Անուններ կտամ ըստ դոզայի. Եթե Վահագն Ալեքսանյանը բոցաշունչ արձագանքի, կասեմ մի բան, որ ես ու ինքը գիտենք. Աղազարյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հիմա ժամանակը չի անուններ տալու. ըստ դոզաների կտամ, հիմա եթե Վահագն Ալեքսանյանը մի հատ բոցաշունչ ձևով արձագանքի ինձ, մի հատ ուրիշ պատասխան կստանա այն բանի մասին, որ ես ու ինքը գիտենք։ Այս մասին NEWS.am-ի հետ զրույցում նշեց ԱԺ ՔՊ խմբակցությունից հեռացած, անկախ պատգամավոր Հովիկ Աղազարյանը:

«Կամ եթե Արսեն Թորոսյանը էլի ջանասիրություն ցուցաբերի, ինքն էլ կստանա պատասխան։ Այսինքն միշտ իմ պատասխանը լինելու է մի մակարդակ ներքև: Ես անկեղծորեն եմ ասում, ես իրենց բոլորին սիրում հարգում եմ, Վահագինն էլ եմ սիրում, հարգում իր էության մեջ, բայց այդ ձևի պետք չի լինել: Կյանքը մի տարով, երկու տարով չի: Ես 65 տարի ապրել եմ, ամենադժվար պայմաններով ապրել եմ, բայց եթե ես հետ դառնամ իմ կյանքը նորից սկսեմ, որևէ պահ, որևէ վայրկյան չեմ տուժի, որ այլ կերպ եղած լինի, պետք չի այդպես ապրել»,-ասաց նա:

Հովիկ Աղազարյանն ասաց, որ ՔՊ-ում իր հետ կապված հարցերի լուծման տարբերակներ կան, բայց դրանցից ոչ մեկն իր մանդատը դնելը չի կարող լինել. «Լիքը լուծումներ կան, լուծումներից մեկը նաև արտահերթ ընտրություններն են: Միգուցե ինձ օգտագործում են, որ գնան արտահայտությունների։ Բերում են, հասցնում են ինչ-որ վիճակի, որից բխում է որ պիտի արտահերթ ընտրություններ լինեն»,-ասաց պատգամավորը:

 Հետևեք մեզ՝ այստեղ