Աշխարհի ամենազարմանահրաշ տոնածառերը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Ամենահայտնիից» մինչեւ «ամենաբարձր», «ամենագեղեցիկ» եւ «ամենաթանկ» քաղաքներն ու փոքր գյուղերն օգտվում են այս սեզոնից՝ իրենց գեղեցիկ տոնածառերով աչքի ընկնելու համար:

Տոնածառերը այն ավանդույթներից են, որոնք դիմակայել են պատմության թոհուբոհին: Նյու Յորքից եւ Փարիզից մինչեւ Ռիո դե Ժանեյրո եւ Պեկին՝ քաղաքները երկար ճանապարհ են անցել, որպեսզի այս տոնական սեզոնին ցուցադրեն իրենց հսկայական, լուսավոր, յուրահատուկ տոնածառերը:

Ռոքֆելլեր կենտրոնի խորհրդանշական լուսավորված տոնածառից մինչեւ աշխարհի ամենամեծ ծառը Գուբիոյում, եւ պատմության ամենաթանկ տոնածառերից մեկը (5,5 միլիոն դոլար արժողությամբ ոսկու ձուլակտորից)՝ ներկայացնում ենք ամենագունագեղ ծառերը, որոնք յուրահատուկ մթնոլորտ են հաղորդում ամբողջ աշխարհում։

Թերեւս աշխարհի ամենահայտնի տոնածառը եւ ամենաթանկերից մեկը՝ Ռոքֆելլեր կենտրոնի տոնածառն է Նյու Յորքում: Այն արժե մոտ 70000 դոլար։ Սովորաբար նորվեգական եղեւնի է՝ զարդարված ավելի քան 700 լույսերով եւ Swarovski աստղով:

Սուրբ Ծննդյան օրը լույսերը վառվելու են 24 ժամ, իսկ Ամանորին՝ առավոտյան ժամը 5-ից մինչեւ երեկոյան 21-ը: Այս տարի ծառը բերվել է Մասաչուսեթսից՝ առաջին ծառը, որը եկել է այդ նահանգից 1959 թվականից ի վեր:

Աշխարհի ամենահայտնի ծառերի թվում է նաեւ Փարիզի Galeries Lafayette հանրախանութի շլացուցիչ տոնածառը: Այս տարին առանձնահատուկ է հատկապես նրանով, որ խանութը նշում է իր 130-ամյակը։

Ծառն ունի 20000 ինքնակառավարվող լույսեր եի առաջադեմ տեխնոլոգիա՝ օպտիկամանրաթելային հրավառությամբ. լուսավորությունն, ուղղակիորեն, ներշնչված դիզայներ Քեւին Գերմանիերի զգեստներից:

Վատիկանի Սուրբ Ծննդյան տոնակատարությունն ավանդական 21-օրյա միջոցառում է, որը տեւում է դեկտեմբերի 9-ից հունվարի 7-ը եւ հանդիսանում է այցելուների համար հիմնական գրավչությունը։

Տոնածառը տեղադրված է Սուրբ Պետրոսի հրապարակի կենտրոնում՝ Սուրբ ծննդյան տեսարանի հետ միասին։

Վատիկանում տոնածառի տեղադրման եւ Սուրբ Ծննդյան տոնի ավանդույթը սկսվել է 1982 թվականին՝ Հռոմի պապ Հովհաննես Պողոս II-ի օրոք: Առաջին ծառը բերվել է Իտալիայից, եւ դրանից հետո ամեն տարի եվրոպական որեւէ երկիր կամ տարածաշրջան ծառ է նվիրաբերում։

Մադրիդի Պուերտա դել Սոլում 37 մետր բարձրությամբ տոնածառը զարդարված է ավելի քան 3,300 կարմիր գնդիկներով եւ իր լույսերով տոնական տրամադրություն է հաղորդում փողոցներին։

Անգլիայի բազմաթիվ հայտնի տոնածառերի թվում Վինձորի ամրոցի ծառը ամենանշանակալից ծառերից մեկն է, որը պահպանում է 1000-ամյա ավանդույթը:

