«Ընկերներս ինձ մեղադրում են, որ ես ավելի փակ եմ, հիմա սրա մասին խոսում եմ, որովհետև խնդիրը լուծված է». Լուիզա Ներսիսյանը՝ Հրանտ Թոխատյանի հիվանդության մասին
ԼԱՅՖ«Միայն բարձր տրամադրությամբ, դրական լիցքերով լցված եմ փորձել հաղթահարել մեր ընտանիքի համար այդ բարդ փուլը: Ես կարծում եմ, որ յուրաքանչյուր փորձություն տրվում է մարդուն ավելի ուժեղանալու համար»,- խոսելով՝ Հրանտ Թոխատյանի առողջական խնդիրների ու այդ բարդ փուլը հաղթահարելու մասին, «Իմունիտես» հաղորդման շրջանակներում պատմել է դերասանուհի Լուիզա Ներսիսյանը:
Tert.am Life-ն առանձնացրել է հաղորդումից հատվածներ:
«Կարծում եմ մեր ընտանիքի դեպքը եզակի չէր ու պետք չէ դրան շատ դրամատիկ կերպով նայել:
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այդ պահին հասկանում ես, որ կա խնդիր և պետք է դա լուծել ամբողջ ընտանիքով: Այն, ինչ պլանավորված էր, չեղյալ է հայտարարվում ու սկսվում է նոր էտապ՝ իր թելադրած բոլոր կանոններով:
Ու, եթե ըմբոստանաս, դեպրեսիայի մեջ ընկնես, ոչնչով չես կարող օգուտ տալ: Իսկ, երբ կարողանում ես ուժերդ հավաքել, հասկանալ, որ կա խնդիր, որը պետք է լուծել, այդ ժամանակ սառնասրտություն է մտնում քո մեջ, բայց դրա հետ մեկտեղ չես կորցնում կյանքի հանդեպ սերն ու ամենակարևորը՝ շրջապատին չես ծանրաբեռնում քո խնդիրներով, որոնք միայն քոնն ու քո ընտանիքինն են:
Մենք բոլորս մեր ընտանիքում հենց այդ կարգախոսով ենք ապրում:
Հիմա կարողանում եմ սրա մասին խոսել, որովհետև գիտեմ, որ խնդիրը հաղթահարված է: Շատ ընկերներ ինձ մեղադրում են, որ ես ավելի փակ եմ, չեմ բացվում: Ես փոքրուց այդպիսին եմ եղել, կյանքի բոլոր դժվարություններն ինքս եմ հաղթահարել»,- պատմել է Լուիզա Ներսիսյանը:
