Հովիկ Աղազարյանի հեռախոսը իմ սեղանին չի հայտնվել. վարչապետ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

 

ՀՀ վարչապետ Նիկոլ Փաշինյանը Ազգային ժողովում Կառավարության հետ հարցուպատասխանի ժամանակ հերքեց շրջանառվող լուրերը, թե «Քաղաքացիական պայմանագիր» խմբակցությունից հեռացված պատգամավոր Հովիկ Աղազարյանի հեռախոսը հայտնվել է իր սեղանին և այնտեղից անձնական բնույթի տեղեկություններ են հասանելի դարձել իրեն:

Այս մասին վարչապետն ասաց՝ պատասխանելով «Հայաստան» խմբակցության պատգամավոր Ագնեսա Խամոյանի դիտարկմանը, թե քննիչը հեռախոսը փոխանցել է Նիկոլ Փաշինյանին:

«Աղազարյանի հեռախոսը քրեական գործի շրջանակներում առգրավվել է անկախ մարմնի կողմից, և օրենքով սահմանված կարգով համապատասխան բոլոր ընթացակարգերը և թույլտվությունը ունենալով՝ բոլորովին ուրիշ գործով քննչական հանձնարական է տրվել մեկ այլ մարմնի, որը այնքան էլ անկախ չէ, և երբ որ այդ մարմինը քննչական հանձնարականը կատարելու ընթացքում բախվել է կամ հանդիպել է տեղեկությունների, որոնք պարունակում են պետական անվտանգության սպառնալիքներ, այդ պարագայում այդ մարմինը պարտավոր էր իր գործառույթների շրջանակում կատարել աշխատանք և զեկուցել իր վերադասին, տվյալ դեպքում՝ ՀՀ վարչապետին»,- պարզաբանեց Կառավարության ղեկավարը։

Միևնույն ժամանակ Նիկոլ Փաշինյանը նկատեց՝ ժողովրդավարության բաստիոնը պետք է գտնի լծակներ նման կարմիր գծեր հատած պատգամավորին ժողովրդի տված մանդատից զրկելու համար. «Բոլոր օրինական միջոցները կձեռնարկվեն այդ նպատակին հասնելու համար»:

Դիտարկմանը, թե ո՞ր օրենսդրության շրջանակներում է պատգամավորի հեռախոսը հայտնվել քննիչի, հետո վարչապետի սեղանին, վարչապետն արձանագրեց. «Պարզ՝ մի քանի օրենսդրության արդյունքում»։

Ինչպես հայտնի է, «Քաղաքացիական պայմանագիր» կուսակցության Վարչության որոշմամբ Հովիկ Աղազարյանը հեռացվել է կուսակցության շարքերից:

Կուսակցությունը որպես հիմնավորում նշել է, որ նա թույլ է տվել պետական և կուսակցական նշանակության կոնֆիդենցիալ տեղեկատվության արտահոսքեր, ինչպես նաև՝ հանրության բարոյական նորմերի կոպիտ խախտումներ։

Ազգային ժողովի նիստի ժամանակ Աղազարյանը հայտարարել է, որ դուրս է գալիս կուսակցությունից՝ ներողություն խնդրելով կուսակիցներից:

Հիշեցնենք, որ Հանրային հեռուստաընկերությանը տված վերջին հարցազրույցի ժամանակ վարչապետ Նիկոլ Փաշինյանը հայտարարել էր՝ պատգամավորներ Նարեկ Զեյնալյանին և Հովիկ Աղազարյանին խնդրել է վայր դնել պատգամավորական մանդատները: Վարչապետի խնդրանքը Զեյնալյանն ընդունեց, իսկ Աղազարյանը՝ ոչ:

Առավել մանրամասն` այստեղ. 

https://t.me/infolurarm