Այս տարի Սուրբ Ջորջի սրահում ներկայացված է 20 ֆուտ բարձրությամբ Nordman եղեւնին, որը վերցված է Վինձորի Մեծ այգուց և զարդարված հազարավոր առկայծող լույսերով: Տոների ավարտից հետո այն կտեղափոխվի Մեծ այգի։

Այս տարի աշխարհի ամենամեծ տոնածառը կկանգնեցվի 44-րդ անգամ։ Այն կտեղադրվի Գուբբիոյի Ինգինո լեռան վրա՝ Եվրոպայի ամենագեղեցիկ միջնադարյան քաղաքներից մեկում՝ Ումբրիա շրջանի սրտում։

Ծառը, որը տեղադրվել է 1981 թվականին եւ գրանցված է Գինեսի համաշխարհային ռեկորդների գրքում, 2000 ոտնաչափ բարձրություն ունի։ Ծառի գագաթը հասնում է Սանտ Ուբալդոյի հովանավորի բազիլիկի գագաթին, իսկ վերեւում փայլուն սպիտակ աստղ է:

Բրազիլիայի Ռիո դե Ժանեյրո քաղաքի Ռոդրիգո դե Ֆրեյտաս ծովածոցում լողացող գունագեղ տոնածառը հայտնի է որպես աշխարհի ամենամեծ լողացող տոնածառը, որն ունի 278 ֆուտ բարձրություն (Գինեսի համաշխարհային ռեկորդների գրքի 2007թ.-ի տվյալներով):

Այս ավանդույթը սկսվել է 1996 թվականին՝ լույսերը միացնելու օրը շլացուցիչ հրավառությամբ:

Ալյասկայի Տոնգասի ազգային անտառում գտնվող Վրանգել շրջանի 80 ոտնաչափ եղեւնին, որը նշում է 60-ամյակի վաղեմի ավանդույթը, ամեն երեկո լուսավորվում է մինչեւ 23:00-ն ընկած ժամանակահատվածում:

Ստրասբուրգի Սուրբ Ծննդյան շուկան, որը սկիզբ է առնում 1500-ականների կեսերից, աշխարհում ամենահայտնիներից մեկն է, որը քաղաքին շնորհում է «Սուրբ Ծննդյան մայրաքաղաք» կոչումը, իսկ դրա կենտրոնում կա լուսավորված տոնածառ:

Կլեբեր հրապարակում գտնվող 30 մետր բարձրությամբ տոնածառը զարդարված է յոթ կիլոմետր ծաղկեպսակներով եւ 400 խաղալիքներով։

Պրահայի Հին քաղաքի հրապարակում 22 մետր բարձրությամբ տոնածառը եկել է Չեխիայի Լիբերեց շրջանից: Այն զարդարված է Սուրբ Ծննդյան հսկա աստղերով, կարմիր եւ ոսկե բլիթներով եւ 110,000 LED լույսերով: Ապշեցուցիչ տեսարան՝ մութ գոթական երկնքի ներքո:

Շանհայը հայտնի է ամբողջ աշխարհում իր Սուրբ Ծննդյան ինստալացիաներով, որոնք կատարյալ են ֆոտոշարքի համար, իսկ այս տարի դրանցից ամենաուշագրավներից մեկը Dior-ի տոնածառն է, որը զարդաչված է աշխույժ արձանիկներով եւ պարուհիների պտտվող ֆիգուրներով, որոնք համատեղում են Սուրբ Ծննդյան կախարդանքը նորաձեւության հետ։

Ամենաթանկ տոնածառը

Մյունխենի Բավարիայում 5,5 միլիոն դոլար արժողությամբ ձուլակտորից են պատրաստում ամենաթանկ տոնածառերից մեկը:

Վիեննայի ֆիլհարմոնիայի 2024 մետաղադրամներից կազմված ոսկե ծառը գրեթե երեք մետր բարձրություն ունի: Այն չի վաճառվում եւ ունի մոտ 5,3 միլիոն եվրո մոտավոր արժեք:

Մոտ 10 ոտնաչափ բարձրությամբ ծառը մի քանի օր ցուցադրվել է Մյունխենի ձուլակտորների վաճառողի գլխավոր գրասենյակում՝ նշելու ընկերության 35-ամյակը:

 Հետևեք մեզ՝ այստեղ