Սկսել էր աղանդի հարել․ ինչու է 25-ամյա մայրը 8 ամսական որդու հետ ցած նետվել, նոր մանրամասներ (լուսանկարներ)

Past.am

Ինչպես արդեն տեղեկացրել են, երեկ Մոսկվայում 25-ամյա Իրինա Ռյազանովան իր 8 ամսական որդուն՝ Յուրիին գրկել էր ու պատուհանից ցած նետվել։ Երեխան տեղում մահացել է, մայրը՝ տեղափոխվել հիվանդանոց։ Դեպքի նոր մանրամասներ են ի հայտ եկել։ Դռնապանը տեսել է, թե ինչպես է կինը բացել պատուհանն ու բարձրացել դրա վրա։ Նա անմիջապես ոստիկանություն է զանգել, սակայն մինչ նրանք եկել են, կինն արդեն ցած էր նետվել։ Ընդ որում, երեխան ընկնելիս մի կողմ է նետվել ու տեղում մահացել, իսկ ինքը ձնակույտի մեջ է ընկել եւ ողջ մնացել։

Ավելին, ինքնուրույն ոտքի է կանգնել ու մոտեցել շտապօգնության մեքենային, երբ նրանք ժամանել են։ Ինչպես պարզվել է, Իրինան միայնակ մայր է, իսկ նրա հայրը Մոսկվայում հայտնի բժիշկ-սրտաբան Սերգեյ Ռյազանովն է, ով իր սեփական կլինիկան ունի։ Նախքան երեխայի ծնվելը հայրը դստեր համար բնակարան էր գնել, կողքի շենքում է բնակվում է Իրինայի մայրը՝ Ալեքսանդրան, ով ամուսնուց բաժանվել է։

Այժմ նաեւ տեղեկություններ են տարածվել, որ Իրինան սկսել էր աղանդի հարել, այդ մասին ոստիկանների հետ զրույցում ասել է նաեւ նրա մայրը։ «Նա ասես հրեշտակ լիներ, գեղեցիկ, նուրբ, որդուն էլ շատ էր սիրում։ Լսել եմ, որ վերջերս կրոնական կազմակերպության է հարում, գուցե հենց դրա պատճառով է նման արարք գործել»,- ասել է Իրինայի հարեւանուհին։ Մյուս հարեւանն էլ ասել է, որ Իրինայի կողքի բնակարանում ապրոցները թմրամոլներ են, եւ գուցե աղջիկը սկսել է նրանց հետ ընկերություն անել։