Երկու տարեկան փոքրիկը սպանել է իր 22-ամյա մորը՝ կրակելով նրա վրա լիցքավորված ատրճանակից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երկու երեխաների 22-ամյա մայրը մահացու հրազենային վիրավորում է ստացել, երբ նրա փոքրիկը վերցրել է մոր ընկերոջ լիցքավորված ատրճանակը, հայտնում է KBTX3-ը։

ԱՄՆ Կալիֆորնիա նահանգի Ֆրեզնոյի ոստիկանական բաժանմունքի աշխատակիցները ուրբաթ տեղական ժամանակով ժամը 05:30-ին ժամանել են բնակարան, որտեղ տեղի է ունեցել ողբերգությունը։

Նրանք հայտնաբերել են 22-ամյա Մինային՝ մարմնի վերին հատվածի մեկ հրազենային վնասվածքով։ Նրան տեղափոխել են հիվանդանոց, սակայն կարճ ժամանակ անց արձանագրել են մահ:

Դետեկտիվների հետաքննությունը պարզել է, որ Մինայի 18-ամյա ընկերը՝ Էնդրյու Սանչեսը, իր ատրճանակը պահել է «անզգույշ կերպով», ասել է Ֆրեզնոյի ոստիկանության փոխգնդապետ Փոլ Սերվանտեսը: Նա լիցքավորված ատրճանակը թողել է ննջասենյակում, որտեղ այն իր ձեռքն է առել Մինայի 2-ամյա որդին։

Նա պատմել է, որ փոքրիկը կարողացել է սեղմել ձգանը և կրակել մոր վրա, որը հանգստանում էր իր անկողնում նախքան պլանավորված երեկոյան զբոսանքը:

Սանչեսը ձերբակալվել է դեպքի վայրում և հետախույզների կողմից հարցաքննվել: Ոստիկանությունը հայտնել է, որ նա ազատազրկվել է երեխային հանցավոր վտանգի ենթարկելու և հանցավոր կերպով հրազեն պահելու համար, սակայն ազատ է արձակվել գրավի դիմաց:

Մինայի քույրը՝ Ջեսիկա Ռոդրիգեսը, ասել է, որ Սանչեսը նախկինում անտեսել էր իր ընկերուհու խնդրանքը՝ տանը զենք չպահելու մասին:

Հետևեք մեզ՝ այստեղ