ԱԱ. Արա Աղանյանը 0 ստացավ
ՍՊՈՐՏ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Բահրեյնի մայրաքաղաք Մանամայում անցկացվող ծանրամարտի աշխարհի առաջնությունում Փաշիկ Ալավերդյանի գլխախորած տղամարդկանց Հայաստանի հավաքականի 3-րդ ներկայացուցիչը զրո ստացավ։
Տղամարդկանց 102 կգ քաշայինների պայքարում մրցահարթակ դուրս եկավ Արա Աղայանը:
Պոկում վարժությունում Եվրոպայի փոխչեմպիոնը 170 կգ արդյունք ցույց տվեց։ Այս վարժությունում պայքարն ավարտեց 11-րդ տեղում։
Հրում վարժությունում նա երեք փորձով չկարողացավ բարձրացնել 205 կգ եւ զրո ստացավ։
Արա Աղայանը 2019 թ. Եվրոպայի Մ20 առաջնության փոխչեմպիոն է, 2022 թ. Եվրոպայի առաջնության փոխչեմպիոն (375 կգ, 170+205), 2022 թ. Եվրոօայի Մ23 չեմպիոն, 2023 թ. Երեւանում անցկացված Եվրոպայի առաջնությունում երկամարտի 364 կգ արդյունքով երկրորդ անգամ մարզական կարիերայում նվաճեց փոխչեմպիոնի կոչումը (165+199):
Փաշիկ Ալավերդյանի գլխավորած հավաքականից Բահրեյնում մրցահարթակ դուրս կգան նաեւ Գարիկ Կարապետյանը եւ Պետրոս Պետրոսյանը (109 կգ), Վարազդատ Լալայանը (+109 կգ)։
Կանանց պայքարում կլինի Տաթեւ Հակոբյանը (87 կգ):
Հայաստանի առաջին մեդալն այս առաջնությունում նվաճել է 55 կգ քաշային Ալեքսանդրա Գրիգորյանը՝ դառնալով բրոնզե մեդալակիր (205 կգ, 85+120):
Տղամարդկանց հավաքականի ներկայացուցիչները դեռեւս մեդալ չեն նվաճել:
Հետևեք մեզ՝ այստեղ
