Դպրոցում տղայիս 5 հոգով քաշելով տարել են զուգարան, հայհոյել են, ծեծել, ստորացրել․ տնօրենը հերքում է

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Երեխաս, որը Զովունիի Ռուբիկ Բաղդասարյանի անվան միջնակարգ դպրոցի 8-րդ դասարանում է սովորում, ուզել է գնալ դասի նստել, այդ պահին 11-րդ դասարանի 5 տղա, որ ընդանրապես կապ չունեն իրենց հետ, դիմացը կտրում են դպրոցի ներսում, քաշելով տանում են զուգարան, ասում են՝ բա դու «աչոտ» պիտի տաս։ Տվյալ տղայի քույրը իմ տղայի դասարանից է, գնացել է սուտ ինֆորմացիա է հայտնել եղբորը, որ քեզ ասում են դու լավ տղա չես։ Դասարանի մի 4 տղաներից են ուզում «աչոտը», քանի որ նրանք արդեն հասցրել են դասի են նստել, իմ տղան ոչ, իմ տղային են դեմ տվել պատին, ապտակել, հայհոյել, ստորացրել։ Ասել են՝ դու պիտի «աչոտ» տաս, ընկերներիդ համար էլ պիտի «աչոտ» տաս։ Այդ ամենից հետո ուշացած մտել է դասարան, ուսուցիչը , որ տեսել է լացելով եկել է վատացել է»,- Oragir.News-ի հետ զրույցում պատմեց Զովունիի բնակիչ Մերի Զուրաբյանը։

Ծնողի խոսքով՝ վիճաբանությունը մի քանի օր տևել է, սակայն իրենք ընդանրապես տեղյակ չեն եղել։
«Դպրոցից էլ չեն ասել, որ նման վիճաբանություն կա այնտեղ, չգիտեմ ինչու։ Երեկ պատահաբար ուղղակի խոսակցություն եմ լսում, որ երեխան խոսում է ընկերներից մեկի հետ, որ վիճաբանություն է եղել դպրոցում։ Ես, որ լսեցի, ասեցի՝ ինչի չեք ասել, որորվհետև քրոջս երեխան էլ է նույն դասարանում սովորում։ Այսինքն՝ երևի ձեզ դպրոցում ստիպում են, որ այնտեղ ինչ-որ բան է լինում, չասեք տանը։

Ես գիտեմ, որովհետև վերջերս ժողովներում նենց են ներկայացնում երեխաներին, որ վատ բան եք ասում տանը, ծնողներին, իբր խաբարբզիկ եք։ Երեխաներն էլ վատ են զգում, որպեսզի չասեն ծնողը խնդրի մեջ չընկնի պահել են, չեն ասել»,- պատմեց նա։

Ծնողը պնդումը՝ խնդիրն այն է, որ ինքն ու իր քույրը դեմ են եղել տնօրենի ընտրությանը, այդ պատճառով տնօրենը հիմա լարված է իրենց դեմ։

«Ես իրեն ձայն չեմ տվել, ասել եմ դու «չարչի» ես, առևտուր ես անում դպրոցում, դրա համար 4 տարի ընկած ա իմ ու քրոջս հետևից։
Երեխային, որ 5 հոգով տանում են զուգարան, կամերաներըը դրված են, ու՞ր էին ներսի աշխատողները, ու՞ր է իրենց պահակը»,- նշեց նա։

Oragir.News-ը մեկնաբանություն ստանալու համար կապ հաստատեց Զովունու Ռուբիկ Բաղդասարյանի անվան միջնակարգ դպրոցի տնօրեն Հասմիկ Հարությունյանի հետ, ով հերքեց տեղեկությունը, որ դպրոցում ծեծկռտուք է եղել։

«Չի եղել նման բան, որևիցէ վեճ, ծեծկռտուք դպրոցում չի եղել, եղել է ընդամենը խոսակցություն։ Դպրոցի աշխատակազմն այնքան զգոն է եղել, որ նույնիսկ դասերից հետո, դպրոցի բակում փորձել են նորից ինչ-որ բան զրուցել, արդեն դպրոցի աշխատակիցները եղել են կողքներին»,- եզրափակեց տնօրենը։

Հետևեք մեզ՝ այստեղ