Աղազարյանը խոստովանել է, որ արտահոսք տվել է. Եթե մյուս արտահոսք տվողին էլ բացահայտենք, իրեն էլ կմեղադրենք. Հակոբյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հովիկ Աղազարյանն ինքը խոստովանել է, որ արտահոսք տվել է. ասել է, որ ինքը ինչ-որ լրագրողի հետ խոսել է և այո, խմբակցության նիստերի բովանդակությունը փոխանցել է: Այս մասին NEWS.am-ի հետ զրույցում նշեց ՔՊ-ական պատգամվոր Հրաչյա Հակոբյանը:

Դիտարկմանը, որ Հավիկ Աղազարյանին հեռացնելուց հետո էլ արտահոսքերը ՔՊ-ից շարունակվում են, նա ասաց. «Դե որ այդ մյուս արտահոսք տվողին էլ բացահայտենք, իրեն էլ կմեղադրենք, հիմա չգիտենք այդ մեկն ով է»:

Անդրադառնալով լուրերին, որ ՔՊ-ում իրավիճակը սրված է, կոմպրոմատներ են ներկայացնում թիմակիցների դեմ, մասնավորապես, Փամբուխչյանի դեմ, Ավինյանի դեմ, ասում են՝ Անդրանիկ Քոչարյանը նաև ձեզնից ներողություն է խնդրել, Հրաչյա Հակոբյանն ասաց. «Մենք ունենք ներքին խոհանոց և մեր ներքին խոհանոցի խոսակցությունները ես չեմ պատրաստվում հանրայնացնել։ Դա մեր ներքին հարցն է, որով զբաղվում ենք: Մենք այդ հարցերով որեւէ մեկին չենք վնասում: Եթե որևէ մեկին մենք ինչ-որ վնասած լինեինք, ապա այո, պետք է հանրայնացնեինք, բայց քանի որ դա մեր ներքին հարցերն են, կարծում եմ չարժի, որ հանրայնացնի»:

Նա հերքեց, որ ՔՊ-ում թեւերի են բաժանված եւ մեկը մյուսի դեմ պայքար է տանում, նաեւ հավաստիացրեց, որ Նիկոլ Փաշինյանը տիրապետում է իրավիճակին:

Հարցին՝ վարչապետը պատժելո՞ւ է նման պայքար տանողներին, ՔՊ-ական պատգամավորն ասաց. «Թևեր չկան, որ պատժվեն կամ չպատժվեն։ Տարբեր քննարկումներ են լինում մեր կուսակցությունում, տարբեր անհամաձայնություններ են լինում: Իսկ դրա համար մարդիկ չեն պատժվում»:

 Հետևեք մեզ՝ այստեղ