Կողոպտիչները 25 հազար դոլար են գողացել ավտոմեքենայից, որի տերը եկեղեցում աղոթում էր

ՄԻՋԱԶԳԱՅԻՆ 29 Նոյեմբեր, 2024 0:24

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ամերիկյան Տեխաս նահանգի երեք բնակիչ Օկլահոմայում հետախուզման մեջ են. նրանք օգտվելով հանգամանքից, որ տղամարդն Օկլահոմա Սիթիի եկեղեցի է մտել աղոթելու, վերջինիս ավտոմեքենայից 25 հազար դոլար են գողացել։ Ըստ KOCO կայքի՝ կասկածյալները Գաբրիել Լարան, Նիկոլաս և Ռուբեն Բարիենտոսներն են:

Տուժածը կանգ է առել Սուրբ Սթենլի Ռոթերի տաճարում՝ ճանապարհին աղոթելու, որից հետո մտադիր էր մոտակա ավտոսրահից նոր ավտոմեքենա գնել: Երեք կասկածյալները սկսել են նրանից, որ գողացել են Օկլահոմա Սիթիի Սանտա Ֆե միջնակարգ դպրոցի կայանատեղիի ավտոմեքենաներից մեկի պետհամարանիշը։ Ոստիկանությունը հայտնել է, որ այնուհետև եռյակը Օկլահոմայի համարանիշ է տեղադրել սեփական ավտոմեքենայի վրա: Այնուհետ տղամարդիկ գնացել են մոտակա բանկ՝ հավանական զոհերին փնտրելու:

Նրանց զոհը մտել է բանկ և ավտոմեքենա գնելու համար 25 հազար դոլար է հանել։ Կասկածյալները հետևել են նրան։ Վերջինս մտել է եկեղեցու կայանատեղի և իջել ավտոմեքենայից՝ եկեղեցի մտնելու և աղոթելու նպատակով։ Մինչ նա կաթոլիկ եկեղեցում աղոթում էր, կասկածյալները կոտրել են նրա ավտոմեքենայի ապակին և հափշտակել գումարը։

Ձերբակալության հրամանագրում նշվում է, որ երեք տղամարդիկ ավելի ուշ ձերբակալվել են Կանզաս նահանգի Ուիչիտո քաղաքում, որտեղ ոստիկանը հայտնել է մարիխուանայի հոտի մասին և ասել, որ կասկածյալները հակասական պատմություններ են պատմում, հաղորդում է KOCO-ն: Սակայն նրանց մոտ թմրանյութ չի հայտնաբերվել, և նրանց թույլ են տվել հեռանալ։

Երեք տղամարդկանց փնտրում են կողոպուտի մեղադրանքով: Երեքն էլ նախկինում քրեական դատվածություն են ունեցել Տեխասում: Իշխանությունները շարունակում են կասկածյալների որոնումները։

Առավել մանրամասն` այստեղ.

https://t.me/+l9xjL01DqrowZjUy