառույցների աջակցությամբ։ Մրցույթն անցկացվել է երեք անվանակարգերում՝ ջութակ, թավջութակ և դաշնամուր, և ստացել է մեծ միջազգային արձագանք: Մրցույթին մասնակցել են աշխարհի ավելի քան 300 պատանի երաժիշտներ՝ ներկայացնելով իրենց կատարողական վարպետությունը 10 օրվա ընթացքում։ Հայաստանի պետական սիմֆոնիկ նվագախումբը, գլխավոր դիրիժոր Սերգեյ Սմբատյանի գլխավորությամբ, կատարումներով ուղեկցել է եզրափակիչ փուլի մասնակիցներին։

Այս համագործակցությունն ավելի է ամրապնդել հայ-չինական մշակութային կապերը և բարձրացրել Խաչատրյանի երաժշտության ճանաչումը միջազգային բեմերում։ Մրցույթի ժյուրիի կազմում ընդգրկված էին համաշխարհային ճանաչում ունեցող մասնագետներ, այդ թվում՝ հայ երաժիշտներ Սերգեյ Սարաջյանը (դաշնամուր), Հայկ Կազազյանը (ջութակ) և Միքայել Հախնազարյանը (թավջութակ):

Առանձնահատուկ հաջողությամբ հանդես է եկել 15-ամյա հայ ջութակահար Էդուարդ Դայանը, որը նվաճել է առաջին մրցանակը՝ Խաչատրյանի «Երգ-պոեմի» լավագույն մեկնաբանության համար։

«Արամ Խաչատրյան» մշակութային հիմնադրամի գործադիր տնօրեն Մարտին Թովմասյանն ընդգծեց՝ Չինաստանի պետական կառույցների հետ համատեղ այսպիսի նախագծերի իրականացումը հնարավորություն է տալիս հանրահռչակել Խաչատրյանի երաժշտությունը և Հայաստանի մշակութային ժառանգությունը: «Սա նաև նոր մակարդակի վրա է բարձրացնում երկու երկրների հարաբերությունները՝ ամրապնդելով փոխադարձ մշակութային կապերը»,-հավելեց նա:

Այս նախագիծն աչքի է ընկել լայն միջազգային արձագանքով. բացման համերգը հավաքել էր ավելի քան մեկ միլիոն առցանց դիտող։

Չնայած մրցույթի մեծ հաջողությանը, կազմակերպիչները բախվել են ֆինանսական և կազմակերպչական խնդիրների։ Թովմասյանն անդրադարձավ հիմնադրամի գրասենյակային տարածքի բացակայությանը և կարևորեց պետական աջակցությունը մեծացնելը։

«Մրցույթի կազմակերպումը բացառապես չինական կողմի ֆինանսավորմամբ է իրականացվել։ Հայկական կողմի ներգրավվածությունը կարևոր է՝ նման միջոցառումները լիարժեք երկխոսության օրինակ դարձնելու համար»:

Այս մշակութային նախաձեռնությունը նոր ճանապարհ է բացում հայկական երաժշտությունը համաշխարհային հարթակներում ավելի ճանաչելի դարձնելու համար, նշեցին բանախոսները։

Առավել մանրամասն` այստեղ. 

https://t.me/armenia24live