Երբ Փաշինյանը Արցախը ճանաչեց Ադրբեջանի մաս, էթնիկ զտnւմը սկսվեց. նույնը սպասենք Հայաստանում

ՔԱՂԱՔԱԿԱՆ 23 Նոյեմբեր, 2024 17:15

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Նիկոլ Փաշինյանը անսկզբունք, անտեսակ, քաղաքականությունից անտեղյակ, հեռակառավարվող մի մարդ է, ում մենք բոլորս վստահել ենք մեր երկրի ղեկը։ Հայաստանը ի դեմս այդ մարդու, հիմա գտնվում է վթարային իրավիճակում, ցանկացած պահի մենք կարող ենք շուռ գալ, լավագույն դեպքում՝ կորցնել տարածքներ, վատագույնի դեպքում՝ կորցնել պետականությունը։ Երեկվա հարցազրույցը նաև դրա մասին էր, որ, այնուամենայնիվ, ինքը մեղավոր չէ»,- MediaHub-ի հետ զրույցում ասում է կանադահայ հասարակական գործիչ Հովհաննես Այնթափլեանը։

Նրա խոսքով, տեղի ունեցող իրադարձությունների, ըստ այդմ՝ ձախողումների ամբողջ պատասխանատվությունը Փաշինյանը թողնում է հեռացող ու նորանշանակ պաշտոնյաների վրա։

«Սա պոպուլիստական հնարք է, որը հատուկ է Նիկոլ Փաշինյանի անձին ու էությանը։ Երեկվա հարցազրույցը սկզբից մինչև վերջ մի քանի անգամ նայել եմ, վերլուծել, նշումներ կատարել։ Ծայրից ծայր ստի, կեղծիքի մասին էր։ Թե բա` «մայրիկներն ու տատիկներն են խնդրել, որ արագաչափերը չհանենք, հակառակը, ավելացնենք»։ Սա նման է 3-րդ դասարանի երեխայի՝ դասին պատրաստ չներկայանալու արդարացմանը։ Բավականին ծիծաղեցինք ու առաջ անցանք»,- նշեց նա։

Արդարացնելով Ադրբեջանի նախագահի պահանջները՝ Փաշինյանը, ըստ էության, փորձեց շտկել նաև ԱԺ-ում արված իր հայտարարությունը՝ Անկախության հռչակագիրը «սարսափելի» անվանելով։

«Արդարացումը ևս չստացվեց։ Ինքն իր դեմքի խաղերով ու միջանկյալ բառակապակցություններով մոլորեցրեց ժողովրդին։ «Սուպերհովանավորն» իր պատկերացմամբ Թուրքիան է, նա ակնարկում էր Էրդողանին՝ հրաժարվելով Պուտինի հովանավորչությունից»,- ասաց Այնթափլեանը։

Կանադահայ գործչի համար ամբողջ հարցազրույցի ամենացավոտ հատվածն Ադրբեջանի ղեկավարության կողմից քարոզվող «Արևմտյան Ադրբեջան» տերմինն էր, որ Փաշինյանն իր հարցազրույցում նույնացրեց «Արևմտյան Հայաստան» եզրույթի հետ, ապա դա վավերացրեց։

«Հիմա ամբողջ մտահոգությունս Սյունիքն է։ Հայաստանում վարչապետ աշխատող այդ մարդն ուժի մեջ դրեց «Արևմտյան Ադրբեջան» խոսույթը, այսպես ասած՝ թշնամու բերանում լեզու դրեց, որ Ալիևը շարունակի ոչ թե երազել, այլ իրագործել, ինչպես Արցախի դեպքում։ Ինչպե՞ս եղավ․ երբ Նիկոլ Փաշինյանը Արցախը ճանաչեց Ադրբեջանի մաս, սկսվեց էթնիկ զտումը հարյուր հազարավոր մարդկանց նկատմամբ, նույն սցենարին սպասեք նաև Սյունիքում»,- եզրափակեց մեր զրուցակիցը։

Հունան Թադևոսյան

Առավել մանրամասն` այստեղ.

https://t.me/armenia24live