«Ճաքեր»՝ ՔՊ-ում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԱԺ պատգամավոր Հակոբ Ասլանյանը հայտարարել է ՔՊ-ի հետ համագործակցությունը դադարեցնելու մասին։

«Մեկ ամսով կասեցնում եմ իմ մասնակցությունը ՔՊ խմբակցությանը»,- հայտնել է նա՝ որոշումը պատճառաբանելով Հովիկ Աղազարյանի շուրջ տեղի ունեցող զարգացումներով։ Ըստ նրա՝ այդ մեկ ամիսը անհրաժեշտ է, որ քննվի Աղազարյանի հետ կապված միջադեպը:

Ըստ ամենայնի, մեկ ամսվա անհրաժեշտություն չի լինի, որովհետև արդեն այսօր ՔՊ խմբակցությունից կհեռացվի նաև Հակոբ Ասլանյանը, ինչի մասին նրա հայտարարությունից ժամեր անց հայտարարել է խորհրդարանական մեծամասնության ներկայացուցիչ Արսեն Թորոսյանը:

Ի՞նչ է կատարվում իշխանության ներսում, արդյո՞ք Փաշինյանն է գնում մտածված «չիստկաների», թե՞ նա այլևս չունի նախկինի քաղաքական և բարոյական հեղինակությունը և կառավարող թիմի ներսում «ճաքեր» են առաջանում:

Այս հարցերը միանշանակ պատասխաններ չունեն:

Մյուս կողմից, ակնհայտ է, որ ներսում առաջացել են խնդիրներ, որոնք առնվազն որոշակի լարվածություն ՔՊ-ում ստեղծում են: Այդ լարվածությունն, իհարկե, չի կարող հանգեցնել իշխանության ճգնաժամի կամ տապալման, բայց կարող է վերադասավորումների հանգեցնել իշխանության ներսում:

Նման գործընթացները ցավոտ են լինում, եթե, իհարկե, դրանց «շնչի վրա» ընդդիմությունը կարողանում է արդյունավետ գործել:

Սուրեն Սուրենյանց

 Հետևեք մեզ՝ այստեղ