Փաշինյանի խոստովանությունը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արցախն Ադրբեջանի կազմում ճանաչելու իր քաղաքականությունն, ըստ Նիկոլ Փաշինյանի, ոչ թե ճիշտ էր կամ սխալ, այլ միակ հնարավոր տարբերակն էր, որը պետություն ունենալու շանս էր տալիս։

«Ես երկու տարի առաջ այս ամբիոնից հայտարարել եմ, ասել եմ՝ եթե մեզ հաջողվի մեկ-երկու տարի պահել մեր պետականությունը, դա նշանակում է, որ մենք առաջիկա հարյուրամյակում պետություն ունենալու իրական հնարավորություն ենք ստեղծել և ստեղծում։ Եվ ահա երկու տարի անց ես կանգնած եմ Հայաստանի Հանրապետության խորհրդարանի ամբիոնին որպես Հայաստանի Հանրապետության վարչապետ և պիտի այդպիսով արձանագրեմ, որ միջնաժամկետում մեր դարավոր և ռազմավարական խնդիրը լուծված է։ Բայց մեզ չի կարելի ոչ մի վայրկյան թուլացնել մեր զգոնությունը», - հայտարարել է Փաշինյանը։

Փաստորեն, Փաշինյանը երկրի թիվ մեկ ամբիոնից հայտարարում է, որ Հայաստանի պետականության լինելիության բանալին Արցախի հայաթափությունն է, որովհետև անցած երկու տարիներին այլ նշանակալի բան տեղի չի ունեցել, որը կարող էր փոխել գործող վարչապետի կարծիքը:

Սա էլ ինքնին ենթադրում է, որ Փաշինյանը ցինիկ սառնասրտությամբ ու հաշվարկով է գնացել Արցախի հայաթափությանը:

Իհարկե, այս պատմությունը Հայաստանի պետականության լինելիության հետ կապ չունի կամ ունի այնքանով, որ Փաշինյանը, ինչ-որ հաշվարկով, մեր պետականությունը հնարավոր է համարում բացառապես երկրի ստրատեգիական կողմնորոշումը փոխելու ճանապարհով:

Այդ արկածախնդիր քաղաքականության ինչ-որ հանգրվանում մենք արդեն կորցրել ենք Արցախը, բայց զարմանալի համառությամբ Փաշինյանը խոսում է պետականության ամրապնդման մասին՝ իր ոչ ադեկվատ դիրքորոշումները հրամցնելով որպես պետական քաղաքականություն:

Սուրեն Սուրենյանց

 Հետևեք մեզ՝ այստեղ