«Խնդրել են գալ և երեխաներին տանել»․ ի՞նչ է տեղի ունենում Մասիսում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Օրվա ընթացքում Մասիսի տարածաշրջանում լուրեր են տարածվել, որոնք կապված են եղել, ենթադրաբար, քաղաքում շրջող զինված անձանց կամ անձի հետ։ Iravaban.net-ին դիմած քաղաքացիները հայտնել են, որ որոշ մանկապարտեզներում աշխատանքները նախատեսվածից շուտ են ավարտել, խնդրել են գալ և երեխաներին տանել։

Տարածաշրջանում գտնվող Ռանչպարի վարչական ղեկավարությունը հայտարարություն  է տարածել, որում նշվում է․ «Գյուղում աշխատանքները շարունակվում են բնականոն ընթացքով։

Խնդրում և հորդորում ենք` չտրվել կողմնակի խոսակցությունների ազդեցությանը և ավելորդ լարվածություն և խուճապ չստեղծել մեր գյուղում և հարակից բնակավայրերում: Իրավիճակը գտնվում է համապատասխան կառույցների վերահսկողության տակ»:

Iravaban.net-ը կապ է հաստատել նաև Մասիսի համայնքապետարանի մամուլի քարտուղար հետ, փորձել ենք ճշտել եղելությունը։

«Մեր տարածաշրջանում որևէ դեպք չի արձանագրվել։ Խոսակցություններին մենք էլ ենք տեղյակ։ Որևէ մանկապարտեզից տարհանում չի եղել։ Համայնքապետարանում էլ են այդ ամենի մասին լսել, սակայն չգիտենք, թե որտեղից են այդ լուրերը տարածվում»,-նշեց Հասմիկ Քերոբյանը՝ հավելելով, որ փորձել են նաև վարչական ղեկավարներից ճշտումներ կատարել, սակայն խոսակցությունների աղբյուրն անհայտ է։

Մամուլի քարտուղարը պնդում է՝ որևէ մանկապարտեզում տարհանում չի կատարել․ «Խոսակցություն կա, որ ինչ-որ մարդ են տեսել, բայց պարզվեց՝ նման բան էլ չի եղել։ Պարբերաբար նման տեղեկություններ տարածվում են։ Լրացուցիչ տեղեկություն ունենալու դեպքում կիրազեկենք»։